د جمهور رئیس خبرې
موږ، د افغانستان ډېری خلک، په لېوالتیا هغه لیدلوری تعقیبوو، چې وکولای شو د افغانستان اسلامي جمهوریت نظام بنسټونه پخپله جوړ کړو؛ په هېواد کې د سولې، یووالي او ملي پیوستون خاوندان شو او د سیمه‌ییز اتصال، د اسلامي زده کړو مرکز او د آسیا څلور لارې د محور په توګه د سیمه‌ییزو او نړیوالو همکاریو د بستر په توګه عمل وکړو.

کابینې د بندیانو لپاره د سواد زده‌کړې مقررې طرحه په پرنسیپ کې تصویب کړه

۰۶ مرغومی ۱۳۹۷

د جمهور رئیس محمد اشرف غني په مشرۍ د کابینې په غونډه کې د بندیانو لپاره د سواد زده کړې مقررې طرحه په پرنسیپ کې تصویب شوه.

حکومت تصمیم لري، چې د بندیانو لپاره د سواد زده‌کړې مقررې په انفاذ او اجرایي کېدو سره، بېسواده بندیان زده‌کړو ته وهڅوي.

دغه مقرره هڅه کوي، چې بېسواده بندیانو ته د تعلیمي فرصتونو په رامنځته کولو سره، د هغوی د پوهې کچه لوړه کړي.

ددې مقررې په عملي کېدو سره به، بندیان د بند مودې له پوره کولو وروسته د یوه باسواده شخص په توګه ټولنې او کورنۍ ته ستون شي.

د افغانستان اسلامي جمهوریت کابینې عدلیې وزارت مؤظف کړ، چې د بندیانو لپاره د سواد زده‌کړې مقررې طرحه د پوهنې وزارت د عمومي زده کړو معینیت اصلاحي نظریاتو ته په پام، تصحیح او نهایي کړي.


شریکول