جمهور رئیس‌نینگ گپی
واردات تاماندن ایشلب چیقریش تامان آدیم قویه دیگن و صادرات اوچون زمینه یره ته دیگن هر بیر کیشی افغانستان ثباتی تامان کتته بیر آدیم قویه دی. صنعت¬کارلر حکومت نینگ یلغوزگینه انکشافی شریکلری ایمس بلکه افغانستان نینگ ثباتی شریکلری هم دیرلر.

افغانستان و اوزبیکستان عالی تحصیلات وزیرلیکلری آره‌سیده همکارلیک بیتیمی امضالندی

۰۱ قوس ۱۳۹۹

محمدشاکر کارگر و بیرگه‌سیده‌گی هیئت نینگ اوزبیکستان گه قیلگن رسمی سفریده ایککی مملکت نینگ تحصیلات وزیرلیکلری آره‌سیده همکارلیک بیتیمی امضالندی.

همکارلیک بیتیمی افغانستان تحصیلات وزیرلیگی نینگ علمی معیینی پوهنمل عبدالتواب بالاکرزی و اوزبیکستان تحصیلات وزیری مجیدوف انعام یوریشیویچ آرقه‌لی جمهورلیک ریاستی عالی مقامی دفتری نینگ عمومی رئیسی محمدشاکر کارگر و اوزبیکستان جمهوریتی باش‌وزیری نینگ اورین‌باسری سردار اوکتاموویچ عمرزاکوف حضوریده امضالندی.

کارگر جنابلری اوزبیکستان جمهوریتی دولتی دن افغانستان دولتی و خلقیگه قیلگن دواملی یاردملری اوچون منتدارچیلیک اظهار قیلیب اوزبیکستانده تحصیل آلگن 96 افغانستانلیک طلبه لرنینگ تحصیلی اسنادلری قیینچیلیگی حل بولیشیگه امید بیلدیردی.

اوزبیکستان جمهوریتی نینگ تحصیلات وزیری افغانستانلیک 96 طلبه قیینچیلیگینی حل ایتیش همده افغانستانلیک محصللرگه بورسیه لر دوام ایتیشی و اولرگه قوله‌یلیکلر یره‌تیشگه تعهد بیردی.


اولَش