جمهور رئیسلیک عالی مقامی دفتری نینگ عمومی رئیسی محمد شاکر کارگرنینگ قربان بیره‌می مناسبتی بیلن قوتلاو پیامی

۰۹ اسد ۱۳۹۹

قربان بیره‌می اسلام دینی نینگ کتته بیره‌م لریدن، ایثار و فداکارلیک و انسان نینگ الله مقابلیده قیلگن بنده لیک نمونه لریدن بیری دیر.

عزیز یورتداشلر!

بو ییلگی قربان بیره‌مینی مملکتده تینچلیک اورنه‌تیله‌یاتگن بیر پیتده کوتیب آلماقده‌میز؛
تینچلیک، افغانستان خلقی نینگ اوزون زمانلردن بویانگی آرزولریدن دیر. افغانستان اسلامی جمهوریتی دولتی نینگ رهبری تینچلیک مذاکره لریده جمهوریت تیزیمی و افغانلر مالکیتیده قولگه کیریتیلگن برچه یوتوقلر شقله‌نیشی باره‌سیده سعی و حرکت بولیب تورگن.

طالبلر گروهی اوچ کون قربان بیره‌میده آتش کیس اعلان قیلگنلریدن خوشلیک قیلگن حالده آتش کیس اوزه‌یتیریلیشی اوستیده تاکیدله‌یمن و افغانستان اسلامی جمهوریتی و طالبلر گروهی اورته‌سیده تینچیلیک مذاکره لری عملی شکلده باشله‌نیشینی ایسته‌یمن.

سیویملی وطنداشلر!

واکسینی تاپیلمه‌گن کرونا ویروس یا (COVID – 19) خلق آره‌سیده ترقه‌لیشی و باشقه لر بو کسلیککه یولیقیش تهدیدی جهانی بیر آفت دیر.

سیز وطنداشلرگه یخشی کونلر ایستش دن علاوه امکان قدر ازدحام ییرلر و کیره‌ک سیز اوچره‌شیشلردن پرهیز قیلیش لرینگیزنی سوره‌یمن.

هر ییلی طنطنه‌لی شکلده نشانلنه‌یاتگن اوشبو بیره‌م بو ییلی صدقه، ختم و خیرات، مملکتیمیز آبادلیگی اوچون یخشی دعا قیلیش، قشاق عایله لر و یتیم لرگه یاردم ایتیشگه سهم آلیشیمیز بیلن اوتیشی کیره‌ک.

مملکتیمیزده اوروش یکونلنیشی و تینچلیک تامین ایتیلیشی آرزوسیده من!

قربان بیره‌می برچه گه قوتلوغ بولسین.

جمهور رئیسلیک عالی مقامی دفتری نینگ عمومی رئیسی محمد شاکر کارگر

 


اولَش