ریاست الوزراء سیاسی اورین باسری نینگ اسلامی همکارلیکلر تشکیلاتی و اسلامی مملکتلر دین عالملری هیاتی بیلن اوچره شووی

۰۲ سرطان ۱۴۰۱

افغانستان اسلامی امارت ریاست الوزراء سیاسی ایشلر بوییچه اورین باسری حرمتلی مولوی عبدالکبیر بوگون کیچ اسلامی همکارلیکلر تشکیلاتی معاونی دکتور طارق علی بخیت و اسلامی مملکتلر دین عالمی هیاتی رئیسی دکتور مصطفی قطب سانو بیلن اوچره شدی.
سپیدار قصریده بولیب اوتگن بو اوچره شووده بیرینچیدن دوکتور طارق بخیت اسلامی همکارلیکلر تشکیلاتی سکرتر جنرالی نینگ قیزغین سلاملرینی حرمتلی مولوی عبدالکبیرگه تقدیم قیلیب، افغانستان اسلامی همکارلیکلر تشکیلاتی اوچون مخصوص ارزش گه ایگه دیدی.
اونینگ کوپه یتیریشیچه اسلامی همکارلیکلر تشکیلاتی نینگ افغانستان بیلن اوزلوک سیز مناسبتی بار و اونینگ مقصدی رواجلنگن همده خوفسیزلیک تامین بولگن بیر افغانستان دیر و مقصد اوچون علاقه لریمیز دوامدار دیر.
اوندن سونگ اسلامی مملکتلر عالملری هیاتی رئیسی دکتور مصطفی قطب سانون اسلامی امارت رهبریتیدن منتدارچیلیک قیلیب، بیزلر اسلامی امارت نینگ خیر خواه میز، علم اسلام ده هر بیر نرسه دن مقدم دیر و قیزلر مکتبی آچیشی، اقتصادی همده اجماعی وضعیت یخشی له نیشی باره سیده تاکیدله دی.
شونینگدیک بو هیات نینگ باشقه اعضالری ایریم موضوعلر باره سیده اوز فکر و ملاحظه لرینی بیان قیلدیلر.
اولر اسلامی امارت نینگ علاقه سینی قوشنی دولتلر جمه دن دنیا بیلن جوده مهم دیب و بیزلر اسلامی امارت رسمیت گه تانیلیشی اوچون باشقه مملکت لرگه هم سفر قیله میز دیب ایتدیلر.
ریاست الوزراء سیاسی ایشلر بوییچه اورین باسری حرمتلی مولوی عبدالکبیر اسلامی همکارلیکلر تشکیلاتی همده اسلامی دولتلر عالملری هیاتی رئیسی نینگ ایزگو مصلحتلریدن تشکرلیک قیلیب، اسلامی امارت تعلیم گه قرشی ایمس و اسلامی امارت نی افغانستان خلقی حمایت قیله دی و بیزلر اوزینی بیر افغانستانده کوریشی اوچون سعی و حرکت قیله میز دیدی.
ریاست الوزراء اورین باسری نینگ سوزلریگه کوره، کوپینچه عیاللر ساغلیقنی سقلش، میدان هوایی، پولیس و باشقه بولیملرده ایش بیلن مصروف لر. شونینگدیک او افغانستان خلقی تینچلیک و اسلامی نظام ایسته یدیلر الحمدالله بو ایککی سی حاصل بولگن، شونینگ اوچون هم اسلامی امارتنی رسمیت گه تانیش اوچون هیچ قنده ی بهانه قالمه گن دیر.
حرمتلی مولوی صاحب عبدالکبیر اوزی نینگ صحبتلری اداغیده اسلامی امارت نینگ کابینه سی همه شمول دیر و برچه قوملردن تشکیل تاپگن و اسلامی دولتلردن اوز ایلچیلیکلرینی کابل ده آچیشلرینی سوره دی.#


اولَش