د جمهور رئیس خبرې
د افغان دولت، اقتصادي قشر او خلکو هدف وصل دی؛ موږ د وصل خلک یوو، نه د فصل. موږ جدایي نه غواړو، موږ انزوا نه غواړو، موږ اړیکې او همکاري غواړو. د لاجورد لارې پرانیسته د سویلي آسیا پر وړاندې د افغانستان د لارو د تړلو په معنی نه ده. لاجورد لار په دویم ګام کې سویلي آسیا له مرکزي آسیا، قفقاز او اروپا سره نښلوي.

بهرني سفرونه

ترکیې ته د جمهوررئیس غني سفر
۰۵ مرغومی ۱۳۹۴

جمهوررئیس د افغانستان او ترکیې ترمنځ د ګډو اقتصادي اړیکو د کمېټې جوړېدو چارو پر چټکوالي ټینګار وکړ او څرګنده یې کړه، چې ترکیه د استانبول ښار په متحول کولو کې کافي تجربې لري او موږ غواړو د کابل ښار په انکشافي پروګرام کې له دې تجربو څخه ګټه واخلو.

قزاقستان ته د جمهوررئیس غني سفر
۳۰ لړم ۱۳۹۴

جمهوررئیس محمد اشرف غني د قزاقستان د جمهوررئیس نور سلطان نظر بایوف په بلنه، د یوه جګپوړي پلاوي په مشرۍ په دوه ورځني سفر، د ۱۳۹۴ د لړم په ۲۸ ماښام د قزاقستان پلازمېنې آستانې ښار ته ورسېد.