افغانستان و استونیا جمهور رئیسلری مناسبت کینگه یشی و ایکّی مملکت اورته سیده گی همکارلیکلر باره سیده تاکیدله دیلر

۰۱ ثور ۱۴۰۰

افغانستان اسلامی جمهوریتی جمهور رئیسی محمد اشرف غنی بوگون کیچ استونیا جمهور رئیسی خانم کرستی کالیو لاید بیلن اوچره شدی. خانم لاید، مملکتی نینگ یوقاری مرتبه لی هیاتی باشچیلیگیده رسمی بیر سفر آرقه لی کابل گه کیلگن.

ارگ ده بولیب اوتگن بو اوچره شووده، جمهورلیک ریاستی نینگ معاونلری، تشقی ایشلر وزیری، ایریم وزیرلر، جمهورلیک ریاستی ایشلری بوییچه عمومی اداره باشلیغی، جمهورلیک ریاستی نینگ استراتیژیک وعلاقه لر بوییچه رئیسی و د افغانستان بانک سرپرستی قتنشگن ایدیلر.

 هر ایکّی اولکه نینگ جمهور رئیسلری افغانستان و استونیا مناسبتی کینگه یشی، افغانستاندن امریکالیک حربی قوشینلر آلیب چیقیلیشی، دنیا جماعه چیلیگی و ناتوگه اعضا مملکت بیلن افغانستان اورته سیده ینگی مناسبتلر فصلی باشلنگنی باره سیده بحثلشدیلر.

خانم کرستی کالیولاید و یولداش هیاتنی خوش کیلیب سیزلر دیگن جمهور رئیس غنی، استونیا دولتی نینگ افغانستانگه ایریم ساحه لر و او مملکت نینگ کیسکین ماموریت چوکاتیده گی فعال سهمی دن منتدارچیلیک قیلدی.

جمهور رئیس غنی جنابلریگه کوره، علاقه نینگ ینگی فصلیده بیزلر افغانستان و استونیانینگ تورلی ساحه لر قاله ویرسه بوندن آلدین باشلنگن دیجتالی بولیش توغریسیده همکارلیگینی ایسته یمیز.

سونگره، استونیا جمهور رئیسی افغانستان و استونیا مناسبتی کوچلی و مستحکم قالیشی حقیده ایشانچ بیردی.


اولَش