امیر علی شیر نوایی خلق‌ارا سمینارینی اوتکزه‌دیگن کمیسیون نینگ تیارگرلیک ییغینی بولیب اوتدی
جمهورلیک ریاستی عالی مقامی دفتری نینگ عمومی رئیسی محمدشاکر کارگر ریاستی آستیده بوگون دوشنبه توشدن سونگ امیر علی شیر نوایی توغیلیشی نینگ ۵۸۰ ییللیگینی نشانلش مناسبتی بیلن یولگه قوییله‌دیگن خلق‌ارا سمینارنی اوتکزه‌دیگن کمیسیون نینگ اعضالری بیلن ارگ ده تیارگرلیک ییغینی بولیب اوتدی.
دستلب جلالت‌مآب جمهور رئیس نینگ حکمی حاضر کیشیلرگه اوقیلیب سونگ کمیسیون اعضالریگه تاپشیریلگن ایشنی یخشی شکلده بجریشلری وظیفه سی بیریلدی. شونینگدیک ییغینده مذکور خلق‌ارا سمینار بولیب اوتیشی اوچون کوریلگن تیارگرلیک ایشلری آلغه کیتگنی همده بلخ ولایتی ده‌گی مولانا جلال‌الدین محمد بلخی آته سی نینگ خانقاه سی مرمت ایتیلیب قیته قوریلیشی، پاچا خان نهضتی نینگ یوز ییللگینی نشانلش، غزنی ولایتیده‌گی ابو ریحان البیرونی مقبره سی قیته قوریلیشی، دوست اولکه اوزبیکستان جمهوریتی هماهنگلیگیده امام ترمذی و امام بخاری نینگ معنوی مقامینی نشانلش و باشقه نهادلر هماهنگلیگیده امیر علی‌شیر نوایی نینگ هراتده‌گی پارکی قیته قوریلیشی اوستیده بحث ایتیلیب فکر المشتیریلدی.
جلالت‌مآب جمهور رئیس نینگ حکمی اساسیده جمهورلیک ریاستی عالی مقامی دفتری نینگ عمومی ریاستی ایتیب اوتیلگن مساله لر خصوصیده تیگیشلی اداره لر هماهنگلیگیده عملی آدیم کوتاریشگه موظف دیر.