جمهور رئیس غنی و چین جمهور رئیسی نینگ تیلفونی صحبتی

۲۵ سرطان ۱۴۰۰

جمهور رئیس محمد اشرف غنی اوزبیکستانگه بولگن سفری نینگ ایکّینی کونیده چین جمهوریت خلقی نینگ جمهور رئیسی شی جین پینگ بیلن تیلفونده گپلشدی.

اوشبو تیلفونی ملاقاتده چین جمهور رئیسی افغانستانده امنیت تامینله نیشی، اقتصاد اوسیشی، تینچلیک پروسه سی و ساغلیقنی سقلش بولیملریگه یاردمی دوام ایتیشیدن جمهور رئیس غنیگه ایشانچ بیردی.

افغانستان نینگ حاضرگی خوفسیزلیک وضعیتیدن خواطر بیلدیرگن چین جمهور رئیسی، طالبلرنی زوروانلیکدن قول کوتریب تینچلیک پروسه سینی تن آلیشلرینی سوره دی.

اونینگ کوپه یتیریشیچه، مملکتی ترورچیلیککه قرشی کوره شیش و افغانستان تینچلیک پروسه سینی قوللب قوتله یدی.

چین جمهور رئیسی گه کوره، مملکتی افغانستانگخ کروناگه قرشی کوره شیش اوچون بیر میلیون دوز واکسین یاردم کورستگنیدن علاوه اقتصادی بولیملرده هم افغانستان بیلن قوشمه روشده ایشله یدی.

جمهور رئیس غنی، چین جمهور رئیسی نینگ تینچلیک پروسه سینی حمایت قیلیب تورلی بولیملرگه کورسته جک یاردملریدن منتدارچیلیک قیلیب، چین نینگ رولینی مهم بهاله دی.


اولَش