جمهور رئیس‌نینگ گپی
واردات آرقه‌لی ایشلب چیقریش تامان بیر قدم کوتره دیگن و صادرات اوچون زمینه یره ته دیگن هر بیر کیشی افغانستان ثباتی ساری ییریک بیر آدیم قویه دی. صنعت‌کارلر فقط حکومت نینگ رواجله نیش شریکلری ایمس، بلکه اولر، افغانستان ثباتی نینگ مهم شریکلری سنه‌له‌دی.

محمدشاکر کارگر، بدخشان ولایتی واخان تومنی نینگ واخی و قرغیز قوملری نینگ بیر قطار بویوکلری، نفوذلی شخصیتلری و یاشلری بیلن اوچره‌شدی

۲۲ جدی ۱۳۹۹

جمهورلیک ریاستی عالی مقامی دفتری نینگ عمومی رئیسی محمدشاکر کارگر بوگون دوشنبه توشدن سونگ بدخشان ولایتی واخان تومنی نینگ قوم بویوکلری، نفوذلی شخصیتلری و یاشلری بیلن جمهور رئیسلیک سراییده اوچره‌شیب گپیردی.

بو اوچره‌شووده بدخشان خلقی نینگ اولوسی جرگه ده‌گی وکیلی عبدالشکور واقف حکمی، واخان تومنی شوراسی نینگ رئیسی جمعه خان آمو و واخان خلقی نینگ نماینده سی میر دل ترتیب بیلن تورلی ساحه جمله دن جامع کلینیک‌ لر، اسفالت ایتیلگن یوللر، معیاری مکتبلر، قتناو یوللر و یاشلرگه ایش زمینه سی یوقلیگینی مطرح ایتدیلر. شونینگ‌دیک بورسیه بیریلیشی و مرکزی و محلی اداره لرده واخی و قرغیز یاشلری حضوری باره سیده عالی مقامی نینگ توجه سینی سوره‌دیلر.

جمهورلیک ریاستی عالی مقامی دفتری نینگ عمومی رئیسی محمدشاکر کارگر اولرنینگ ایستک و پیشنهادلرینی ایشیتگندن سونگ اساسی قانون گه کوره افغانستان نینگ برچه اتباعی تینگ حقگه ایگه و حکومت هم تینگ حق تامین ایتیلیشی و یشاوچیلرگه قوله‌یلیک یره‌تیشگه مکلف ایکنینی بیلدیردی. جناب کارگر مطرح ایتیلگن مساله لرنی امانت‌دارلیک بیلن جلالت‌مآب جمهور رئیسگه ییتکزیش و تیزلیکده کیره‌کلی آدیم کوتاریلیشی گه وعده بیردی.


اولَش