جمهور رئیس‌نینگ گپی
تینچلیک بیز اوچون بیر آرزو ایمس بلکه اونیملی بیر ضرورت دیر؛ افغانستان حکومتی شریکلری بیلن تینچلیککه ایریشیش اوچون ییچیم یول قیدیریب تورگن.
افغانستان اسلامی جمهوریتی جمهور رئیسی محمد اشرف غنی نینگ محمد یوسف غضنفر وفاتی مناسبتی بیلن قیغوداشلیک پیامی
بسم الله الرحمن الرحیم
نحمده و نصلی علی رسوله الکریم
کرونا کسللیگی طفیلی مینینگ اقتصادنی رواجلنتیریش، تجارت و قشاقلیکنی کمه‌یتیریش بوییچه فوق العاده نمایندم محمد یوسف غضنفر حیات دن کوز یومگنی حقیده گی ساووق خبرنی ایشیتیب چوقور قیغوگه باتدیم.
انا لله و انا الیه راجعون
رحمتلی محمد یوسف غضنفر تقوادار، مهربان، حلیم، انسان دوست و ملی گرا بیر شخصیت اوله‌راق بیرلشگن افغانستانگه ایشانگن و اوز خلقی نینگ خیر و فلاحی اوچون سعی و حرکت آلیب بارردی. اونینگ بی وقت عالمدن اوتیشی مملکت و توزوم اوچون ییریک بیر یوقاتیش بولدی.
رحمتلی افغانستان آبادانلیگی، قشّاق و کمبغل آدملرگه یاردم بیریش یولیده مهم ایشلرنی باشله‌گن ایدی. بونده‌ی بیر نیکو کار و مردم نینگ خذمتچیسی بولگن اتاقلی شخصیت بیلن یقین همکار بولگنیم اوچون فخرلنه من.
رحمتلی نینگ وفات ایتگنی حقیده‌گی خبرنی ایشیتیب کیچه عایله سی بیلن تیلفونده گپیریب افغانستان حکومتی و خلقی نماینده لیگیده اوز قیغوداشلیک و غمشریکلیگیمنی بیلدیریب، تیگیشلی اداره لرگه، محمد یوسف غضنفرنینگ جنازه سی مخصوص مراسم آرقه‌لی اوتکزیلیشی اوچون لازم بویروق بیردیم.
رحمتلی نینگ وفات ایتیشی مناسبتی بیلن عایله اعضاسی، دوستلری و بوتون افغانستان خلقیگه قیغوداشلیک بیلدیرگن حالده، رحمتلیگه الله دن بهشت بَرین و ایزیدن قالگنلریگه صبر و برداش طلب قیله من.
آمین یارب العامین
افغانستان اسلامی جمهوریتی جمهور رئیسی محمد اشرف غنی