جمهور رئیس‌نینگ گپی
واردات آرقه‌لی ایشلب چیقریش تامان بیر قدم کوتره دیگن و صادرات اوچون زمینه یره ته دیگن هر بیر کیشی افغانستان ثباتی ساری ییریک بیر آدیم قویه دی. صنعت‌کارلر فقط حکومت نینگ رواجله نیش شریکلری ایمس، بلکه اولر، افغانستان ثباتی نینگ مهم شریکلری سنه‌له‌دی.

محمدشاکر کارگر آمریکا قوشمه ایالتلری نینگ کابل ده‌گی ایلچیسی اورین باسری مک کری بیلن اوچره‌شدی

۰۵ دلو ۱۳۹۹

جمهورلیک ریاستی عالی مقامی دفتری نینگ عمومی رئیسی محمدشاکر کارگر بوگون یک‌شنبه توشدن آلدین آمریکا قوشمه ایالتلری نینگ کابل ده‌گی ایلچیسی نینگ اورین باسری ان مک کری بیلن اوچره‌شیب گپیردی. اوچره‌شووده تینچلیک مذاکره لری و قوراللی مخالفلر تامانیدن زوروانلیکلر کوپه‌یگنی حقیده صحبت ایتیلدی.

بو اوچره‌شووده کری جنابلری مملکتی نینگ افغانستان دن حمایت ایتیشیدن اطمینان بیریب تینچلیک و خوفسیزلیک آمریکا قوشمه ایالتلری نینگ افغانستان ده‌گی ایککی اولویتی دیر و آمریکا حکومتی نینگ ینگی رهبریتی شونینگ اوچون افغانستان امنیتی و دفاعی کوچلرینی حمایت ایتیشگه دوام بیریشینی تیلگه آلدی. جناب کری تینچلیک مذاکره لری تیزده نتیجه بیریشی و افغانستان ده دایمی تینچلیک و برقرارلیک تامین ایتیلیشیگه امید بیلدیردی.

جمهورلیک ریاستی عالی مقامی نینگ عمومی رئیسی محمدشاکر کارگر آمریکا دولتی و خلقی نینگ اوتگن ییگیرمه ییلده‌ قیلگن سخاوت‌مندانه کمکلرینی آلقیشلب آمریکا و طالبلر گروهی آره سیده بیتیم امضالنگندن سونگ بوتون افغانستان ده زوروانلیکلر کوپه‌یگنینی بیان ایتدی. شونینگدیک جناب کارگر تینچلیک مذاکره لری آمریکا ینگی رهبریتی تامانیدن قیته کوریب چیقیلیشیگه امید بیلدیردی.


اولَش