جمهور رئیس غنی کمال خان توغانی نینگ اوچینچی باسقیچی قوریلیشینی یقیندن باریب کوردی

۰۶ اسد ۱۳۹۹

نمیروز عمومی وضعیتینی اورگه نیش مقصدیده بوگون کونیکیچه مذکور ولایتگه سفر قیلگن افغانستان اسلامی جمهوریتی جمهور رئیسی محمد اشرف غنی، کمال خان توغانی نینگ اوچینچی باسقیچی قوریلیشینی یقیندن باریب کوردی.

اوشبو سفرده جمهور رئیس نینگ بیرینچی اورین باسری امرالله صالح، کابینه نینگ ایریم اعضالری و بعضی بیر دولت اداره لری مسووللری تامانیدن یولداشلیک قیلینگن جمهور رئیس غنی، زرنج قونالغه سیگه باریش بیلن نیمروز ولایتی نینگ بویوکلری قوشیمچه ملکی و حربی مسووللر آرقه لی قرشیله نیب آلیندی.

سونگ جمهور رئیس محمد اشرف غنی، کمال خان توغانی نینگ اوچینچی باسقیچی قوریلیش ایشلری بوییچه مدیری انجنیر حکمت ولی تامانیدن اوشبو توغان نینگ ایلگری آلیب باریلگن اوچینچی بولیمی باره سیده معلومات بیریله دیگن بیر پیده اوشبو توغاننی یقیندن کوردی.

انجنیر حکمت ولی نینگ سوزلریگه کوره، کیلگوسی تورت آی ایچیده اوشبو توغان نینگ قالگن ایشلری هم یکونلنه دی. او، کمال خان توغانی سوو ذخیره قیلیشی اوچون تیار بوله دی دیدی. شونینگدیک مذکور توغان مینگلب جریب ییرنی سوغاریشدن بولک 9 میگاوات برق ایشلب چیقاریش قابلیتیگه ایگه لیگی هم ایتیله دی. ولی جنابلری، قوریلیش موادنینگ صفتی ایشانچلی بولیشی اوچون، مذکور مواد سینلگندن کیین ایشله تیله دی دیب ایتدی.

اونینگ کوپه یتیریشیچه، مذکور توغان نینگ قوریلیشی ایشی یکونله نیشی بیلن دَله لر کوکلم، سوولر توخته تیله دی و کاناللر تنظیم قیلینه دی. باشقه تاماندن سوو تاشقینی، توفان و قورغاغچلیک نینگ آلدی آلینه دی دیدی او. عین حالده، بو توغان مینگلب عایله نینگ ایش بیلن تامینله شدن علاوه درآمده شرایطینی یره ته دی.

انجنیر حکمت ولی، کرونا ویروس بولرنینگ ایشیگه سلبی تاثیر کورستگن و بعضی بیر تخنیکی همکارلر و قوریلیش مواد ایسه چیت ایلده قالگنیگه قره مه ی، اوشبو توغان نینگ ایشی تعیینلنگن وقتده یکونله نیشی اوچون سعی و حرکت قیله میز دیدی.

بو حقده گی پرزنتشیننی ایشیتگن جمهور رئیس غنی جنابلری، سوو ایشلری بوییچه ملی اداره نینگ عمومی باشلیغی انجنیر خان محمد تکل تامانیدن اوشبو توغان حقیده معلومات بیریله دیگن چاغده مذکور توغان نینگ ایریم بولیملرینی یقیندن کوزه تدی.

 


اولَش