د جمهور رئیس خبرې
امنیتي ځواکونه چې له هېواده د دفاع لپاره ځانونه قرباني کوي، ټولو ته باید د شهید خطاب وکړو او د شهیدانو او ټپیانو کورنیو ته باید لا زیاته توجه ولرو.

خبرې

قران مجید فرمایلي: والصُّلحُ خیرٌ. یعنې سوله غوره ده. سوله غوره انتخاب دی، دا یوازې زموږ د خلکو لپاره نه، بلکې ان د هغو کسانو لپاره هم چې د بغاوت په سنګر کې دي. زه له همدې ځایه یو وار بیا د طالبانو په ډلو غږ کوم، چې الهي غږ، د خلکو غوښتنې او د جهاد د رهبرانو مخلصانه هڅو ته احترام وکړي او د سولې غږ ته لبیک ووایي. کله چې د خبرو او مذاکرې لار پرانستې، تاوتریخوالي ته څه حاجت؟ هغوی دې الهي امر ته څه ځواب لري چې د انفال سورت په ۶۱ ایت کې فرمایي: «که مو ولیدل چې مخالفین مو سولې او روغې ته لېوالتیا لري، تاسو هم سولې ته مخ کړئ.»

د افغانستان د ملت او دولت اراده د سولې لپاره ده. که موږ د سوله‌ییزې حللارې خنډ وای، نن به یې دې جګړې ته مشروعیت ورکولای. موږ سولې ته ژمن یوو او دا ددې لپاره چې خلک سولې ته لکه د هوا په څېر اړتیا لري؛ خو باید اراده ولرو، چې په واقعي ډول سوله راوړلی شو. هغه سوله چې په هغه کې خدای نخواسته د افغانستان جغرافیه ووېشل شي، هېڅکله د منلو نه ده.

د سیمې د ځینو خلکو صادرات ترهګري ده؛ خو زموږ د درېیو هېوادونو (افغانستان، ایران او هند) صادرات هیله، باورمندي او همکاري ده. زموږ پیغام دا دی، چې ټوله سیمه باید په ګډې همکارۍ او نښلېدو کې شریکه وي. مرکزي آسیا، اروپا او چین، ټول په دې ګډ لیدلوري کې شامل دي.

زموږ د بریالیتوب کیلي؛ د حکومتولۍ په ښاروند‌محور سیستم د ریښه دار فساد د حکومتولۍ فرهنګ بدلول دي.

زموږ اساسي ستونزه څه ده، چې خلک، خصوصي سکتور او دولت نشي کولای له یو بل سره یو ځای شي؟ زموږ ستونزه فساد، د ژمنتیا نشتوالی، د وخت جدي نه نیول او د بادارۍ فرهنګ دی. دولت یوازې او یوازې ملت ته د خدمت وسیله ده. ثبات په ټوپک نه، بلکې پر دولت د خلکو له باور ترلاسه کېږي. زما ژمنه دا ده، چې له فساد سره په اساسي ډول مبارزه کوم، څو هغه خلک چې ملت ته کار کوي تقدیر او وستایل شي او له خلکو او خصوصي سکتور سره کار وکړي.

تر ټولو لویه دنده، په سیمه کې د بېوزلۍ له منځه وړل دي. زموږ د دوو لویو ستونزو په څېر د «بېوزلۍ» او «ترهګرۍ» تعریف لپاره په سیمه کې زموږ تمرکز او سیاسي اراده جوړه شوې ده. ترهګري یوه لنډمهاله پدیده نه ده، که چېرې د ترهګرۍ څلور پخوانۍ څپې یوازې نښې وي، متأسفانه پنځمه څپه، یوه منځمهالې پدیده ده. موږ باید خپل ځواکونه سره یو ځای کړو، خپل تمرکز وساتو او مخ پر وړاندې حرکت وکړو. افغانان د انعطاف‌پذیرۍ له فرهنګ څخه د راپورته شوې وړتیا پر اساس پر دې خنډونو بریالي کېږي

امنیتي ځواکونه چې له هېواده د دفاع لپاره ځانونه قرباني کوي، ټولو ته باید د شهید خطاب وکړو او د شهیدانو او ټپیانو کورنیو ته باید لا زیاته توجه ولرو.