جمهور رئیس غنی: عیاللرنینگ تینچلیک پروسیه سیده قتنه شیشی، انیق بولگن

۱۵ ثور ۱۴۰۰

جمهور رئیس محمد اشرف غنی بوگون توشدن آلدین افغان خاتین – قیزلر ترماغی اعضالری بیلن بولگن اوچره شووده، افغانستاندن خلق ارا حربی قوشینلر آلیب چیقیلگندن کیینگی ینگی فصل، تینچلیک پروسه سی و عیاللرنینگ ایستگی وحقوقی باره سیده گپلشدی.

بیرینچیدن مملکت نینگ بیرینچی عیالی صلح پروسه سیده عیاللرنینگ ایسته گی انسجامی خصوصیده معلومات بیریش، بوگون افغانستانلیک عیاللرنینگ اوزینی سیسی بار و هیچ کیم اولرنینگ حقوقی اوستیده معامله ایته آلمه یدی دیدی.

افغان عیاللر ترماغی نینگ اعضالری تینچلیک پروسه سی تصمیملریده عیاللرنینگ اشتراکی، جمهوریتنی سقلش، معلوماتی بوشلیقنی اورته دن کوتریش و ییریک ملی پروژه لر دواملی بولیشی باره سیده تاکیدله دیلر.

اولرنینگ پیشنهاد و ایستکلرینی ایشیتگن جمهور رئیس غنیگه کوره، خاتین- قیزلر حقوقی اوستیده معامله قیلیش خصوصیده افغانستان اساسی قانونی مینگه رخصت بیرمه گن دیر. صلح پروسه سیده عیاللرنی قتنه شیشی یقنی بولگن دیر دیدی او.

مملکت جمهور رئیسی غنی جنابلری، خلق ارا حربی قوشینلر چیقیشی افغانستان ملی حاکمیتینی کوچه یتیره دی دیب تیلگه آلدی.  منطقه نینگ روایتی حلی اوزگرماقده دیر دنیا جماعه چیلیگی بیلن ینگی همکالیکلر فصلی باشلنه دی و تینچلیک اوچون هر بیر وقت دن کوره حاضر یخشی فرصت یره تیلگن دیدی جمهور رئیس غنی.

کیلگوسی نیچه هفته ایچیده پاکستان بیلن مذاکره لر باشله نیشی باره سیده اشاره قیلیب گپیرگن جمهور رئیس غنی، خلق ارا حربی کوچلر افغانستانده بولیشی دن پاکستان امریکادن باج آلیش فرصتینی قولگن بیرگن لیگینی تیلگه آلدی.  پاکستان افغانستان بیلن دوستلیگی یا – ده دشمن لیگینی تنله سین دیدی.

تینچلیک باره سیده  گی سونگگی قرار افغانستان ایچیده آلینه دی دیگن غنی جنابلری، هر بیرنهایی تصمیم نی افغانستان ملتی آلیشینی اظهار قیلدی. بوندن کیین اصلی تامان افغانستان حکومتی دیر و بوندن کیین صلح باره سیده آلینه دیگن هر بیر ییغین ده مهمان اوله راق ایمس، بلکه اصلی ایگه صفتیده اشتراک قیله میز دیدی جمهور رئیس غنی.


اولَش