افغانستان اسلامی جمهوریتی جمهور رئیسی نینگ ملی بیرلیک حکومتی دوری توگه‌شی و اجرائیه ریاستی نینگ فعالیتی یاپیلیشی حقیده‌گی فرمانی

۲۱ حوت ۱۳۹۸

مبنی

بیرینچی ماده:

افغانستان اساسی قانونی ایللیگینچی ماده سی بیرینچی فقره سی نینگ ایککینچی بولیمی حکمی اساسیده مملکت اداری سیستمی ده اصلاحاتنی عملگه آشیریش و دولت قوریش و سالم حکومتدارلیک ملی برنامه لری و هدفلریگه ایریشیش، خلققه یخشی جوابگرلیک، اجراات موثریتی کوپه‌ییشی همده ملی بیرلیک حکومتی دوری توگه‌شی و اجرائیه ریاستی نینگ فعالیتی یاپیلیشینی نظرده توتگن حالده قوییده‌گیلر منظور دیر:

اسناد اعتباری

ایککینچی ماده:

(۱) اجرائیه ریاستی و وزیرلر کینگشی ایجادی، رئیس و اونینگ اورین باسرلری تعیینلنیشی، ملی بیرلیک حکومتی نینگ سابق اجرائیه رئیسی گه بیریلگن بعضی صلاحیتلر، مصرفلر، مالی امتیازلر و تیگیشلی باشقه اسنادلر ۱۹/۱۲/ ۱۳۹۸ تاریخی دن اعتبارگه ایگه بولمه‌ی، ملغی دیرلر.

 (۲) دولت نینگ برچه اداره لری، اجرائیه ریاستی و سابق وزیرلر کینگشی دارالانشاسی قوشیمچه هر بیر عنوانده، رسمی اعتباری بولمه‌گن حجت و مکتوبلرنی قبول قیلیب جریاندن اوتکزمسلیگی کیره‌ک.

خادملرنینگ تقدیری

اوچینچی ماده:

(۱) اداری اصلاحات و ملکی خدمات ایرکین کمیسیونی، بو فرمان گه درج ایتیلگن اصلاحات سبب اجرائیه ریاستی و سابق وزیرلر کینگشی بیر قطار خادملری نینگ ایش مصئونیتینی قوریش و (معاش) کوتیش حالتیده بولگن ایشلاوچیلرینی، قانون حکمی اساسیده بستی کمبود بولگن دولت نینگ برچه اداره لریگه استخدام زمینه سینی یره‌تیشگه مکلف دیر.

 (۲) اوز خادملرینی اجرائیه ریاستی و سابق وزیرلر کینگشی دارالانشاسیده خدمتی شکلده یوبارگن دولت اداره لری، بو فرمان صادر ایتیلگن تاریخ دن باشلب ایشلاوچیلرینی اصلی بستلریده توظیف ایتیشگه اقدام قیلیشلری کیره‌ک.

اداره لر مکلفیتلری

تورتینچی ماده:

(۱) برچه حربی و خوفسیزلیک اداره لری، مدافعه و ایچکی ایشلر وزیرلیکلری، ملی امنیت عمومی ریاستی، دولت یوقاری مرتبه لی رسمیلرینی قوریقلش ریاستی و ترافیک عمومی ریاستی وظیفه لنتیریلگن پرسونللری اجرائیه ریاستی و وزیرلر کینگشی دارالانشاسی ده‌گی مقاملر و مسئوللر امنیتینی تامینلش وظیفه لری بو فرمان صادر ایتیلگن تاریخ دن توگه گن دیر، تیگیشلی اداره لر اوز پرسونللرینی استحضار و اصول گه تینگ وظیفه لرینی استحصال ایتیشگه مکلف دیر.

(۲) دولت یوقاری مرتبه لی رسمیلرینی قوریقلش ریاستی، سابق اجرائیه رئیسی (حرمتلی داکتر عبدالله عبدالله) جانینی قوریقلش قنده‌یلیگینی اوچ کون ایچیده تیکشیریب و اوز پیشنهادینی منظوری اوچون یوباره دی.

(۳) مالیه وزیرلیگی، اجرائیه ریاستی و سابق وزیرلر کینگشی دارالانشاسی اوچون  پیشبینلیک ایتیلگن بودجه نی دولت بودجه سیگه قوشیب اصول گه تینگ جریاندن اوتکزیب تطبیق ایتیشگه مکلف دیر.

 (۴)مالیه وزیرلیگی، ایچکی ایشلر وزیرلیگی، ملی امنیت عمومی ریاستی، تیکشیرو عالی اداره سی، لوی څارنواللیک اداره سی بیلن هماهنگ شکلده اجرائیه ریاستی و سابق وزیرلر کینگشی دارالانشاسی گه تیگیشلی برچه منقول ماللرنی تثبیت ایتیب و رسماً جمهورلیک ریاستی امور اداره سیگه انتقال بیریش گه مکلف دیر.

(۵) عدلیه وزیرلیگی بو فرمان گه تیگیشلی تقنینی اسناد بولگنده اولرنی توزیب و اصولی شکلده جریاندن اوتکزیشگه مکلف دیر.

گزارش بیریش

بیشینچی ماده:

تیگیشلی اداره لر بو فرمان گه سیغدیریلگن احکام تطبیقی خصوصیده قیلگن اجراات گزارشینی جمهورلیک ریاستی امور اداره سی ریاستی آرقه لی جمهور رئیسگه ییتکزیشگه مکلف دیر.

محمد اشرف غنی

افغانستان اسلامی جمهوریتی جمهور  رئیسی

..................


اولَش