جمهور رئیس‌نینگ گپی
واردات تاماندن ایشلب چیقریش تامان آدیم قویه دیگن و صادرات اوچون زمینه یره ته دیگن هر بیر کیشی افغانستان ثباتی تامان کتته بیر آدیم قویه دی. صنعت¬کارلر حکومت نینگ یلغوزگینه انکشافی شریکلری ایمس بلکه افغانستان نینگ ثباتی شریکلری هم دیرلر.

محمدشاکر کارگر: افغانستان دولتی المشتیریلگن امنیتی، دفاعی و عادی اهالی اسیرلریدن حمایت ایتیشگه متعهد دیر

۲۷ عقرب ۱۳۹۹

افغانستان جمهور رئیسی جلالت‌مآب محمداشرف غنی نینگ حکمی اساسیده جمهورلیک ریاستی عالی مقامی دفتری نینگ عمومی ریاستی، ملی امنیت کینگشی، ایچکی ایشلر وزیرلیگی و ملی امنیت ریاستی نینگ صلاحیتلی نماینده­لری، طالبلر آرقه­لی المشتیریلگن امنیتی، دفاعی کوچلر همده عادی اهالی اسیرلریگه  یاردم ایتیش اوچون جمهورلیک ریاستی عالی مقامی دفتری نینگ عمومی ریاستی آستیده کمیسیون ایجاد ایتیلدی.

مملکت نینگ سککیز زونیده محلی ارگانلر یاردمی بیلن المشتیریلگن اسیرلرگه یاردم ایتیش ایشی جمهورلیک ریاستی عالی مقامی دفتری نینگ عمومی رئیسی محمدشاکر کارگر ریاستیده ویدیو کنفرانس و اوشبو ریاست تامانیدن هر بیر زونگه جونه­تیلگن هیئت بیلن دوام ایتماقده.

اوشبو کمیسیون نینگ بیرینچی ایشی شمال شرق زونیده المشتیریلگن امنیتی، دفاعی و عادی اهالی اسیرلریگه یاردم ایتیش ایدی.

اوشبو کمیسیون نینگ اخیرگی اقدامی بیلن جمهورلیک ریاستی عالی مقامی دفتری نینگ عمومی رئیسی محمدشاکر کارگر بوگون سه­‌شنبه توشدن آلدین بلخ ولایتی نینگ حاکمی محمدفرهاد عظیمی بیلن ویدیو کنفرانس آرقه­لی اوچره­شیب گپیردی. اوچره­شووده بلخ ولایتی نینگ ملی امنیت رئیسی، امنیه قومندانی و ولایت کینگشی رئیسی هم حضور تاپگندی.

جمهورلیک ریاستی عالی مقامی دفتری نینگ عمومی رئیسی محمدشاکر کارگر، جلالت‌مآب محمداشرف غنی نینگ پیامینی اوچره­شووده­گی کیشیلرگه ییتکزیب افغانستان اسلامی جمهوریتی دولتی مملکت نینگ امنیتی و دفاعی کوچلری نینگ متجاوز کیشیلر قرشیسیده قیلگن فداکارلیکلریدن منتدارلیک قیلیب افغانستان دولتی طالبلر قماقخانه لریدن قوییب یوباریلگن امنیتی و دفاعی کوچلر اسیرلری ییللرچه بو وطن نینگ عزت و غرورینی سقلش اوچون کوره­شگنینی ایتیب اوندن تاریخده افتخار بیلن ایسلنه­دی دیدی.

جناب کارگر، جلالت‌مآب جمهور رئیس نینگ پیامی دن نقل قیلیب افغانستان دولتی و خلقی اوروش یکونلنیب طالبلر بیلن تینچلیک مذاکره لری نتیجه بیریشینی بیلدیردی، اما طلبلر افغانستان دولتی و خلقی نینگ حسن نیتی دن استفاده قیلیب اوروشگه دوام بیریب تورگنلرینی ایتدی. کارگر جنابلری، افغانستان دولتی و خلقی طالبلر محبوسلرینی قوییب یوباریش اوچون اینگ کتته تصمیم آلگنینی بیلدیریب طالبلرنی اوروش یکونلنیشی و افغانستانده دواملی تینچلیک اورنه­تیشگه وادار ایتیشینی ایتدی.

جناب کارگر، طالبلر گروهی بوندن سونگ اوروشگه دوام ایتمسلیکلرینی ایتیب افغانستان دولتی، خلقی و دنیا جماعه­چیلیگی ایستگی گه تمکین ایتیشینی تیلگه آلدی.

کارگر جنابلری امنیتی و دفاعی کوچلرنینگ جان‌فشانلیکلرینی آلقیشلب افغانستان دولتی امنیتی و دفاعی کوچلرنی تقویت ایتیشگه متعهد بولگنینی بیلدیردی.

بلخ ولایتی نینگ رهبریتی جلالت‌مآب جمهور رئیس نینگ طالبلر قماقخانه لریدن قوییب یوباریلگن اسیرلردن حمایت ایتگنینی آلقیشلب، بلخ ولایتی رهبریتی جمهور رئیسلیک عالی مقامی بویروغلرینی اوز وقتیده عملگه آشیریش اوچون سعی و حرکت قیلیشلرینی بیلدیردی.

کنفرانس نینگ سونگیده طالبلر قماقخانه لریدن المشتیریلگن اسیرلرگه نقدی یاردم و ساووغه بیریلدی.

 

 


اولَش