دیدار محمدشاکر کارگر با ارزیوف فرهاد نورالدین‌اویچ معاون اول و سرپرست وزارت امور خارجۀ جمهوری اوزبیکستان

۰۱ قوس ۱۳۹۹

محمدشاکر کارگر رئیس عمومی ریاست دفتر مقام عالی ریاست جمهوری با ارزیوف فرهاد نورالدین‌اویچ معاون اول و سرپرست وزارت امور خارجۀ جمهوری اوزبیکستان در مقر آن وزارت دیدار و گفت‌و‌گو کرد.‌
در این دیدار جناب ارزیوف فرهاد نورالدین‌اویچ از افغانستان به مثابۀ همسایۀ نیک و دوست یاد کرده بر ضرورت تقویت و تداوم روابط دیپلوماتیک میان هر دو کشور تأکید کرد.‌
آقای کارگر بر ضرورت تنش‌زدایی در منطقه در سایۀ تقویت روابط حسنۀ افغانستان با کشورهای دوست و همسایه تأکید کرده افزود که دولت جمهوری اوزبیکستان همواره در این راستا با دولت و مردم افغانستان همکار بوده است.


اشتراک گذاری