افغانستان اسلامی جمهوریتی جمهور رئیسی نینگ 29 میزان اوزبیک تیلی ملی کونی مناسبی بیلن بولگن پیامی

۲۹ میزان ۱۳۹۹

29 میزان اوزبیک تیلی ملی کونی ییتیب کیلگنینی عزیز وطنداشلر اینیقسه مملکت بویلب اوزبیک تیلیده گپیره دیگنلرگه تبریک اَیتیب اوشبو شکوهلی مراسم نی اوتکزیش کمیسیونیگه بو مناسبت بیلن شعرلر و مقاله لرتوپلمینی ییغیشتیریب چاپ ایتگنلری اوچون اولرگه منتدارچیلیک بیلدیره من.

 اوزبیک تیلی و ادبیاتی، پشتو و دری تیللری سینگری خاص اهمیتگه ایگه بیر تیل دیر، تاسف بیلن بو تیل رواج و رونقی اوچون دییرلی ایش قیلینمه گن و بعضاً ایسدن هم چیقاریلگن.

اما افغانستان اسلامی جمهوریتی دولتی اوتگن بیش ییلده مملکتیمیزنینگ تورلی تیل و فرهنگلرینی حمایت و کوچله نیشی یانیده اینیقسه اوزبیک تیلی خصوصیده کتته آدیملر کوتارگن، اوشبو تیل هیچ بیر زمان ایسدن چیقاریلیب بی­مهرلیککه دوچ کیلمسلیگیگیه مصمم دیر.

بختگه موافق بیزنینگ اساسی قانونیمیز برچه قوم و خلق و منطقه لرگه تینگ حق و حقوق بیریشگه تاکید قیلگن دیر و بیرلیگیمیزگه اینگ یخشی شکلده زمینه یره تگن، بیزهم انه شو قانون یارقینلیگیده مملکتمیزده گی تیللر رواجی و رونقی اوچون کوپراق ایشلب سعی و تلاش قیله آله میز.

افغانستان اساسی قانونی نینگ 16 ماده سیگه کوره آدملرنینگ اکثریتی مملکت تیللریدن هربیریده گپیرسه، شو تیل اوشه منطقه ده رسمی تیل مقامیگه ایگه و بیزهم اساسی قانون یوللاوچیلیگیده مملکت نینگ کوپینچه ولایتلریده گپیریله دیگن اوزبیک تیلی و اساسی قانون رشد زمینه سینی بیرگن باشقه تیللر رواج و رونقی اوچون توجه قیلیشیمیز کیره ک.

اوزبیک تیلی فقط گینه مملکتیمیزنینگ مهم و شیرین تیللریدن ایمس بلکه منطقه میزنینگ اونیملی تیللریدن بیری دیر و دنیا بویلیب اونلرچه میلیون کیشی بو تیلده گپیره دی.

بو تیل دنیا نینگ قدیمگی و بای تیللریدن بولیب امیر علیشیر نوایی، ظهیرالدین محمد بابر، لطفی هروی، احمد یسوی، محمودالکاشغری و باشقه شاعر و یازووچیلر اوزبیک تیلی و ادبیاتی نینگ رواج و رونقی اوچون مهم ایشلر قیلگنلر.

اوزبیک تیلی ملی کونینی ینه بیر بار بو تیلده گپیره دیگنلرگه تبریک اَیتیش بیلن بیرگه اوتگن بیش ییلده اوزبیک تیلی کوچله نیشی اوچون مهم آدیملر کوتاریلیشینی ایسلش لازم دیر، ینه ده افغانستان اساسی قانونی هدایتی و اوزبیک تیلی اهمیتینی نظرده توتگن حالده کیلگوسی ییللرده هم بو تیل رشدی و کوچله نیشی اوچون  اونیملی آدیملر کوتاریله دی.

و من الله توفیق

افغانستان اسلامی جمهوریتی جمهور رئیسی

محمد اشرف غنی

 


اولَش