جمهور رئیس‌نینگ گپی
واردات آرقه‌لی ایشلب چیقریش تامان بیر قدم کوتره دیگن و صادرات اوچون زمینه یره ته دیگن هر بیر کیشی افغانستان ثباتی ساری ییریک بیر آدیم قویه دی. صنعت‌کارلر فقط حکومت نینگ رواجله نیش شریکلری ایمس، بلکه اولر، افغانستان ثباتی نینگ مهم شریکلری سنه‌له‌دی.

محمدشاکر کارگر، خوست ولایتی ځدران قومی نینگ بیر قطار بویوکلری، یاشلری و نفوذلی شخصیتلری بیلن اوچره‌شدی

۲۴ جدی ۱۳۹۹

جمهورلیک ریاستی عالی مقامی دفتری نینگ عمومی رئیسی محمدشاکر کارگر بوگون چهارشنبه توشدن آلدین خوست ولایتی ځدران قومی نینگ بیر قطار بویوکلری، یاشلری و نفوذلی شخصیتلری بیلن جمهورلیک ریاستی نینگ ارگیده اوچره‌‌شیب گپیردی.

لوی پکتیا شوراسی نینگ رئیسی وکیل محمدالدین ځدران و قاضی احمد ببرک‌زی حاضر کیشیلر نماینده لیگیده ځدران بویوک قومی نینگ بو نظام همده عزتلی، ثباتلی و دواملی تینچلیک دن اوز حمایتلرینی بیلدیریب امنیتی، ساغلیک خدمتلری، تعلیم و تربیه، یاشلرگه ایش امکانیتلرینی یره‌تیش و خوست ولایتی خلقی نینگ باشقه قیینچیلیکلری حقیده گپیریب عالی مقامی نینگ توجه سینی ایسته‌دیلر.

جمهورلیک ریاستی عالی مقامی دفتری نینگ عمومی رئیسی محمدشاکر کارگر ځدران بویوک قومی نینگ مردم سالارلیک و 19 ییلده قازانیلگن یوتوقلر سقله نیشی خصوصیده‌گی حمایتلرینی آلقیشلب حکومت رهبرلیگی آلدیده افغانستان نینگ برچه اتباعی تینگ حق- حقوق گه ایگه لیگی و حکومت اوزینی مملکت یشاوچیلری نینگ تینگ حقینی تامین ایتیش و کیره‌‌کلی قوله‌یلیکلر یره‌تیشگه مسوول بیلگنینی تیلگه آلدی.

جناب کارگر مطرح ایتیلگن مساله لرنی امانت دارلیک بیلن جلالت‌مآب جمهور رئیس گه ییتکزیش و عالی مقامی نینگ توزه‌تووچی هدایتلری اساسیده مطرح ایتیلگن قیینچیلیکلرگه ییچیم یول تاپیش وعده سینی بیردی.


اولَش