جمهور رئیس غنی قربان هییتی نمازینی ارگ ده اوقیدی

۱۰ اسد ۱۳۹۹

افغانستان اسلامی جمهوریتی جمهور رئیسی محمد اشرف غنی، بوگون ایرته لب تشریفات قطعه سینی کوزه تگندن سونگ قربان هییتی نمازینی ارگ ده اوقیدی.

هییت نمازی مراسمیده جمهور رئیس غنی دن علاوه، جمهورلیک ریاستی نینگ بیرینچی اورین باسری امرالله صالح، جمهورلیک ریاستی نینگ ایکّینچی اورین باسری استاد سرور دانش، سابق جمهور رئیس حامد کرزی، تینچلیک بوییچه ملی کینگش نینگ باشلیغی داکتر عبدالله عبدالله، قاضی القضات و ستره محکمه باشلیغی قانونپوه سید یوسف حلیم، ملی کینگش مجلسلری نینگ باشلیغلری، بیر قنچه سیاسی و جهادی شخصیتلر، ملی کینگش نینگ بیر قنچه اعضالری و مملکت نینگ حربی و نا حربی بلند مرتبه لی رسمیلری هییت نمازینی اوقیگندن سونگ بیر- بیراولرینی بیرم بیلن صمیمی تبریکله دیلر.

کیین ییتکرمه لر حضوریده چیقیش قیلگن جمهور رئیس محمد اشرف غنی، بوتون افغانستان خلقینی ییتیب کیلگن قربانی هییتی بیلن قوتلوغلب، حربی و نا حربی شهیدلر عایله لری اینیقسه اوتگن کون لوگر و قندهار ولایتلریده عملگه آشیریلگن ترورچیلیک هجومده شهید بولگنلر عایله سیگه تغزیه بیلدیردی.

جمهور رئیس غنی جنابلری، اولکه گه صداقت و مملکت خوفسیزلیک و دفاعی کوچلری نینگ ایثار و قربانلیگی سبب جمهوریت تیزیمی سقلنگن و بوگون بیزلر فقط اوروش ده ایمس، بلکه تینچلیک بولیمیده هم کوچلی بیر موقف ده میز دیدی.

جاری ییل کرونا ویروس ترقه لیشی آرتیدن حج مراسمیده اشتراک قیلیش چیکلنگنی همده بو ییل مذکور مراسمده افغانستانلیک حاجیلرنینگ قتنه شه آلمه گنیدن اچینیب، هنوز هم کرونا ویروس ترقه لیشی نینگ تهدید بر طرف بولمه گن دیب ایتدی. شونینگ اوچون هم برچه وطنداشلریمیزدن هییت کونلری اجتماعی فاصله نی نظرده توتیب ساغلیقنی سقلش وزیرلیگی نینگ طبی کورستمه لریگه جدی اعتبار بیریشلرینی سوره یمن دیدی مملکتیمیز رهبری.

مملکتده تینچلیک و برقرارلیک اورنه تیلیشی مقصدیده حکومت نینگ آلیب بارگن سعی حرکتلری اوستیده توخته لیب گپیریگن جمهور رئیس غنی، بوندن ایکّی ییل آلدین هیچ قنده ی بیر شرط سیز آتیش – کیسین افغانستان بویلب حکومت تامانیدن اعلان قیلیندی، خلقیمیزنینگ اساسی ایسته گی بولگن بو عمل منطقه و دنیا بویلب خوش قرشیلندی دیدی.

اونینگ کوپه یتیریشیچه، بوندن ایکّی ییل آلدین بیرینچی مرته افغانستان قیرق ییللیک اوروش تاریخیده بیزلر مملکت بویلب آتیش – کیسین اعلان قیلیب، آتیش – کسین نینگ توب تاشینی قویدیک. بختگه موافق بیزلرنینگ بو ابتکاریمیز طالبلر تامانیدن قبول قیلیندی و بوگون ایسه اوچینچی مرته آتیش – کیسین اعلان قیلینیشی نینگ گواهی میز دیب قوشیمچه قیلدی او.

مملکت رهبری محمد اشرف غنی، امریکا قوشمه ایالتلری بیلن طالبلر اورته سیده قول قوییلگن شرطنامه بوییچه افغانستان حکومتی نینگ هیچ قنده ی بیر تعهدی بولیشیگه قره مسدن، بیراق تینچلیک بوییچه مذاکره لر تیزلیکده باشله نیب یوباریلیشی همده طالبلر تامانیدن توزیلگن رویخطگه موافق بیزلر 4600 طالبنی قماقدن آزاد قیلدیک دیدی.

تینچلیک بوییچه هر قنده ی بیر مساله اوچون افغانستان حکومتی بیر قدم ایلگری ایکینی تیلگه آلگن جمهور رئیس غنی، طالبلرنینگ آتیش – کیسینگه بویسونگنی اوچون، اونگه ایجابی جواب بیریش و ایزگو نیت همده تینچلیک جریانی تیزلشتیریلیشی مقصدیده طالبلر تامانیدن بیدیریلگن رویخطدن بولک باشقه 500 توتقوننی آزاد قیله میز دیدی.

جمهور رئیس نینگ سوزلریگه کوره، طالبلر تامانیدن بیریلگن رویخطده گی 400 توتقون آزاد قیلینیشی باره سیده افغانستان جمهور رئیسی اساسی قانون همده جزا قانونیگه موافق اولرنی آزاد قیلیش صلاحیتی یوق. لیکن، بو بیزلرنینگ برچه توتقونلرنی آزاد قیلیش اوچون منفی جواب بیریش معنیسیده ایمس دیدی او.

مین بو خصوصده خلق بیلن مصلحت قیلیب، 400 توتقون باره سیده مصلحتی لویه جرگه نی چقیریب بو حقده قرار آله من دیدی. او، ملی کینگش نینگ اعضالریدن لویه جرگه اوتکزیلیشی اوچون یازگی رخصتیلریدن واز کیچیب کابلگه قیتیشلرینی سوره دی.

اونینگ ایتیشیچه، بو ایشنی افغانستان اسلامی جمهوریت دولتی تینچلیک یولیده گی برچه توسیقلرنی کوتریش اوچون بجره میز، هییت نینگ تورتینچی کونیگه قدر طالبلرنینگ تورمه سیده بولگن ملی کوچلر قوشیمچه طالبلر تورمه سیده گی تینچ اهالی آزاد بولیشی مقابلیده طالبلرنینگ 500 توتقونی آزاد قیلنه دیلر.

شونینگدیک جمهور رئیس غنی جنابلری، امریکا قوشمه ایالتلری دموکرات، آسوده، تینچ، برقرار و ترورچیلیک بولمه گن بیر افغانستاننی قوللشنی بار- بار بیلدیرگن، شونینگ اوچون هم پاکستان قوشیمچه افغانستان نینگ برچه قوشنیلری هم بونی حمایت قیله دیلر دیدی.

جمهور رئیس غنی اوزی نینگ یکونی صحبتلریده کرونا ویروس نینگ منفی پیامدلریگه اشاره قیلیب، افغانستان حکومتی نینگ اقتصاد بوییچه ثمره لی دستورلری بارلیگیدن ایشانچ بیرمن و تیز آره ده بو وضعیتدن چیقیب قیته دن برچه بولیملرده آلدینگیدیک حرکتده بوله میز دیدی.

 


اولَش