جمهور رئیس‌نینگ گپی
واردات تاماندن ایشلب چیقریش تامان آدیم قویه دیگن و صادرات اوچون زمینه یره ته دیگن هر بیر کیشی افغانستان ثباتی تامان کتته بیر آدیم قویه دی. صنعت¬کارلر حکومت نینگ یلغوزگینه انکشافی شریکلری ایمس بلکه افغانستان نینگ ثباتی شریکلری هم دیرلر.

افغانستان آچیق دولت‌دارلیگی نینگ بیرینچی کنفرانسی جمهور رئیسلیک سرایی نینگ چهارچنار قصریده بولیب اوتدی

۲۵ عقرب ۱۳۹۹

افغانستان آچیق دولت‌دارلیگی نینگ بیرینچی کنفرانسی بوگون شنبه توشدن آلدین جمهور رئیس نینگ ایککینچی اورین‌باسری محمد سرور دانش، جمهور رئیسلیک عالی مقامی دفتری نینگ عمومی رئیسی محمدشاکر کارگر، امور اداره‌سی نینگ عمومی رئیسی فضل محمود فضلی، کابینه نینگ حرمتلی اعضالری، ملی کینگش نماینده‌لری، مدنی جماعه‌چیلیک اعضالری و تشقی مملکتلر دیپلماتلری حضوری بیلن
جمهور رئیسلیک سرایی نینگ چهارچنار قصریده بولیب اوتدی.
جمهور رئیسلیک عالی مقامی دفتری نینگ عمومی رئیسی محمدشاکر کارگر افغانستان ده آچیق دولتدارلیک فایده لری حقیده مفصل گپیریب افغانستان اسلامی جمهوریتی دولتی آچیق دولتدارلیک ارزشلرینی نهادینه قیلیش اوچون سعی و حرکت قیلیب تورگنینی بیلدیردی. جناب کارگر آچیق دولتدارلیک ارزشلرینی نهادینه قیلیش کوپ قیین ایش بولگنینی ایتیب افغانستان اسلامی جمهوریتی دولتی مدنی جماعه‌لر همکارلیگی بیلن بو قیینچیلیکنی حل قیلیشینی تیلگه آلدی.
جمهور رئیس نینگ ایککینچی اورین‌باسری محمد سرور دانش آچیق دولتدارلیک سکرتریتی نینگ 1- و 2- ملی عمل برنامه سی تطبیق ایتیلیشی اوچون قیلگن تلاشی دن منتدارلیک قیلیب بیز حاضر حقوقی و قانونی همده ساختار و سیاست‌گذارلیک جهتدن آچیق دولتدارلیک اصولینی تطبیق ایتیشگه تیارمیز دیدی. دانش جنابلری اداری فسادگه قرشی کوره‌شیش، مالی نظام ده سیستم کنترولی تقویتی، کشفی نهادلر کوچله‌نیشی، عدلی و قضایی همده نظامی بولیملرده استخدام ایشلری معیاری بولیشی اوستیده تأکید قیلدی.
جمهور رئیسلیک عالی مقامی دفتری عمومی ریاستی نینگ پاليسی، تفتیش و تیکشیریش ایشلری معاونی محمدابراهیم تميل، جمهور رئیسلیک امور اداره سی نینگ عمومی رئیسی فضل محمود فضلی، افغانستان آچیق دولتدارلیک مشارکتی اویوشمه سی نینگ معاونی عبدالودود افغان، آچیق دولتدارلیک مشارکتی نینگ اجرایی رئیسی سنجی پرادان افغانستان آچیق دولتدارلیک بیرینچی کنفرانسی ده سوزلب افغانستان آچیق دولتدارلیک اونگیده تورگن قوله‌یلیک و قیینچیلیکلر حقیده هرتامانامه صحبت ایتدیلر.

افغانستان اسلامی جمهوریتی دولتی ۱۳۹۵ ییلده آچیق دولتدارلیک مشارکتی نینگ عضویتینی آلگن. آچیق دولتدارلیک سکرتریتی حاضر جمهور رئیسلیک عالی مقامی دفتری عمومی ریاستی تشکیلاتیده اوز فعالیتلریگه دوام بیره‌دی. بو آره‌ده افغانستان خلقی افغانستان آچیق دولتدارلیک مشارکتی سهولتلریدن فایده لنیب عامه پالیسیلری تدوینی همده عامه گه خدمت قیلیش اوچون افغانستان دولتی ایشلریگه مثبت تاثیر اوتکزه‌دی.افغانستان اسلامی جمهوریتی دولتی هم شفافیت، حساب بیریش و عامه مشارکتی گه متعهد دیر.


اولَش