جمهور رئیس غنی اوروش بیرینچی چیزیغیده گی امنیتی و دفاعی کوچلر شهیدلری ورثه لری بیلن تیلفونده گپیردی

۱۱ ثور ۱۴۰۰

 افغانستان اسلامی جمهوریتی جمهور رئیسی محمد اشرف غنی، اوروش نینگ بیرینچی چیزیغیده گی قوراللی کوچلری بیلن بۉلگن تیلفونی صحبتی دوامیده، بوگون اېرته لب لوگر والیسی قۉشیمچه بیر قطار امنیتی و دفاعی کوچلر شهیدلری خانه دانی بیلن تیلفونده گپیریب قیغوداشلیک بیلدیردی.

جمهور رئیس غنی جنابلری لوگر ولایتی والیسی بیلن بۉلگن صحبت ده، تیناو عملگه آشیریلگن ترورچیلیک هجوم ده اۉقووچیلر، عیاللر، باله لر و عادی اهالی شهید و یره لنگنی گه سبب بۉلگن قانلی حادثه نی ینه بیر مرته قتّیق قاره لب قیغوداشلیک بیلدیریشدن علاوه، مذکور شهیدلر عایله سیگه تېزلیکده یېتیش اوچون ولایت مسووللریگه لازم بویروق تاپشیردی.

شونینگدېک جمهور رئیس غنی پکتیکا ولایتی گومل اولوسوالیگی آلتینچی بلوک قوماندانی بریدمن وحیدالله گه ایکّی ایناغه سی شهید محمد ابراهیم دوراندیش و شهید راز محمد دوراندیش شهادتی مناسبتی بیلن غمشریکلیک قیلیب ایتیشیچه، شهیدلرنینگ ترفیع سی بجریله دی و شهیدلر خانه دانیگه توجه اېتیش حکومت نینگ اولویتی دیر.

خبر آلیب قیغوداشلیک بیلدیرگن جمهور رئیس غنیگه تشکرلیک قیلگن امنیتی ودفاعی کوچلر شهیدلری نینگ عایله اعضالری، اهالی و مملکت نی دفاع قیلیش یۉلیده شهید بۉلگن عایله اعضالری بیلن فخرله نیشنی تیلگه آلدیلر.

کېیینچه لیک جمهور رئیس غنی جنابلری هرات ولایتی ملی خوفسیزلیک ریاستی باشلیغی بیلن قیلگن تیلفونی صحبت ده، او ولایت امنیتی مسووللری نینگ آدم اۉغیرلاووچیلرگه قرشی عملیاتینی آلقیشلب اونگه حکومت نینگ کېله جک ده گی چاره تدبیری اوچون لازم هدایت بېریب، هرات ولایتی معین خوفسزلیک راپوری ترتیب بېریلیشینی سۉره دی.


اولَش