جمهوررئیس غني د ترکیې د بهرنیو چارو وزیر سره وکتل

۱۰ وری ۱۴۰۰

د افغانستان اسلامي جمهوریت جمهوررئیس محمد اشرف غني نن له غرمې مخکې د اسیا زړه ـ د استانبول پروسې د بهرنیو چارو وزیرانو نهم کنفرانس په څنډه کې، د تاجیکستان د دوشنبې ښار په بوستان سرای کې پخپل استوګنځي کې د ترکیې د بهرنیو چارو وزیر مولود چاووش اوغلو سره وکتل.

په دې کتنه کې، دواړو لوریو د تاوتریخوالي زیاتوالي په اړه اندېښنه وښوده او د افغانستان د سولې په اړه د ترکیې غونډې جوړېدو د تیاریو په اړه یې بحث او خبرې وکړې.


شریکول