امیر علی‌شیر نوایی تفکرلرینی اورگنیش خلق ارا سمیناری یولگه قوییلدی

۱۸ حمل ۱۴۰۰

 امیر علی‌شیر نوایی تفکرلرینی اورگنیش خلق ارا سمیناری حکومت یوقاری مرتبه‌لی رسمیلری، قوشنی و منطقه ده‌گی مملکتلردن کیلگن مهمانلر، اولوسی جرگه، بویوکلر کینگشی‌ و ولایتی کینگش اعضالری، ایلچیلر، عالملر، نوایی شناسلر، علی‌شیر نوایی تفکرلرینی اورگنیش خلق ارا سمینارینی اوتکزیش کمیسیونی‌نینگ اعضالری، یازووچیلر، فرهنگیلر، مدنی جماعه فعاللری، عیاللر و مملکت‌ و منطقه‌نینگ ایریم اکادمیک شخصیتلری قتنه‌شیشی بیلن بوگون چهارشنبه توشدن آلدین هرات شهریده‌گی مولانا جلال‌الدین محمد بلخی تالاریده یولگه قوییلدی.

 افغانستان اسلامی جمهوریتی جمهور رئیسی جلالت‌مآب محمداشرف غنی‌ بو خصوصده‌گی تصویری پیامیده افغانستان اسلامی جمهوریتی دولتی‌نینگ فرهنگگه باقیشی چوقور و معنی لی بیر قره‌ش بولگنینی بیان ایتگن. فرهنگ و مدنی شخصیتلر نقشی تمدنی و منطقه‌ای همکارلیکلرگه مهم دیر. علی‌شیر نوایی توغیلیشینی نشانلش منطقه‌ای همکارلیکلرنینگ اونیملی بیر بولیمینی نشانلش دیر دیگن.

 اوزبیکستان جمهوریتی‌نینگ افغانستان ایشلری بوییچه خاص نماینده سی عصمت‌الله ایرگشوف بو خلق ارا سمینارنی اهمیتلی بولگنینی بیلدیریش دن بولک بو خلق ارا سیمنارگه قتنشگنیم اوچون فخرلنه‌من. اوزبیکستان خلقی افغانستان خلقی‌نینگ یانیده دیر و بیز قوشنی و دوست افغانستان گه تینچلیک تامینلنیشی اوچون کمک قیله‌میز دیدی. ایرگشوف جنابلری بیز امیر علی‌شیر نوایی فرزندلری بوگون عصرلر دوام ایتگن دوستلیک رابطه لریمیزنی مستحکملشیمیز کیره‌ک دییه تیلگه آلدی. جناب ایرگشوف ایّکی مملکت رابطه لری بوندن کوپراق مستحکم بولیشی اوچون یقین کیله‌جکده هراتده اوزبیکستان قونسللیگی آچیلیشینی اظهار قیلدی.

 جمهورلیک ریاستی عالی مقامی دفتری‌نینگ عمومی رئیسی و امیر علی‌شیر نوایی تفکرلرینی اورگنیش خلق ارا سمینارینی اوتکزیش کمیسیونی‌نینگ رئیسی محمدشاکر کارگر بو سمینار اوتکزیلیشی باره‌سیده معلومات بیریش ضمنیده بیز بو اقدام بیلن تروریستلرگه افغانستانده اوروش و زوره‌وانلیکنی دوام ایتدیرسه لر هم بو مملکت‌نینگ حقیقی فرزندلری فرهنگی توب تاشلرینی مستحکم قیلیش بیلن قدریتلریدن دفاع ایتیب یاروغلیک تشلش و معنویتنی رواجلنتیریشگه دوام بیریشلرینی کورسته‌میز دیدی. کارگر جنابلری سوزلری نینگ بیر بولیمیده کوپ قیرره لی شخصیت امیر علی‌شیر نوایی توغیلیشی‌نینگ 580- ییل‌لیگینی نشانلش و اونینگ تفکرلرینی اورگنیش بهانه سی بیلن  افغانستان اسلامی جمهوریتی دولتی‌ مملکت‌نینگ تاریخی ییریک قدریتلری همده فرهنگ و معنویتینی کوچلنتیریشگه عزم و اراده لی بولگنینی بیلدیردی.

 اخبارات و مدنیت وزیرلیگی‌نینگ سرپرستی محمدطاهر زهیر بو سمینار حقیده گپیریب بو برنامه‌نینگ اهمیتی اوتمیش ده‌گی شکوه و عظمتنی قیته تیکلشده دیر دییه بیان ایتدی. زهیر جنابلری اوز صحبتلری نینگ بیر بولیمیده نوایینی «دانته» دیب اوزبیک تیلی «دانته» و «کمیدی الهی» گه ایگه بولگنیده «نوایی خمسه» سی کمیدی الهی و «امیر علی‌شیر نوایی» اوشه دانته کبی دیر دیدی. جناب زهیر امیر علی‌شیر نوایینی عارف، شاعر، یازووچی، سیاست‌مدار و زمانی نینگ تاثیرلی شخصیتلریدن بولگنینی بیان قیلدی.

 هرات ولایتی‌نینگ حاکمی سید عبدالوحید قتالی مهمانلرگه خوش کیلیب سیز دیب سمینارنی یولگه تشله‌گنلرنی آلقیشلب بونده‌ی علمی سمینارلر یولگه تشله‌نیشی بیزنی اوتمیش ده‌گی تمدنی قدریتلریمیزگه باغله‌یدی دییه تیلگه آلدی.

 بو سمینارده نطق سوزله‌گن باشقه کیشیلر هم سمینارنی یولگه تشله‌گنلرنی آلقیشلب بونده‌ی علمی و خلق ارا سمینارلر یولگه قوییلیشی قوشنی و دوست اولکه لرنینگ بیر- بیرلریگه نسبتاً فکر حوزه لری کینگه‌ییشی گه سبب بولیشینی تیلگه آلدیلر.

 سمینار دوامیده ایریم نوایی شناس و تاثیرلی ادبی و فرهنگی شخصیتلرگه امیر علی‌شیر نوایی آلقیشنامه سی ساووغه ایتیلدی.

ایتیش کیره‌ک که بو سمینار ایرته و ایندین گچه دوام ایته‌دی.


اولَش