جمهور رئیس‌نینگ گپی
واردات آرقه‌لی ایشلب چیقریش تامان بیر قدم کوتره دیگن و صادرات اوچون زمینه یره ته دیگن هر بیر کیشی افغانستان ثباتی ساری ییریک بیر آدیم قویه دی. صنعت‌کارلر فقط حکومت نینگ رواجله نیش شریکلری ایمس، بلکه اولر، افغانستان ثباتی نینگ مهم شریکلری سنه‌له‌دی.

جمهور رئیس غنی: نوایی و باشقه تانیقلی افغان شخصیتلری نینگ فکری و مهم پیاملری باسیلیب چیقاریلیشی و سقله نیشی کیره ک

۲۲ جدی ۱۳۹۹

 بوگون ایرته‌لب ارگ ده افغانستان اسلامی جمهوریتی جمهور رئیسی جلالت‌مآب محمد اشرف غنی نینگ ریاستی آستیده امیر علی شیر نوایی تولدی نینگ ۵۸۰- ییللیگنی نشانلش مشورتی ییغینی یولگه قوییلدی.

اوشبو جلسه ده جمهورلیک ریاستی عالی مقامی دفتری نینگ عمومی رئیسی محمدشاکر کارگر، اخبارات و مدنیت وزیرلیگی نینگ سرپرستی محمد طاهر زهیر، جمهور رئیس نینگ فرهنگی مصلحتچیسی اسدالله غضنفر، عالی تحصیلات وزیرلیگی نینگ علمی معینی عبدالتواب بالاکرزی، جمهور رئیس نینگ علمی و اجتماعی مصلحتچیسی لعل پاچا آزمون و یازووچی و تحقیقچی عزیزالله آرال هم قتنشگندی.

جمهورلیک ریاستی عالی مقامی دفتری نینگ عمومی رئیسی محمدشاکر کارگر علمی، فرهنگی و ادبی شخصیتلر جمله دن امیرعلی شیر نوایی اورنینی نشانلش کیره‌کلیگی باره سیده گپیریب اونینگ مقبره سی و باشقه فرهنگی و ادبی شخصیتلر قبرلری همده تاریخی آبده لر قیته قوریلیشی حقیده مفصل صحبت قیلیب تاریخی آبده لرنی قیته قوریش هر بیر ملت تمدنی نینگ نشانه سی ایکنی و اونینگ قدامتی اوشه یورت نینگ تاریخ و فرهنگینی بیان قیله‌دی دیدی.

سونگ جلالت‌مآب جمهور رئیس امیرعلی شیر نوایی توغیلگنی نینگ ۵۸۰- ییللیگینی نشانلش حقیده گپیریب ابوریحان البیرونی نینگ قبرینی قیته قوریش و مرمت ایتیش، امیرعلی شیر نوایی نینگ هرات ده‌گی پارکی قیته قوریلیشی، مولانا جلال‌الدین محمد بلخی آته سی نینگ خانقاهی قوریلیشی و اوزبیکستان و افغانستان آره سیده‌گی امام بخاری (رح) و امام ترمذی (رح)  علمی و معنوی اورنینی نشانلش قوشمه برنامه لری حقیده جمهورلیک ریاستی عالی مقامی دفتری نینگ عمومی ریاستی گه کیره‌کلی هدایتلرنی بیریب مطرح ایتیلگن مساله لرنی تیگیشلی نهادلر بیان هماهنگ شکلده بجریشلرینی سوره‌دی.

جمهور رئیس اعتدال و عدالت گه استوار بولگن افغان تاریخچیلری و بیلیمدانلری نینگ تفکر طرزی، فکری و اسلامی مکتبی همده شهری و تمدنی فرهنگینی اوزیده عکس ایتدیرگن اثرلری باسیلیب چیقیشی، تکثیر و تشریح ایتیلیشی اوستیده تاکیدلب ینگی نسل واقعی تاریخی دن آگاه بولیب تاریخ یازیش دیدگاهی تقویت ایتیلیشینی سوره‌دی.

جمهور رئیس غنی مملکت نینگ شهرتلی و بویوک شخصیتلری جمله دن امیرعلی شیر نوایی نینگ اثرلری باسیلیب چیقیشی اوستیده تاکیدلش ضمنیده افغانستان‌شناسلیک، باستان‌شناسلیک، تیموریلر دوری هرات شناسلیگی همده تاریخی اثرلر ییغیشتیریلیشی و تالیفی، ترجمه و ترقه تیلیشی خصوصیده کوپ ایش ایتیلیشینی ایسته‌دی. امیر علی شیر نوایی نینگ حیاتی، خاطره لری، مهم فکر و پیاملری همده مملکت نینگ باشقه فرهنگی و ادبی شخصیتلری نینگ اثرلری باسیلیب یاش قتلم بیلن شریک ایتیلیشی سوره‌دی.

اداغده جمهورلیک ریاستی عالی مقامی دفتری نینگ عمومی رئیسی محمدشاکر کارگر جلالت‌مآب جمهور رئیس هدایتلرینی عملگه آشیریش اوچون تیگیشلی اداره لر بیلن ایشلش تعهدینی بیردی.


اولَش