جمهور رئیس‌نینگ گپی
واردات آرقه‌لی ایشلب چیقریش تامان بیر قدم کوتره دیگن و صادرات اوچون زمینه یره ته دیگن هر بیر کیشی افغانستان ثباتی ساری ییریک بیر آدیم قویه دی. صنعت‌کارلر فقط حکومت نینگ رواجله نیش شریکلری ایمس، بلکه اولر، افغانستان ثباتی نینگ مهم شریکلری سنه‌له‌دی.

محمدشاکر کارگرنینگ اوزبیکستان دولتی امنیت رئیسی نینگ اورین‌باسری فرخ مختاروف بیلن اوچره‌شووی

۲۲ جدی ۱۳۹۹

جمهورلیک ریاستی عالی مقامی دفتری نینگ عمومی رئیسی محمدشاکر کارگر بوگون دوشنبه توشدن سونگ اوزبیکستان جمهوریتی دولتی امنیت خدماتی رئیسی نینگ معاونی فرخ مختاروف و یوللاوچی هیئتی بیلن ایش دفتریده اوچره‌شیب گپیردی.

دستلب اوزبیکستان جمهوریتی دولتی امنیت خدماتی رئیسی نینگ معاونی فرخ مختاروف اوزبیکستان جمهور رئیسی دن نقل قیلیب مملکتی تینچلیک پروسه سی، جمهوریت نظامی دن دواملی حمایت و تروریسم بیلن کوره‌شیش خصوصیده گی همکارلیگی دن اطمینان بیردی. شونینگ‌دیک تجارتی رابطه لر جمله دن ایککی مملکت اقتصادی فعالیتلری کینگه‌ییشی همده ایش زمینه سی یره‌تیلیشی اوچون چیگره بازارلری ایجادی حقیده بحث ایتیب فکر المشتیردیلر.

کیین جمهورلیک ریاستی عالی مقامی دفتری نینگ عمومی رئیسی محمدشاکر کارگر اوزبیکستان نینگ افغانستان بیلن قیلگن دواملی همکارلیگینی آلقیشلب افغانستان اسلامی جمهوریتی نینگ جمهور رئیسی جلالت‌مآب محمداشرف غنی دن نقل قیلیب افغانستان نیچه مینگ ییل آسیا تورت یولی ایکنینی بیلدیردی. افغانستان حاضرگی شرایطده ییریک فرصتلر و کتته  تهدیدلر جمله دن تروریسم بیلن دوچ کیلیب تورگنینی اَیتیب و بو خصوصده هر تامانلمه همکارلیک ایتیلیشی گه توقع قیلدی.

جناب کارگر افغانستان اورته آسیانینگ مهم بیر بولیمی ایکنی و دایمی تینچلیککه ایریشیش اوچون منطقه و دنیا مملکتلری همکارلیگینی سوره‌دی.


اولَش