اداری فساد‌گه قرشی کوره ‌شیش بۉییچه‌ عدلی و قضایی مرکزینی اصلاح قیلیش بۉییچه‌ ییغین

۰۸ جوزا ۱۴۰۰

بوگون اېرته ‌لب جمهور رئیس محمد اشرف غنی باشچیلیگیده اداری فسادنینگ آغیر جنایتلریگه قرشی کوره ‌شیش بۉییچه‌ عدلی و قضایی مرکزی  تیزیمینی  اصلاح قیلیش و تکامللشتیریش بۉییچه‌ مصلحتی ییغیلیش بۉلیب اۉتدی.

ارگ ده بۉلیب اۉتگن بو ییغیلیشده ستره محکمه، عدلی و قضایی مرکز و ایچکی ایشلر وزیرلیگی نینگ آغیر جنایتگه قرشی کوره شیش بۉییچه مسووللری، مذکور مصلحتی رېجه، عدلی و قضایی مرکزنی اصلاح قیلیش و آغیر جنایتلر بۉییچه ریاست فعالیتلری حقیده جمهور رئیس غنی گه معلومات بېردیلر.

سۉنگره‌ پیشنهادلر و معمالر کۉریب چیقیلدی و تېگیشلی اۉرگانلر حکومت رهبرلیگیده اوچ هفته‌ ایچیده اۉز فعالیتی تۉغریسیده به تفصیل گزارش تقدیم اېتیشگه قرار قیلیندی.

ییغیلیش محکمه حاکمیتینی کوچه‌یتیریش مقصدیده کارروپتسيه‌گه قرشی کېنگ کۉلمده، اینیقسه‌ یوقاری درجه‌ده جدّي کوره‌ش آلیب باره‌دیگن حکومت رهبریتی نینگ نتیجه‌سی و اوستوارلیگیگه موافق اۉز تکلیفلرینی تقدیم اېتیشگه کۉرسه‌تمه بېردی.

ییغینده، عدلی و قضایی مرکزی نینگ فعالیتلریگه اولویت بیریلیشی و پولیس ساختاری و باش قره لاوچیلیک اساسی اصلاح قیلینیشی تاکیدلندی. شونینگدېک، قانونلرنی عملگه آشیریشنی جدللشتیریش و ایشلرنی رۉیخطدن اۉتکزیش و سودگه تارتیش حالتلریده دایمي تیزیمنی یره‌تیش کېره‌ک.

جمهور رئیس غنی عدلیه‌‌ تیزیمینی مستحکملش و عدلی و قضایی تیزیمی و باشقره لاوچیلیک اۉرته‌سیده عمومي قره‌ شنی یره‌ تیش اوچون اۉقوو دستورینی اصلاح قیلیش و  شرعیت و حقوق طلبه‌لری اۉرته‌سیده عمومي قره ‌شنی شکللنتیریش کېره‌کلیگی حقیده کۉرسه‌تمه بېردی.


اولَش