د جمهور رئیس خبرې
صنعتکاران، دولت او ټولنه د افغانستان د ثبات او هوساینې نجیبه مثلث بولو. ددې مثلث عمده رکن، د افغانستان صنعتکاران دي؛ هغه هېواد چې تولیدونکی نه وي، هېواد نه دی. زموږ صنعتکار، زموږ د ټولو اقتصادي لیدلوریو او اقتصادي پالیسیو اصلي رکن دی.

د اقتصاد وزارت

-

اقتصاد وزارت «په افغانستان کې د عامه هوساینې د تامین لپاره اقتصادي او ټولنیز انکشاف او پرمختګ» له لید لوري سره فعالیت لري.

دغه وزارت ددې لید لوري په رڼا کې ماموریت لري، چې په ملي کچه اقتصادي پالیسۍ طرحه او ترتیب کړي، تلپاتې انکشافي اهداف (SDG)  د ملي انکشاف په پلانونو او پروګرامونو کې شامل کړي، د ټولنیزو او اقتصادي پلانونو همغږي او انسجام عملي کړي او په ملي او سیمه ییزه کچه د پلانونو له عملي کولو څارنه او ارزونه وکړي.

 اقتصاد وزارت د لاندې اهدافو د ترلاسه کولو لپاره فعالیت کوي:

-د ازاد اقتصاد پر اساس د دولت د اقتصادي انکشاف ستراتیژي، پالیسۍ ترتیب او طرحه او د هېواد په کچه د اقتصادي فعالیتونو د جریان په عملي کولو څار او کنټرول؛ 

-د هېواد په کچه د اقتصادي، ټولنیزو، جوړولو او بیارغاونې انکشافي فعالیتونو انسجام او تنظیم؛ 

-په مرکز او ولایتونو کې د اقتصادي وروسته پاتې والي، د خلکو او فقر ځپلو د ژوند کچې لوړو لپاره د ملي اقتصاد په ټولو برخو کې د متوازن انکشاف پروګرامونو پراختیا، ترتیب او یووالی؛ 

-د دولت او خصوصي سکتور د پالیسۍ قوي کولو او ملاتړ په رڼا کې د سړي سر عوایدو زیاتوالی. 

د اقتصاد وزارت ویبپاڼه


شریکول