رئیس الوزراء پاکستانلیک دین عالملر و یولداش هیاتی بیلن اوچره شدی

۰۶ اسد ۱۴۰۱

افغانستان اسلامی امارت ریاست الوزراء باشلیغی حرمتلی ملا محمد حسن اخند مفتی محمد تقی عثمانی باشچیلیگیده گی پاکستانلیک دین عالملر و یولداش هیاتی بیلن بوگون توشدن آلدین گل خانه قصریده اوچره شیب ملاقات قیلدی.

باشله نیشده الله تعالی کلامیدن بیر نیچه آیت تلاوت قیلیندی. سونگ پاکستانلیک دین عالم مفتی محمد تقی عثمانی اوزی نینگ صحبتلری باشله نیشیده ایتیشیچه، بیزلرنی آلدین دن کیلیش نیتیمیز بار ایدی، لیکن سیزنینگ ایشلرینگیزگه قره ب کیلیشیمیزنی بیر آز کیچیکتیردیک.
اونینگ قوشیمچه قیلیب ایتیشیچه، افغانستان و پاکستان نه فقط ایکی قوشنی بلکه اسلامی دولت دیر. کیین راق مفتی محمد حنیف جالندهری، مولانا طیب طاهر، مولانا یوسف شاه، مولانا احسان الحق و مفتی غلام الرحمن عثمانی افغانستانگه کیلگنیدن و اسلامی امارت حکمرانلیگیدن خورسند ایکنینی بیلدیریب، معمالرنی حل ایتیش بوییچه اوز مصلحت و تکلیفلرنی اورتاقلشدی.

افغانستان اسلامی امارت ریاست الوزراء باشلیغی حرمتلی ملا محمد حسن اخند پاکستانلیک عالملر و یولداش هیاتنی خوش قرشیلر ایکن، اولرگه ایزگو تیلیکلری و ایزگو مصلحتلری اوچون منتدارچیلیک بیلدیریب، امریکا استیلاسی دوریده مملکت ده کوپلب ویرانگلرچیلیکلر بولگنینی و خلق معمالرینی حل قیلیش ایسه وقت طلب قیلیشینی ایتدی.

اونینگ قوشیمچه قیلیشیچه، اسلامی امارت منطقه و دنیانینگ برچه دولتلری جمله دن پاکستان بیلن یخشی مناسبت ده بولیشنی و افغانستان حدویدن هیچ کیم نینگ باشقه لرگه قرشی حرکت قیلیشیگه یول قویمه یدی.

ریاست الوزراء حرمتلی باشلیغی نینگ سوزلریگه کوره، اسلامی تیزیم نی برپا ایتیش اوچون الله نینگ مخصوص بنده لری، علمالر و طالبلرنینگ قانلری قربان بولدی و اونینگ آرقه سیده خلق تولیق حلاللیک بیلن توردی، لیکن اسلامی امارت بونینگ یانیده یخشی ایشلش اوچون سیاسی، اقتصادی و معماری کمیسیونلر توزدی. شونینگدیک افغان مهاجرلری کبی شخصلرنی و کادرلرنی مملکت گه قیتریش اوچون مخصوص علاقه کمیسیون اوزی نینگ جدی فعالیتینی آلیب بارماقده دیر.

افغانستان برچه نینگ مشترک اویی دیر و بو اولکه نی قیته قوریش اوچون برچه بیرلیکده حرکت قیلیشی کیره ک دیر.

حرمتلی ملا محمد حسن اخند جنابلری حاضرگی شرایط ده افغانستان ده دین عالملر حاکم دیر و تعلیم باره سیده هم سعی و حرکتلر بار و هر بیر ایش اوچون زمان و فرصت کیره ک بوله دی. اسلامی امارت عمومی عفو اعلان قیلیشدی و حاضر هم بیز مملکت دن تشقریده یشه یدیگنلر افغانلرنی کیلیشگه و تینچ یشش گه تکلیف قیله میز دیدی ریاست الوزراء حرمتلی باشلیغی.


اولَش