افغانستان اسلامی جمهوریتی جمهور رئیسی‌نینگ سککیزینچی مارچ خاتین- قیزلر خلق‌ارا کونی مناسبتی بیلن محبوس عیاللر جزاسینی یینگیللشتیریش و کیچیریش حقیده‌گی فرمانی

۱۸ حوت ۱۳۹۸

افغانستان اساسی قانونی نینگ آلتمیش تورتینچی ماده سی (۱۸) جزئیگه درج ایتیلگن حکم اساسیده خاتین- قیزلر خلق‌ارا کونی مناسبتی بیلن ایرکک و عیاللر جزاسینی یینگیللشتیریش و کیچیریش و محکمه لرنینگ قطعی و نهایی حکمی بیلن حبس گه محکوم ایتیلگن خاتین- قیزلر مجازاتینی قوییده‌گیچه منظور قیله‌من:

تطبیق ساحه سی

بیرینچی ماده:

 (۶۰) رقملی و ۲۳/۵/۱۳۹۸ تاریخلی فرمان نینگ احکامی اساسیده بو فرمانده سیغدیریلگن قصدی قتل جرمی مرتکبی بولگن ایرکک و عیال محجوزلر، خاتین- محبوسلر و ایرکک و عیال نظامی محکوملر اوستیده تطبیق ایتیله‌دی.

محجوز و محبوسلر مجازاتی کیچیریلیشی

ایککینچی ماده:

(۳) ییل حجزگه محکوم ایتیلگن ایرکک و عیال محجوزلر، حجزلری نینگ اوتکزگن زمانی نظرده توتیلمسدن قالگن زمانی کیچیریلیب و حجزدن قوییب یوباریله‌دی. (۳) ییل حبس گه محکوم ایتیلگن عیال محبوسلر، حبس لری نینگ اوتکزگن زمانی نظرده توتیلمسدن قالگن زمانی کیچیریلیب و حبس دن قوییب یوباریله‌دی.

اوچینچی ماده:

(۱) قوییدهگی شرایطگه تینگ دوالنمه‌یدیگن کسللیکلرگه یولیققن محبوسلر قماقدن قوییب یوباریله‌دی.

۱- دوالنیشی ممکن بولمه‌گنیده.

۲- کسللیکلری سونگی باسقیچگه ییتگنیده.

۳- ساغلیگی یخشی بولیشی تصور بولمه‌گنیده.

(۲) محبوسلرنینگ دوالنمه‌یدیگن کسللیکلرگه یولیققنینی تثبیت ایتیش اوچون قوییده‌گی ترکیب بیلن بیر طبی هیأت ایجاد ایتیله‌دی:

ساغلیقنی سقلش وزیرلیگی نینگ معالجوی طب عمومی رئیسی، رئیس صفتیده.

ملی مدافعه وزیرلیگی نینگ ساغلیقنی سقلش ریاستی دن متخصص داکتر، عضو صفتیده.

ایچکی ایشلر وزیرلیگی نینگ ساغلیقنی سقلش ریاستی دن متخصص داکتر، عضو صفتیده.

ملی امنیت عمومی ریاستی نینگ ساغلیقنی سقلش ریاستی دن متخصص داکتر، عضو صفتیده.

آزادلیگی سبل بولگن محله لرده څارنواللیک ریاستی نماینده سی، کوزه‌تووچی صفتیده.

(۳) ولایتلرده‌گی دوالنمه‌یدیگن کسللیکلرگه یولیققن محبوسلر تثبیتی اوچون بو ماده نینگ (۲) فقره سیگه درج ایتیلگن تیگیشلی واحدلر مرجعلری دن ایجاد ایتیله‌دی، ولایتلرده‌گی ملی اردو و ملی امنیت اداره لریده متخصص داکتر بولمه‌گنیده تیگیشلی ولایت عامه ساغلیک ریاستی باشقه بیر داکترنی توظیف ایتیشگه موظف دیر.

(۴) محبس اداره سی بو ماده نینگ (۱) فقره سیده سیغدیریلگن کسللرنی طبی هیئت گه تنیشتیریب کسللیگی تصدیق ایتیلگن صورتده اولرنینگ اسنادلرینی صحی کمیسیونگه ارائه ایتیشگه مکلف دیر.

(۵) ولایتلر طبی هیئتی نینگ تصمیمی اساسیده دوالنمه‌یدیگن کسللیکلرگه یولیققنی تشخیص ایتیلگن محکوملر سوابقی بیلن مرکزی محبس گه آلیب کیلینه‌دی، مرکزده‌گی صحی عالی کمیسیونی تصمیم آلگنی دن سونگ کیلگوسی اجراآت اوچون فرمان تطبیقی نینگ مرکزی کمیسیونی گه محول ایتیله‌دی.

محجوز و محبوسلر مجازاتی تخفیفی

تورتینچی ماده:

بو فرمان نینگ عفویدن فایده لنمه‌یدیگن ایرکک و عیال محجوزلر حجز یا حبس زمانی نینگ تورت دن اوچ بولیمی تخفیف ایتیله‌دی.

توققیزینچی حوت مملکت امنیتی و دفاعی کوچلری کونینی نشانلش

بیشینچی ماده:

قصدی قتل مرتکبی بولگن نظامی محبوسلر ۱۳۹۸ ییلی نینگ (۹) حوتی گه قدر مقتول ورثه لری نینگ برائتینی آلگن بولسه مملکت مستقللیگی یوز ییللیگی مناسبتی بیلن صادر ایتیلگن افغانستان اسلامی جمهوریتی عالی مقامی ریاستی نینگ ۲۳/۵/۱۳۹۸ تاریخلی و (۶۰) رقملی فرمانی نینگ مزایاسیدن فایده لنه آله‌دی.

تخفیف و کیچیریم چیکلاو و ممنوع بولگن حالتلر

آلتینچی ماده:

(۱) بو فرمان نینگ عفو مزایاسیدن قوییده‌گی محجوز و محبوسلر فایده لنه‌آلمه‌یدی:

۱- ۱۳۹۳ ییل (۱۱۳۲) سانلی رسمی جریده سیده نشر ایتیلگن جزایی اجراآت قانونی نینگ (۳۵۰) ماده سی نینگ (۲) فقره سیده درج ایتیلگن جرملر محکوملری.

(۲) قوییده‌گی محجوز و محبوسلر بو فرمان نینگ تخفیف مزایاسیدن فایده لنه آلمه‌یدی:

۱- اختطاف جرملری نینگ محکوملری.

۲- قصدی اولدیریش و اداری فساد جرملری محکوملری، قتل جرمیده مقتول ورثه لری محکمه دن برائت بیرگنیده.

۳- اعدام جزالری حبس مجازاتیگه تعدیل ایتیلگن محکوملر.

(۳) قوییده‌گی محجوز و محبوسلر بو فرمان گه درج ایتیلگن کیچیریم و تخفیف مزایاسیدن فایده لنه‌آلمه‌یدی.

۱- عیاللرگه زوروانلیکنی منع ایتیش قانونی جرملری نینگ محکوملری.

۲- ۱۳۹۸ ییلی رسمی جریده نینگ (۱۳۱۸) سانیده نشر ایتیلگن جزائی قانون اجراآتی نینگ (۱) سانی گه ضم ایتیلگن جرملر محکوملری.

۳- جاری ییلده آزادلیگی آلینگن محللرده ترتیب‌سیزلیک، اوروش، قتل، بوزمه کارلیک، قاچیش و اعتصاب سبب محللر ترتیبینی بوزگن و یا بنگی وار ماده لرنی ساتیب آلگن یا ساتگن محبوسلر.

۴- حجز یا حبس گه علاوه مالینی قیتریب بیرگن و خساره نی جبران ایتگن و نقدی جزاگه محکوم ایتیلگن، قولگه کیریتگن مالی قیمتینی ضررلنگن شخصگه قیتریب بیرگنیده و یا نقدی جزا نینگ یرمینی دولت حسابیگه تحویل ایتگنده بو فرمان تورتینچی ماده سی نینگ تخفیف مزایاسیدن  فایده لنه آله دی.

نقدی جزا کیچیریلیشی

ییتتینچی ماده:

حبس زمانینی بیتدیریب، قوییب یوباریلگن، حجز و حبس گه علاوه نقدی جزاگه محکوم ایتیلگن محکوملر نقدی جزاسی یریمی کیچیریلیب بو فرمان نینگ کیچیریم و تخفیف مزایاسیدن فایده لنه آله دی.

حکم قطعیتی

سککیزینچی ماده:

حکم قطعیتی قضائیه قوه سی تشکیل و صلاحیت قانونی تورتینچی ماده سی نینگ ۱۰ جزئی اساسیده محکمه حکمی صادر ایتیلگن تاریخ دن اعتبارگه ایگه دیر.

حق العبدلیک دعواسی نینگ اقامه سی

توققیزینچی ماده:

بو فرمان حکمی نینگ تطبیقی، شخصلرنینگ حق العبدلیک دعواسی اقامه سیگه توسیق بوله‌آلمه‌یدی.

محجوز و محبوسلرنی تسلیم قیلیش

اونینچی ماده:

(۱) باله لر اصلاح و تربیت مرکزلری و قماقخانه لر اداره لری بو فرمان نینگ حکمی اساسیده حجز یا حبس دن قوییب یوباریله‌دیگن محجوز و محبوسلرنی آته- آنه لری یا قانونی ممثل یا شرعی محارملریگه تسلیم بیریشگه مکلف دیر.

(۲) ایش و اجتماعی مساله لر وزیرلیگی آته- آنه سی قانونی ممثل یا شرعی محارملری بولمه‌گن محجوزلرگه مرکز و ولایتلرده مناسب یشش جای تیارلشگه مکلف دیر.

(۳) ایش و اجتماعی مساله لر وزیرلیگی بو فرمان نینگ حکمی اساسیده حبس دن قوییب یوباریله‌دیگن محبوس و محجوزلرگه رضایتلری بولگن صورتده شرعی محرم تاپگونچه مرکز و ولایتلرده مناسب یشش جای تیارلشگه مکلف دیر.

تخفیف و کیچیریم شرایطی گه ماس محجوز و محکوم لیستی تیارلنیشی

اون بیرینچی ماده:

(۱) بو فرماننی تطبیق ایته‌دیگن کمیسیونلر تخفیف و کیچیریم شرایطی گه ماس  و محکومیت زمانلری بیش ییلگچه بولگن مرکز و ولایتلرده گی محکوملر لیستینی توزیب لوی څارنواللیک نینگ حبس و حجز بدیلی احکام تنفیذی نینگ عمومی ریاستی گه یوباریب و مذکور ریاست یوباریلگن لیستنی تیکشیریب منظوری آلیش اوچون افغانستان اسلامی جمهوریتی لوی څارنواللیک مقامی گه تقدیم ایته‌دی، لوی څارنواللیک منظوریسی آلینگندن سونگ تطبیق ایتیله‌دی.

(۲) بو فرماننی تطبیق ایته‌دیگن کمیسیونلر تخفیف و کیچیریم شرایطی گه ماس  و محکومیت زمانلری بیش ییلدن اوتتیز ییلگچه بولگن مرکز و ولایتلرده گی محکوملر لیستینی توزیب لوی څارنواللیک نینگ حبس و حجز بدیلی احکام تنفیذی نینگ عمومی ریاستی گه یوباریب و مذکور ریاست یوباریلگن لیستنی تیکشیریب منظوری آلیش اوچون تیزلیکده افغانستان اسلامی جمهوریتی مقامی گه تقدیم ایته‌دی.

تطبیق ایتووچی مرجع

اون ایککینچی ماده:

افغانستان اسلامی جمهوریتی نینگ (۱۸) سانلی ۱۶/۸/۱۳۹۸ تاریخلی فرمانینی تطبیق ایتیشگه موظف ایتیلگن کمیسیونلر حضرت محمد مصطفی صلی الله علیه وسلم توغیلیشی مناسبتی بیلن محجوز و محبوسلر مجازاتینی یینگیلشتیریش و کیچیریش حقیده صادر ایتیلگن  فرمان احکامینی تطبیق ایتیشگه مکلف دیر.

گزارش بیریش

اون اوچینچی ماده:

قماقخانه لر ایشلرینی تنظیم ایتیش اداره سی بو فرمان تطبیقی توغریسیده جرم تورلری تفکیک ایتیلگن توپلم فایده لنگن شخصلر، محکوملر کتگوریسی(محبوسلر و محجوزلر) و اجرا ایتیش تاریخی تکمیل ایتیلگن حالده افغانستان اسلامی جمهوریتی امور اداره سی گه یوباریش گه مکلف دیر.

انفاذ

اون تورتینچی ماده:

بو فرمان ۱۳۹۸ ییل ۱۸ حوت تاریخی گچه نافذ دیر.

محمد اشرف غنی

افغانستان اسلامی جمهوریتی جمهور رئیسی


اولَش