ریاست الوزراء سیاسی اورین باسری لغمان والیسی قاری زین العابدین بیلن اوچره شووی

۰۹ اسد ۱۴۰۱

افغانستان اسلامی امارت ریاست الوزراء سیاسی ایشلر بوییچه اورین باسری حرمتلی مولوی عبدالکبیر بوگون سپیدار لغمان والیسی قاری زین العابدین بیلن کوریشدی.
بیرینچیدن حرمتلی زین العابدین لغمان ولایتی نینگ امنیتی، سیاسی و اقتصادی وضعیتی باره سیده معلومات بیردی.
اونینگ سوزلریگه گوره، افغانستان اینیقسه لغمان نینگ اهالیسی اسلامی نظام حاکمیتیدن خورسندلر، خلق ایسه تینچ و برقرار فضاده یشه ماقده‌لر.
اونینگ کوپیتیریشچه، لغمان ولایتیده بیر قنچه اقتصادی پروژه لرنینگ ایشی باشلنگن دیر.
ریاست الوزراء سیاسی اورین باسری اونینگ بیرگن معلوماتی دن منتدارچیلیک بیلدیریب، افغانستان برچه افغانلرنینگ مشترک اویی دیر و بوتون خلق ایسه مملکت امنیتی همده آبادانلیگی اوچون مشترک ایشلشلری کیره ک.
اونینگ ایتیشیچه، خلق و مسووللر اورته سیده فاصله بولمسلیگی کیره‌ک، دولت مسووللری خلق نینگ خدمتکارلری دیر و بو مقصد اوچون اداره لر ایشیگی برچه نینگ یوزیگه آچیق دیر. 
ریاست الوزراء سیاسی اورین باسری اوزی نینگ صحبتلری اداغیده ایشلر یخشی له نیشی اوچون لغمان ولایتی والیسی گه لازم بویروق لر تاپشیردی.


اولَش