د جمهوری ریاست عالی مقام دفتر لوی ریاست

د جمهوري ریاست لوړ مقام د دفتر عمومي ریاست د جمهوررئیس کاري دفتر دی، چې په اساسي قانون کې د جمهوررئیس د دندو او واکونو د پلي کولو اساسي بنسټ په توګه درج شوی.

دا اداره ملي، سیاسي، ولسي پروګرامونو او د جمهوررئیس هدایتونو پلي کېدو ته لار هواروي، څو له جمهوري ریاست سره د مختلفو قومونو او قشرونو ترمنځ لا غوره اړیکې رامنځته شي.

د جمهوري ریاست د لوړ مقام د دفتر عمومي ریاست په ارګ کې موقعیت لري، چې د جمهوري ریاست د بنسټ په توګه په هېواد کې د ننه او بهر له ټولو دولتي او غیر دولتي بسټونو سره د جمهوررئیسکاري اړیکې تامین او انسجاموي.

دا اداره په خپل تشکیل کې څلور معاونیتونه لري، چې جمهوري ریاست د لوړ مقام د دفتر عمومي ریاست تر رهبرۍ لاندې اړوند مسوولیتونه او چارې پرمخ وړي:

 

  • د ولسي، سیاسي انسجام او عامه پوهاوي چارو معاونیت
  • د پالیسۍ، پلټنې او بررسۍ معاونیت
  • د تخنیکي او د برنامو معاونیت
  • منابع او اداري معاونیت

 

د ولسي، سیاسي انسجام او عامه پوهاوي چارو معاونیت

د مطبوعاتو او عامي پوهاوي ریاست

د فرهنګي او سیاسي چارو د انسجام ریاست

د پارلماني چارو ریاست

 

 د پالیسۍ، پلټنې او بررسۍ معاونیت

د پرانیستې حکومتولۍ سکرتریت (OGP)

د پلټنې او بررسۍ ریاست

د پالیسۍ او هدایتونو د تعقیب ریاست

د بین المللي اړیکو د مطالعاتو او څېړلو بورډ ریاست

د حقوقي بورډ ریاست

 

د تخنیکي او د برنامو معاونیت

د ملي برنامو تخنیکي دستیار

د ځوانانو چارو تخنیکي دستیار

د انرژي او زېربنا چارو تخنیکي دستیار

د برېښنایي حکومتولۍ چارو تخنیکي دستیار

دیاسبورا چارو تخنیکي دستیار

د زنځیري ارزښتونو د پراختیا چارو کې تخنیکي دستیار

 

د افغانستان اسلامي جمهوریت د لوړ مقام د دفتر عمومي ریاست د تخنیکي او برنامو معاون سهراب احمد لنډه پیژندنه

سهراب احمد د محمد نادر انوري زوی او د محمد انور لمسی، چې په ۱۳۶۷ هـ ش کال د هرات په ولایت کې سترګې غړولي دي. نوموړي لومړنۍ زده کړې يې د ترکمنستان په هېواد کې، منځۍ زده کړې ېي د قرغزستان په هېواد کې، د لسې دورې زده کړې، پوهنتون او ماسترې یي د کاناډا په هېواد کې پای ته رسولي دي.

سهراب احمد په ۱۳۹۰ هـ ش کال کې د بین المللي روابطو پر تاریخ  تمرکز د سیاسي علومو له برخې د کاناډا د اوتاوا ښار د کارلتون له پوهنتون څخه په عالي درجه فارغ شو.

سهراب احمد تر ماستري دورې پورې خپلو زده کړو ته د شخړو په برخه کې ادامه ورکړه او له همدې پوهنتون څخه يې د منازعې او سولې په برخه کې په ۱۳۹۳ کال کې تخصص په لاس راوړ. د زده کړو د پای ته رسولو وروسته افغانستان ته راوګرځېده، د سیاسي مسایلو په تحلیل او د ملي او نړیوالو ورځپاڼو ته يې د مقالو په لیکلو پیل وکړ. یو څه وخت وروسته د جمهوي ریاست د همغږۍ څانګې کې د متخصص په توګه حکومت ته داخل شو.

له یو کال کار او فعالیت څخه وروسته د جمهور رئیس ځانګړي همکار په توګه وګمارل شو او له نهه میاشتو وروسته په دې وتوانیدلو چې د ولسمشر ځانګړې همکارۍ څانګه رامنځ ته کړي او په خپله د دې څانګې مشري خپله کړي.

ځوانان او تنکي زلمیان د سهراب احمد د دندې د پاملرني محراق او لومړیتوبونه دي، نوموړی په دې وتوانیده چې په ټول هېواد کې د ځوانانو یوه پراخه شبکه جوړه کړي. سهراب احمد له هغو ځوانانو سره د برنامو په لار اچولو او خبرو اترو له مخې چې ډېره کمه سابقه يې درلودله له حکومت سره يې اړیکې ډېرې نږدې کړي. نوموړی د ځوانانو په منځ کې نیک شهرت او محبوبیت لري.

سهراب احمد په ۱۳۹۸ هـ ش کال په ټول ټاکنو کې د دولت ساز ټیم د کمپاین په موخه د ولسشمر له ځانګړي معاونیت څخه استعفا وکړه او د ځوانانو د برخې د کمپاین د معاونیت مسولیت يې په غاړه واخیست.

سهراب احمد متاهل دی چې یوه لور لري. نوموړی په درې، پښتو، او انګلیسي ژبو بشپړ تسلط لري. سهراب احمد د  ۱۳۹۸ کال له ټول ټاکنو وروسته د ولسمشر په حکم  د افغانستان اسلامي جمهوریت د لوړ مقام د دفتر ریاست  او د برنامو د همغږۍ د معاونیت د معاون په توګه وګمارل شو او په دې وخت کې يې تر زیاتې اندازې يې د عالي مقام د برنامو مسولیت په غاړه واخیست.

وروسته په ۱۳۹۹ هـ ش کال د ولسشمر د فرمان په اساس د افغانستان اسلامي جمهوریت د لوړ مقام د دفتر ریاست د تخنیکي او برنامو معاونیت د  معاون په توګه وګمارل شو.

 

 

منابع او اداري معاونیت

مالي ریاست

د بشري سرچینو ریاست