د جمهور رئیس خبرې
موږ، د افغانستان ډېری خلک، په لېوالتیا هغه لیدلوری تعقیبوو، چې وکولای شو د افغانستان اسلامي جمهوریت نظام بنسټونه پخپله جوړ کړو؛ په هېواد کې د سولې، یووالي او ملي پیوستون خاوندان شو او د سیمه‌ییز اتصال، د اسلامي زده کړو مرکز او د آسیا څلور لارې د محور په توګه د سیمه‌ییزو او نړیوالو همکاریو د بستر په توګه عمل وکړو.

خبرې

موږ، د افغانستان ډېری خلک، په لېوالتیا هغه لیدلوری تعقیبوو، چې وکولای شو د افغانستان اسلامي جمهوریت نظام بنسټونه پخپله جوړ کړو؛ په هېواد کې د سولې، یووالي او ملي پیوستون خاوندان شو او د سیمه‌ییز اتصال، د اسلامي زده کړو مرکز او د آسیا څلور لارې د محور په توګه د سیمه‌ییزو او نړیوالو همکاریو د بستر په توګه عمل وکړو.

هر څوک چې له وارداتو د تولید پر لور یو ګام اخلي او صادراتو ته زمینه برابروي، د افغانستان د ثبات پر لور یو ګام اخلي. صنعتکاران نه یوازې د حکومت انکشافي شریکان دي، بلکې د افغانستان د ثبات شریکان هم دي.

سوله په دې معنی نه ده چې تاسو تر پښو لاندې شئ، سوله به د افغانستان اسلامي جمهوریت نظام تر پښو لاندې کول نه وي. سوله به د افغانستان شموله نظام تر چتر لاندې پر ګډو وجوهاتو او سوله‌ییز ژوند د پانګونې په معنی وي، چې د افغانانو د عزت ضمانت به کوي.

د پلرني کور په توګه د افغانستان استحکام د هر افغان هیله ده. دا د ټولو کور دی، کور یو کور دی، زموږ کور دی، زموږ افغانستان دی. دلته (د سولې مشورتي لویه جرګه) ځکه ټول راټول شوي، چې زړونه سره یو کړو او لاسونه سره ورکړو. هغه ملت چې مشترک درد لری، حللار یې هم مشترکه ده.

«د سیاسي حللارې موندل غالب او مغلوب نه لري. د سولې ګټوونکي به انشاالله تعالی د افغانستان ماشومان، مېرمنې، یتیمان او په ځانګړي ډول د افغانستان ولس او راتلونکي نسلونه وي.»

د افغانستان د ثبات کیلي کرنه او د هوساینې کیلي کانونه او پټرولیم دي... د افغانستان شتمنۍ د ملت ده او موږ ټول د متولي رول لرو، نه د مالکیت؛ د شتمنۍ مالک د افغانستان خلک دي.

موږ ثابتو، چې همکاري او سیمه‌ییز اتصال یوازې یوه تئوري او افسانه نه، بلکې هغه واقعیت دی، چې په یوه لویې متقابلې ګټې بدله شوې ده.