د جمهور رئیس خبرې
زه جمهوررئیس نه، بلکې د افغانانو لومړنی خدمتګار یم او باید هماغه اصل او طریقه چې خلفای راشدینو د غوره خدمت لپاره رامنځته کړې وه، بیاځلي را ژوندۍ کړو.

خبرې

په هغه هېواد کې چې جګړه هره ورځ زموږ نږدې عزیزان اخلي، د سولې ټینګښت له موږ لوی قیمت غواړي. هغه پیغام چې موږ ته د شهیدانو له وینو رسېږي دا دی، چې ددې هېواد د ارامۍ او ابادۍ لپاره باید فریب خوړلیو ته یاده کړو، چې هر مرګ شهادت نه دی. هغه مرګ چې له امله یې بېګناه خلک په وینو او خاورو کې لوغړېږي او مېرمنې او ماشومان یې قرباني دي، هماغسې چې د اسلام مقدس دین بیان کړی، شهادت نه دی؛ بلکې انتحار دی، چې د نورو ژوند ته د ضرر رسولو او پخپله د هغوی د اخرت د تباهۍ لامل ګرځي.

زموږ د سیندونو اوبه نورو ته توېږي، د سېلابونو له وجې زموږ اوبه زموږ د تخریب لامل ګرځي. په راتلونکو لسو کلونو کې به زموږ د اوبو هره قطره زموږ د ګاونډیانو د تېلو له هرې قطرې ډېر ارزښت ولري. په همدې اساس اړتیا ده، چې د اوبو سرچینې مو مدیریت کړو او ترې ګټه پورته کړو.

تر دې جامع پیغام نه لرو، باید د معصومو ماشومانو له ژبو یې واورو، چې زموږ تېرېدونکی نسل دوی ته څه کوو او څه ډول په یوه پُل بدلېږو. د افغان ماشومانو پیغام زموږ د ناکامۍ پارچه ده.

خبره دا نه ده، چې څه راته په میراث پاتې دي، تاریخ به دا قضاوت وکړي، چې موږ دغه میراث په څه بدلوو. په هره بیه چې کېږي دغه میراث به [په راتلونکې کې] په یوه نېک میراث بدلوو.

تر دې وروسته به هېڅ سیاسي شخص اجازه ونه لري، چې سیمه‌ییز پولیس ولري، د سیمه‌ییزو پولیسو ټول کارونه د امنیه قوماندانیو تر چتر لاندې راځي او یوازې او یوازې د دولت په چوکاټ کې ځواب ویونکي دي. زموږ موخه دا ده، چې دولت په خدمتګار دولت بدل شي، نه په زورواکي او بې ځوابه.

زه به هغه ورځ جشن ونیسم، چې د افغانستان ستره محکمه حد اقل زما یو فرمان د افغانستان د اساسي قانون پر اساس رد کړي.

زه جمهوررئیس نه، بلکې د افغانانو لومړنی خدمتګار یم او باید هماغه اصل او طریقه چې خلفای راشدینو د غوره خدمت لپاره رامنځته کړې وه، بیاځلي را ژوندۍ کړو.