د جمهور رئیس خبرې
موږ، د افغانستان ډېری خلک، په لېوالتیا هغه لیدلوری تعقیبوو، چې وکولای شو د افغانستان اسلامي جمهوریت نظام بنسټونه پخپله جوړ کړو؛ په هېواد کې د سولې، یووالي او ملي پیوستون خاوندان شو او د سیمه‌ییز اتصال، د اسلامي زده کړو مرکز او د آسیا څلور لارې د محور په توګه د سیمه‌ییزو او نړیوالو همکاریو د بستر په توګه عمل وکړو.

کابینې د اوبو قانون طرحه په پرنسیپ کې تأیید کړه

۲۰ وری ۱۳۹۸

د سرچینو د مدیریت او ساتنې او له اوبو څخه د استفادې لپاره، کابینې د اوبو قانون طرحه په پرنسیپ کې تأیید کړه.

غونډې ته ددې طرحې د وړاندې کولو پر مهال عدلیې وزیر وویل، چې د قوانینو په کمېټه کې تر تسوید او تدقیق وروسته دغه طرحه تأیید شوې او تمه کېږي چې په نافذېدو سره به یې د اوبو اړوند چارې په غوره ډول تنظیم شي او د اوبو په وېش او چاپېریال ساتنه کې به عدالت تأمین شي.

کابینې عدلیې وزارت ته لارښونه وکړه، چې د اړوندو وزارتونو په همکارۍ یاده طرحه، د کابینې غړو تر اصلاحي نظریاتو او د اوبو او ځمکې په شورا کې تر بحث وروسته، نهایي کړي.


شریکول