سخن رئیس‌جمهور
صنعتکاران، دولت و جامعه را مثلث نجیبه‌ی ثبات و رفاه افغانستان می‌دانیم. رکن عمده این مثلث، صنعتکاران افغانستان است؛ چون مملکتی که تولیدکننده نباشد، مملکت نیست. صنعتکار ما، یک رکن اصلی پایگاه تمام دیدگاه‌های اقتصادی و پالیسی‌های اقتصادی ماست.

ریاست عمومی دفتر مقام عالی ریاست جمهوری

ریاست عمومی دفتر مقام عالی ریاست جمهوری، دفتر کار رئیس‌جمهور است که مرجع اساسی تعمیل صلاحیت‌ها و وظایف رئیس‌جمهور مندرج در قانون اساسی می‌باشد.

این اداره تسهیل‌کننده اجرایی شدن فرامین، احکام، هدایات و برنامه‌های رئیس‌جمهور در عرصه‌های گوناگون می‌باشد و ارتباطات اراکین دولتی با مقام عالی را تأمین می‌کند.

ریاست عمومی دفتر مقام عالی ریاست جمهوری در ارگ ریاست‌جمهوری موقعیت دارد و به عنوان نهاد ریاست‌جمهوری با تمام دوایر دولتی و غیردولتی در داخل و خارج کشور ارتباطات کاری رئیس‌جمهور را ایجاد و انسجام می‌بخشد.

این اداره در تشکیلات خود دارای سه معاونیت زیر می‌باشد که تحت رهبری ریاست عمومی دفتر مقام عالی ریاست جمهوری وظایف محوله را پیش می‌برند:

  • معاونیت پالیسی، نظارت و بررسی
  • معاونیت ارتباطات استراتیژیک و رسانه‌ها
  • معاونیت منابع و اداره