حرمتلی رییس الوزراء ییر قیمیرلشدن زیان کورگن عایله لرگه یوز میلیون افغانی یاردم بیریلیشینی تصدیقله دی

۰۱ سرطان ۱۴۰۱

افغانستان اسلامی امارت ریاست الوزراء حرمتلی ملا محمد حسن آخند باشچیلیگیده ارگ ده اویوشتیریلگن ییغین ده کیچه پکتیکا و خوست ولایتلریده یوز بیرگن ییر قیمیرلشی نتیجه سیده زیان کورگن عایله لرگه تیزلیک ده یاردم ییتکزیش اوستیده گپیریلدی.

اوشبو ییغین ده حرمتلی ریاست الوزراء زیان کورگن عایله لرگه اوز چوقور قیغوداشلیگینی بیلدیریب تسلیت ایتیش دن علاوه، زیان کورگنلرگه یاردم کورسه تیش اوچون یوز میلیون افغانی کمک قیلینیشی تصدیقله دی.

شونینگدیک اسلامی امارت ریاست الوزراء تیگیشلی اداره لرگه حادثه دن زیان کورگن عایله لرگه ییگولیک آزیق آوقت، کییم کیچک، دارو درمان و باشقه کیره کلی نرسه لرنی تیزده ییتکزیشنی بویوردی.

افغانستان اسلامی امارت ریاست الوزراء باشلیغی افغانستان اسلامی امارت یوقاری مرتبه لی هیاتیگه حادثه یوز بیرگن منطقه نی یقین دن باریب کوریب، قربانلر عایله سیگه غمشریک لیک قیلیشلرینی ایتدی.

شونینگدیک ریاست الوزراء تیگیشلی اداره لرنینگ مسووللریگه واقعه ده یره لنگنلر دواله نیشی همده تصدیقلنگن بیر یوز میلیون افغانی دن تیزده توزیع ایتیشلرینی ایسته دی.


اولَش