جمهور رئیس غنی نینگ امریکا  نماینده لر مجلسی باشلیغی بیلن اوچره شووی

۰۵ سرطان ۱۴۰۰

جمهور رئیس محمد اشرف غنی امریکا قوشمه ایالتلریگه بولگن سفریده، بوگون او مملکت نماینده لر مجلسی نینگ باشلیغی نانسی پلوسی بیلن واشنگتن شهریده اوچره شدی.

اوچره شووده ایکّی مملکت اورته سیده گی ینگی فصل مناسبتلری و امریکا قوشمه ایالتلری نینگ افغانستانگه بولگن همکارلیگی اینیقسه افغان عیاللری رولینی کوچه یتیریش باره سیده بحث قیلینیب فکر المشتیریلدی.

سونگ جمهور رئیس غنی و نانسی پلوسی قوشمه خبری بیر کنفرانسده قتنه شیب صحبتلری نینگ نتیجه سیده باره سیده معلومات بیردیلر.

بیرینچیدن خانم نانسی پلوسی جمهور رئیس غنی و یولداش هیاتنی خوش کیلیب سیزلر دیب، سونگگی ییگیرمه ییل ایچیده امریکا و افغانستان نینگ مناسبتی یقین دوستانه بولگن دیر و حاضر یو باسقیچ نینگ ینگی بیر علاقه سیگه اوتکنمیز دیب ایتدی.

سونگره جمهور رئیس غنی: بو ییرده حضوریم بولگنیدن جوده خرسندمن و جمهور رئیس بایدن نینگ قراری استراتیژیک بیر قرار دیر، اونگه حرمت قیله میز، بو قرار بیلن ایکّی مملکت اورته سیده ینگی استراتیژیک مناسبت باشلنگن بو ایسه خلق مه خلق و حکومت مه حکومت بوییچه کوپراق تمرکز قیلینه دی دیدی.

بوتون افغانستانلیک عیاللر نماینده لیگیده مملکت نینگ بیرینچی خانیمی سیزدن منتدارچیلیک قیله دی دییه گپیرگن جمهور رئیس غنی، کونده لیک ایشلریمگه مینی کوپراق قیزیقتیره دیگن یگانه نرسه افغانستانلیک قیزلر بیلن اوچره شیش دیر و اولردن افغانستان نینگ جمهور رئیسی کیم بوله دی دیب سوره گنیمده اولرنینگ ۸۰ دن ۹۰٪ قوللرینی کوتره دیلر و بو ایسه ینگی بیر افغانستان نینگ حقیقی تصویریدی.

شونینگدیک، جمهور رئیس غنی جنابلری اوزی نینگ نطقی یکونیده، امریکا قوشمه ایالتلری نینگ سونگگی ییگیرمه ییل ایچیده گی همکارلیگی اینیقسه کرونا ویروس نینگ اوچینچی موجیگه قرشی کوره شیش، قورغاقچیلیک و طالبلرنینگ وحشیلرچه حمله لری جریانیده آواره بولگن افغانلر اوچون حیاتی بولگنینی تیلگه آلدی.


اولَش