اسلامی امارت ریاست الوزراء اداری ایشلر بوییچه معاونی بدخشان ولایتی والسی بیلن اوچره شدی

۰۴ سرطان ۱۴۰۱

افغانستان اسلامی امارت ریاست الوزراء اداری ایشلر بوییچه اورین باسری حرمتلی مولوی عبدالسلام حنفی بوگون اوز ایش دفتریده بدخشان ولایتی والیسی مولوی عبدالغنی بیلن اوچره شیب ملاقات قیلدی.

اوچره شووده، بدخشان ولایتی والیسی حکومت چیلیک وضعیتی و و ولایت خلقی نینگ موجود قیین چیلیگینی ریاست الوزراء معاونی بیلن شریک قیلیب، اوشبو ولایت خلقی نینگ قیین چیلیگی حل قیلینیشی اوچون مرکزی حکومت نینگ جدی توجه سینی ایسته دی.

شونینگدیک او بدخشان ولایتیده دینی مدرسه لر ایجاد بولیشنی خلق نینگ اساسی احتیاجلریدن دیب، بو خصوصده هم مرکزی حکومت نینگ اعتبار قره تیشینی سوره دی.

ریاست الوزراء اداری ایشلر بوییچه معاونی حرمتلی عبدالسلام حنفی جنابلری، پیشنهادلر همده ایستکلرنی بیرمه بیر ایشیتگن دن سونگ، اسلامی امارت نینگ مسووللری هر بیر سطح ده افغانستان خلقی گه خذمت قیلیش اوچون تیارلر دیدی.
شونینگدیک او بدخشان خلقی نینگ برچه معمالری برطرف ایتیلیشی یولیده امکان قدر جدی سعی و حرکت و اقدام بوله دی دیب وعده بیردی.


اولَش