جمهور رئیس غنی حکومتچیلیک و انسانی منبع هفته سیده ۵،۷ میلیار افغانی بهاسی بولگن بیر مینگه پروژه نی آچدی

۳۱ حمل ۱۴۰۰

افغانستان اسلامی جمهوریتی جمهور رئیسی محمد اشرف غنی بوگون توشدن آلدین "یوز کون یوز مژده" برنامه سی نینگ دوامیده حکومتچیلیک و انسانی منبع هفته سیده هرات، قندهار، بلخ و ننگرهار ولایتلریده گی بیر منیگه پروژه نینگ آچیلیش مراسمیده اشتراک قیلیب گپییردی.

انه شو مناسبت بیلن جمهورلیک ریاستی نینگ چهار چنار قصریده اویوشتیریلگن مراسمده جمهور رئیس نینگ بیرینچی اورین باسری امرالله صالح، کابینه نینگ بیر قنچه اعضالری، ملی کینگش نینگ بعضی بیر اعضالری و ویدیو کنفرانس آرقه لی یوقاریده ایتیلگن ولایتلرنینگ والیلری همده آقسقاللری حضوریده ملی ارگانلر مستقل اداره سی باشلیغی، شهر قوریش وزیری، اصلاحات اداری و خدمات ملی مستقل اداره سی باشلیغی و اترا اداره سی باشلیغی تیگیشلی اداره لری نینگ بیتتیریلگن پروژه لر باره سیده به تفصیل معلومات بیریشدیلر.

ولایت نینگ والیلری ویدیو کنفرانس آرقه لی اولنگن بیر پیت ده جمهو رئیس غنی پروژه لر آچیلیشینی بویرودی. شونینگدیک جمهور رئیس غنی جنابلری حضوریده  قابله لرنی توزیع قیلیش صلاحیتینی اوتکزیش کیلیشووی شهرسازلیک، ستره محکمه اترا اداره سی Technology Acacia Innovations اورته سیده امضالندی.

جمهور رئیس غنی کمپوتر دکمه سینی باسیش بیلن یوقاریده ایتیلگن ولایتلر ناملی ظاهر بولدی و اون بیر مینگ بستنی اوقیتووچیلر اوچون اعلان قیلدی. جمهور رئیس غنی، بوگون بیزلر مهم و ملی برنامه لر اوستیده صحبت قیله میز و مذکور پروژه لر آچیلیشی مناسبتی بیلن اوشبو ولایتلر مسووللرینی تبریکله یمن دیدی.

اونینگ کوپه یتیریشیچه، شهروندلیک میثاقی مردم اوچون دیر و آزاد بیر افغانستان اوچون بونده ی پروژه لرنینگ ضرورتی بار و بونده برچه افغانستانلیک اوزینی کوریشی کیره ک. شهروندلیک میثاقی نینگ ۵۰ فایزینی عیاللر تشکیل ایته دی دیب قوشیمچه قیلدی او.

خلق ارا حربی قوشینلر افغانستاندن آلیب چیقیلیشی بیلن خلق ارا مناسبت نینگ بیر فصل تمام بوله دی و اقتصادی، کوچلر کوچه یتیریلیشی، انسان پرورلیک یاردملر و افغانستان رواجله نیشی باشده بولگن ینگی فصل خلق ارا همکارلر بیلن باشلنه دی دیدی جمهور رئیس غنی جنابلری. باشقه تاماندن مملکت جمهور رئیسی، جینوا کنفرانسی تعهدینی عملگه آشیریشمیز کیره ک، چونکه دولت چیلیک، مارکیت سازلیک و صلح قوریش اوچون مهم دیر.

بعضی بیر محللرده سوو ییریک پروژه سی عملگه آشیریلیشی، پروژه لر تطبقی بولیشی و اولرنینگ امنیتینی تامینلش اوچون خلق نینگ رولیگه اشاره قیلیب گپیرگن غنی جنابلری، بو پروژه لر بیزلرنی سوو تاشقینلری و قورغاغچیلیک خطریدن امانده قالدیرمه ی، بلکه آسایشته، برقرارلیک، یشیل محیط و شاداب بیر افغانستانگه سبب بوله دی.

افغانستان امنیتی و دفاعی کوچلری نینگ شجاعتیدن منتدارچیلیک قیلگن جمهور رئیس، طالبلر بیر ییل  بیر میلیار بهاسی بولگن آستقورمه لایحه لرنی بوزیب تشله گنلر دیب تیلگه آلدی. اولرنینگ اوستیگه ینه بیر بار سیس چیقاره من، اگر آبادانلیک اوچون ارادنگیز بولسه، دیمک نیگه آبادلیکلرنی ویران قیله سیزلر. ارغنداب اولوسواللیگیده ایکّی ته کتّه کوپریک، یوزلب کوپریکچه و باشقه نرسه لر هم ویران ایتیلگن و بو چیرالی اولوسواللیکنی ماین گه تولدیرگنلر.

شونینگدیک، جمهور رئیس غنی جنابلری، ۱۱ مینگ بست انسانی منبع بولیمیده اعلانگه قویله دی، بو اوتمیش ده گی قیینچیلیکلرنی برطرف قییلیشی ممکن لیگینی تیلگه آلدی. اونگه کوره، مینینگ مقصدیم بو دیر که ملکی و نظامی بولیمده گی هر بیر مامور بوندن کیین انیق و بایومتیریک بولیشی حتمی دیر.


اولَش