ینگی باشله‌نیش عنوانیده افغانستان اقتصاد کنفرانسی اوتکزیلیشی

۳۰ جدی ۱۴۰۰

افغانستان اسلامی امارت رئیس الوزراء رئیسی حرمتلی ملا محمد حسن آخند توناوون توشدن آلدین ارگ نینگ چهار چنار قصریده  "ینگی باشله نیش" عنوانی آستیده یولگه قوییلگن افغانستان اقتصاد کنفرانسینی اوزی نینگ صحبتلری بیلن رسماً آچیب بیردی.

افغانستان اسلامی امارت ریاست الوزراء معاونلری حرمتلی ملا عبدالغنی برادر و حرمتلی مولوی عبدالسلام حنفی، افغانستان اوچون بیرلشگن ملتلر تشکیلاتی نینگ مخصوص نماینده سی، ایلچیلر و کابل ده گی کوردیپلماتیک اعضالری، خصوصی سکتور نماینده لری و اقتصاد متخصصلری حضوریده باشلنگن اوشبو کنفرانس حقیده بیرینچیدن مالیه وزیرلیگی نینگ پالیسی معینی نذیر کبیر معلومات بیردی.

اونینگ سوزلریگه کوره، اوشبو کنفرانسده  مملکت نینگ مهم اقتصادی موضوعلری تورت بحث اساسیده ایچکی و تشقی کادرلر  و متخصصلر و خصوصی سکتور ایشلری بوییچه مسووللری آرقه لی بحث گه آلینه دی و اورگه نیلگن تجربه لر یاروغلیگیده جاری اقتصادی وضعیتدن چیقیش اوچون مناسب یوللر تقدیم قیلینه دی.

کیین افغانستان اسلامی امارت رئیس الوزراء رئیسی حرمتلی ملا محمد حسن آخند گپیریب، کنفرانس قتنشووچیلرینی خوش کیلیب سیز دییشدن علاوه، سونگگی ییگیرمه ییل ایچیده گی فساد، نا برقرارلیک، عدالت سیزلیک، اوغیرلیک، وحشت و دهشتنی ایسلب ایتیشیچه: بوتون دنیا دولتلری موجود قیینچیلیکنی حل قیلیش اوچون سعی وحرکت قیلردی، الحمدالله اسلامی امارت کته قربانلیک بیریش بیلن امنیت تامینلندی و خلق نینگ جانی، مالی و ناموسی سقلندی فساد، خیانت و اوغیرلیک ایسته اورته دن کیتدی دیدی.

حرمتلی ملا حسن آخند، دنیا جماعه چیلیگی بیزلرنی تقدیرلب بیچاره خلقیمیزنینگ یاره سیزگه مرهم بوله دی دیب اویله ردیک، اما عکس حالده بو یره گه  توز سیپدی و ملتیمیزنینگ بایلیگینی موزله تیب و یاردم لرنی توخته تیب قویدی دیدی.

اونگه کوره: خلق نینگ درد و رنجی کمه یشی اوچون کنفرانس اعضالریدن قوشمه بیر ییچیم یولنی قیدیریشلرینی ایسته یمیز. قیسقه مدتلی یاردملر اونچه لیک ثمره لی ایمس و افغانستان اقتصادی اوچون اوزاق مدتلی پروگراملر نظرده توتیلیشی ضرورلیگینی ایتدی او.

رئیس الوزراء، حاضر افغانستانده سرمایه یاتقیزیش اوچون مناسب فرصتلر یره تیلگن دیر، اما تاسف بیلن اسلامی امارتنی رسمیت گه تانیش اوچون تورلی بهانه لرنی قیلنه دی دیدی. اسلامی امارت رسمیت گه تانیلیش شرایطنی تکمیل ایتگنینینی درک قیلیشلری ضرور دیدی حرمتلی ملا حسن آخند.

شونینگدیک حرمتلی ملا محمد حسن آخند دنیانینگ بوتون مملکتلری اینیقسه اسلامی دولتلردن افغانستان اسلامی امارت رسمیتگه تانیلیشی زمینه سیده جرئتلی آدیملر کوتریشلری سوره دی.

کیینچه لیک اسلامی امارت ریاست الوزراء معاونی حرمتلی مولوی عبدالسلام حنفی گپیریب ایتیشیچه: افغانستان معاصر تاریخ نینگ مهم و اساسی وقتیده تورگن، افغانستان خلقی نینگ اقتصادی قیین چیلیگینی حل قیلیش و مملکت اقتصادینی یخشیلش و باشقریش اسلامی امارت نینگ اولویتلریدن حسابلنه دی.

اوتمیشده مملکت نینگ اقتصادی مدیرتیگه اشاره قیلگن حنفی جنابلری، سونگگی ییگیرمه ییل ایچیده  افغانستان اقتصادی خارجی کمکلرنینگ متناسب بولمه گن یاردملری اساسیده اساس قوییلگن اېدی دیدی.

مولوی حنفی، آلدینگی عامه مصرف نینگ ۷۵ فایزی خارجی منبع لر و پیش بینلیک بولمه گن اساسی منبعلردن تمویل قیلینیردی و خارجی رواجله نیش کمکلرنینگ اوزیگه خاص شرایطی بار ایدی و بو شرایط ایسه کوپینچه سیاسی ایدی کوپینچه قرملیک ایجاد قیلدی و عمومن آلگنده کمکلرنینگ تیزیمی ثمره لی ایمس ایدی، بو کمکلر اقتصادی خرجتلرنی کوپه یتیریب و فساد زمینه سینی وجودگه کیلتیردی.

یاردملرنینگ بیر مقداری تیگیشلی بولگن آدملرنینگ قراردادی اساسیده قیته دن افغانستاندن آلیب کیتیلگنیگه اشاره قیلگن مولوی حنفی: آلدینگی اداره و دونرلر فسادنی تحمل قیلردیلر دیب ایتدی.

 کمکلر همده اقتصادی فعالیتلردن کوپینچه حاکم بولگن کیچیک سیاسی گروه لر فایده له نردی، حال بوکه ملیاردلب دالر ملکت گه کیلیشی بیلن هنوز هم اولکه نینگ بیچاره خلقی همان قشاقلیکده یشه یدیلر.

افغانستان اقتصادی باقیشینی تقدیم قیله من دییه اشاره قیلگن ریاست الوزراء نینگ معاونی، اوشبو قره ش اساسیده بیزلر دنیا همجمعیت دولتلری نینگ انسان پرورلیک یاردملرینی خوش قرشیله یمیز و انسان پرورلیک یاردملرنی ییتکزیش بیزلرنینگ بوتونله ی حمایتیمیزگه ایگه لیگیدن ایشانچ بیره میز. هر قنده ی یاردملر عدالتلی، تبعیض سیز، ثمره لی و شفاف ترقه تیلشینی ایسته ی میز دیدی حرمتلی مولوی حنفی جنابلری.

افغانستان رواجله نیش یاردملرگه احتیاجی بارلیگینی تیلگه آلیب گپیرگن مولوی حنفی جنابلری: دونرلرنینگ سیاسی شرایطی و  غیر واقعی شرایطلری قبول قیلینمه یدی دیدی. بیزلر هیچ بیر زمان بحرانگه سبب بوله دیگن اقتصادی باغلیقلیکنی ایستمه میز. شونینگدیک هیچ بیر زمان مملکت اقتصادی مستقللیگینی دونرنینگ سیاسی شرایطی گروی نینگ قربانی قیلمه یمیز و دایم قره م بولگن یاردملرگه باغلیق بیر اقتصادنی ایستمه یمیز دیدی.

مولوی حنفی جنابلری اوزی نینگ صحبتلری یکونیده: بیزلرنینگ اساسی مقصدیمیز افغانستان اقتصادی لحاظدن اوزی - اوزی نینگ ایاغیگه توریش دیر و بونگه ایریشیش اوچون اسلامی امارت ایشلب چیقارووچی، رقابتی و فسادی بولمه گن خصوصی بیر سکتورنی ایجاد قیلیشگه اولگوره دی.

سونگره افغانستان اوچون بیرلشگن ملتلر تشکیلاتی نینگ مخصوص نماینده سی خانم دیبورالاینس، بیرینچیدن بو مهم کنفرانسنی اوتکزیش اوچون سیزلرگه تشکرلیک بیلدیره من. اقتصادی بحران افغانستان روپه ره بولیب تورگن یگانه معما ایمس، بلکه بو توغریده برچه میزنینگ جدی و  تیز سعی و حرکتیمیز نی طلب قیله دی دیدی.

اونگه کوره، اسلامی امارت تامانیدن مهم آدیملر کوتریلگن دیر و بیرینچی مرته  ملی بودجه ملی درآمد آرقه لی تمویل بوله یپتی بو بودیجه هیچ بیر دونرگه تیگیشلی بولمه یدی.

افغانستان نینگ اقتصادی معمالریگه اشاره قیلگن خانم لاینس نینگ ایتیشیچه، بیزلر بیرلشگن ملتلر تشکیلاتیده  ییریک یاردم بیرووچی دولتلر بیلن بیرگه لیک ده تلاش قیله میز، تحریملر همده توخته تیلگن یاردملردن کیلیب چیققن معمانی برطرف ایتسک.

کیینچه لیک تشقی ایشلر وزیرلیگی نینگ ثبت قیلینگن بیانه سی نشر قیلیندی. او مذکور صحبتده، بیزلرنینگ ینگی تشقی سیاستیمیزده اقتصادنینگ مخصوص اورنی بار، طرف سیز و تشقی سیاست، موازنتلی همده اقتصادگه یونلتیریلگن سیاستگه ایشانه میز.

اونگه کوره، اقتصادگه یونلتیریلگن سیاسی اقتصاد سیاسی مناسبتلرده منازعه لر اورته دن کوتریب و حکومتلرنی مشترک منفعت اساسیده یقینلشتیره دی.

حرمتلی مولوی متقی، اقتصادگه یونلتیریلگن تشقی سیاست دن مقصدیمیز بو دیر که، دنیا دولتلری بیلن اقتصادی مشترک منفعت اساسیده مناسبتیمیز بولیشی کیره ک و بو بیلن افغانستاننی منطقوی اقتصاد مرکزیگه ایلنتیره یلیک.

سونگره مالیه وزیرلیگی سرپرستی حرمتلی ملا هدایت الله بدری اوزی نینگ صحبتلریده ایتیشیچه، مالیه وزیرلیگی ایچکی درآمدنی ییغیش همده اصلاحات ایجاد قیلیشگه تلاش قیلیش بیلن مملکتنی مالی و اقتصادی مستقللیککه ییتکزه دی.

اونگه کوره، بیزلر حاضر تاثیرلی مالی سیستم ایجاد قیلیماقده میز و مالیه همده تعرفه لر اوچون شفاف و عدالتلی بیر رژیم ایجاد قیله میز و شونینگدیک اهالی اوستیده بولگن مالیه نی کم سقلشده اولگوره میز.

سونگره کنفرانس اشتراکچیلری تورت محور جمله دن انسان پرورلیک یاردملر، خصوصی سکتور، ترانیزیت، منطقه ای و اقتصادی همکارلیکلر، بانکچیلیک سکتوری، ایکینچیلیک و کانلر بوییچه سکتور اوستیده هر تامانلمه بحث آلیب باریب،  اقتصادی معمالردن چیقیش، افغانستاننی رواجلنتیریش تامان یونلتیریش، ترقیات و اوزنی حمایت ایتیش کبی مساله لر توغریسیده اوزلری نینگ قره ش و فکر و ملاحظه لرینی شریک قیلدیلر.

اوشبو کنفرانس نینگ یکونی قسمیده، افغانستان اسلامی امارت ریاست الوزراء معاونی ملا عبدالغنی برادر اشتراک قیلیب، اوزی نینگ بیاناتیده افغانستان اقتصادی کنفرانس قتنشووچیلریگه منتدارچیلیک قیلیب ایتیشیچه: بیرلشگن ملتلر تشکیلاتی و باشقه خلق ارا تشکیلاتلردن انسان پرورلیک یاردملریگه دوام بیرگنی، قیشلاقلرنی رواجلنتیریش، و اهالی حیاتی یخشیله نیشی تاکیدله گنلریدن منتدارچیلیک قیلدی.

خلق ارا هم جمعیت افغانستان اقتصادی قیینچیلیگینی درک قیلیشگه اشاره قیلگن ملا برادر، دنیا جماعه چیلیگی افغانستان برابریده اوزی نینگ مسوولیتینی بجریش کیره ک. خصوصی سکتور اقتصادنینگ اولکن بیر ستونی دیر و بو سکتورنی ایاققه تورغیزیش بیلن افغانستان نینگ قیینچیلیگی امکان قدر برطرف ایتیلیشی ممکن دیدی او.

 ریاست الوزراء معاونی ایکینچیلیک رواجله نیشی، کانلر، ترانزیت و اقتصادی همکارلیکلرگه تاکیدلب، اسلامی امارت سرمایه یاتقیزووچیلر اینیقسه کیچیک و اورته سرمایه یاتقیزووچیلرگه شرایط یره تیش گه متعهد دیدی.

حرمتلی ملا برادرنینگ سوزلریگه کوره، اسلامی امارت تاپی، تاپ، کاسا بیر مینگ و تیمیر یول کبی پروژه لرنینگ عملگه آشیریلیشی اوچون متعهد دیر و بو توغریده هر قنده ی همکارلیک قیلیشگه تیار دیر.

بانچیلیک سکتوری اهمیتیگه اشاره قیلگن ملا برادر، بانکی قیین چیلیکلر برطرف ایتیلیشی اوچون دنیا جماعه چیلیگی بانکلرگه نقدی پول یره تیشینی ایسته یمیز دیدی.

ریاست الوزراء معاونی اوزی نینگ صحبتلری کنفرانس اداغیده اشتراکچیلری همده خصوصی سکتور بیر سیس بولیب افغانستان سرمایه سی آزاد بولیشی اوچون سیس چیقارگنلرینی خوش قرشیلیب ایتیشیچه، افغانستان سرمایه لری آزاد بولیشی کوپراق، خصوصی ستکور، بانکچیلیک سکتوری همده افغانستان خلقی فایده سیگه دیر.#


اولَش