سخن رئیس‌جمهور
هر کسی که یک قدم از طرف واردات به طرف تولید می‌گذارد و زمینه را برای صادرات برابر می‌کند، به سمت ثبات افغانستان یک قدم بزرگ می‌گذارد. صنعت‌کاران نه‌تنها شریک‌های انکشافی حکومت هستند، بلکه شریک‌های ثبات افغانستان نیز می‌باشند.

امضای تفاهمنامه همکاری بین وزارت‌های تحصیلات عالی افغانستان و اوزبیکستان

۰۱ قوس ۱۳۹۹

طی سفر رسمی محمدشاکر کارگر و هیئت همراهشان به جمهوری اوزبیکستان، تفاهمنامۀ همکاری میان وزارت‌های تحصیلات عالی هر دو کشور به امضا رسید.
این تفاهمنامه توسط پوهنمل عبدالتواب بالاکرزی معین علمی وزارت تحصیلات عالی افغانستان و مجیدوف انعام یوریشیویچ وزیر تحصیلات عالی اوزبیکستان در حضور داشت محمدشاکر کارگر رئیس عمومی ریاست دفتر مقام عالی ریاست جمهوری و سردار اوکتاموویچ عمرزاکوف معاون صدراعظم جمهوری اوزبیکستان به امضا رسید.
آقای کارگر از دولت جمهوری اوزبیکستان به‌خاطر همکاری‌های دوام‌دار با دولت و مردم افغانستان ستایش کرده گفت که امیدوار است در قسمت رسیدگی به مشکلات اسناد تحصیلی 96 تن از محصلان افغان در اوزبیکستان رسیدگی صورت گیرد.
وزیر تحصیلات جمهوری اوزبیکستان تعهد سپرد که ضمن رسیدگی به مشکل‌ 96 تن از محصلان افغان در زمینۀ تداوم بورسیه‌های تحصیلی نیز برای محصلان افغان تسهیلات لازم را فراهم خواهند کرد.


اشتراک گذاری