امیر علی شیر نوایی فکرلرینی قیته اورگه‌نیش خلق ارا سمیناری نینگ ایکّینچی ییغینی بولیب اوتدی

۱۰ حوت ۱۳۹۹

امیر علی شیر نوایی فکرلرینی قیته اورگه‌نیش خلق ارا سمیناری ییغینی، جمهورلیک ریاستی عالی مقامی دفتری نینگ عمومی رئیسی محمد شاکر کارگر، کمیسیون اعضالری و ایش کمیته سی اعضالری اشتراکیده بوگون توشدن سونگ جمهورلیک ریاستی ارگیده بولیب اوتدی.

دستلب بو سمینارنینگ علمی کمیته سی مسوولی عزیز ارال بو کمیته تامانیدن عملگه آشیریلگن ایشلر گزارشینی بیردی، سونگ اخبارات و مدنیت وزیرلیگی نینگ نشرات اورین باسری عبدالمنان شیوای شرق، پاچا خان علمی سمیناری،  ابو ریحان البیرونی مقبره سی، مولانا جلال الدین محمد بلخی آته سی نینگ خانقاه سینی مرمت ایتیش و قیته قوریش سروی سی و امام ترمذی و امام بخاری (رح)  علمی مقاملرینی نشانلش قوشمه مراسمی خصوصیده قیلگن فعالیتلری و تیارگرلیکلری باره سیده گپیردی، شونینگدیک جمهورلیک ریاستی عالی مقامی نینگ مصلحتچیلری لعل پاچا آزمون و اسدالله غضنفر، پاچا خان علمی سمینارینی یولگه تشله‌یدیگن کمیته فعالیتلری و امیر علی شیر نوایی فکرلرینی قیته اورگه‌نیش خلق ارا سمیناری یخشی بولیب اوتیشی خصوصیده بولگن فکر و ملاحظه لرینی بیلدیردیلر، سونگ عالی تحصیلات وزیرلیگی نینگ علمی معینی عبدالتواب بالاکرزی مملکت بیلیم یورتلری تامانیدن امیر علی شیر نوایی خلق ارا سمیناری گه یازیلگن علمی مقاله لر ییغیشتیریلگنی حقیده معلومات بیردی.

جمهورلیک ریاستی عالی مقامی دفتری نینگ عمومی رئیسی محمد شاکر کارگر گزارشلرنی ایشیتگندن سونگ بو کمیسیون اعضالری نینگ چیککن زحمتلریدن منتدارچیلیک بیلدیردی و ایسلنگن موردلر حقیده جلالت‌مآب جمهور رئیس نینگ بویروغلری یخشی شکلده عملگه آشیریلیشیگه تاکید قیلدی.

امیر علی شیر نوایی فکرلرینی قیته اورگه‌نیش خلق ارا سمیناری 1400 ییل حمل آیی نینگ اون سکّیزیده هراتده بولیب اوتیشی کوتیله‌دی.


اولَش