ریاست الوزراء اداری معاونی اسلامی همکارلیکلر تشکیلاتی هیاتی بیلن اوچره شدی

۰۱ سرطان ۱۴۰۱

افغانستان اسلامی امارت ریاست الوزراء اداری معاونی حرمتلی مولوی عبدالسلام حنفی بوگون توشدن آلدین اسلامی همکارلیکلر تشکیلاتی معاونی طارق علی بخیت و بو تشکیلات نینگ افغانستانده گی ایلچیسی محمد سعید العیاش و یولداش هیاتی بیلن اوچره شدی.
بو اوچره شووده، بیرینچیدن طارق علی بخیت اسلامی همکارلیکلر تشکیلاتی نینگ سکرتر جنرالی نینگ قیزغین سلاملرینی حرمتلی عبدالسلام حنفی گه تقدیم قیلیب، افغانستان اسلامی همکارلیک تشکیلات اوچون مخصوص اهمیت گه ایگه دیدی.

او اسلامی همکارلیکلر تشکیلاتی نماینده لیگیده تیناوون کیچه پکتیکا و خوست ولایت لریده یوز بیرگن ییر قیمیرلش نتیجه سیده قربان بولگن عایله سیگه تسلیت بیلدیریب، شهیدلرگه بهشت برین و یره دارلر تیزلیک ده ساغه لیشینی آرزو قیلدی.

طارق علی بخیت جنابلری نینگ سوزلریگه کوره، اسلامی همکارلیکلر تشکیلاتیگه اعضا دولتلر افغانستان ده اوز ایلچیسی خانه لرینی آچیش باره سیده فکر قیلگنلر. اسلامی همکارلیکلر تشکیلاتی افغانستان بیلن اوزلوک سیز علاقه سی بار، بونینگ مقصدی تینچ و برقرارلیک تامین بولگن بیر افغانستان دیر بو یولده یخشی همکارلیکلریمیز دوام ایته دی.

اسلامی همکارلیکلر تشکیلاتی هیاتینی خوش کیلیب سیزلر دیگن حرمتلی مولوی عبدالسلام حنفی، بو تشکیلات نینگ افغانستانگه نسبتن نیک نیتیدن تشکرلیک قیلیب ایتیشیچه، افغانستان اسلامی همکارلیکلر تشکیلاتی نینگ اعضاسی صفتیده بو تشکیلات فعالیتلری یولیده هر قنده ی همکارلیک قیلیش گه تیار دیر.

ریاست الوزراء معاونی اسلامی امارت نینگ مخدر ماده، اداری فساد و داعیش گه قرشی کوره شیشی آچیق دیر و هیچ بیر گروه گه افغانستان توپراغیدن باشقه لرگه قرشی فایده له نیش گه رخصت بیرمه یدی.

او، سعودی عربستان نینگ برچه یاردملریدن تشک لیک قیلیب، افغانستان لیک حاجی لرگه ویزه بیریش اوچون یره تیلگن آسانلیک، افغانستان ده اسلامی بانک آچیلیشی، معتادلر دواله نیشی، ایکینچیلرگه معیشت بدیل، کابل ده اسلامی همکارلیکلر تشکیلاتی اعضا اولکه لر ایلچیلیگی آچیلیشی و باشقه بولیملرگه بو تشکیلات همکارلیگینی هم دیدی.

حنفی جنابلری نینگ بیلدیریشیچه، قوشنی دولتلر، منطقه و دنیا اولکه لری بیلن ایزگو علاقه ده بولیشنی ایسته یمیز اسلامی دولتلر بیلن علاقه میزنینگ اوزیگه خاص ارزشی بار. ایریم هیت لرنینگ افغانستان گه سفر قیلیشی مملکت بلند مرتبه لی رسمیلری و عالملر بیلن اوچره شیب ملاقات قیلیشی برچه میز نینگ فایده میزگه دیدی حنفی جنابلری.


اولَش