افغانستان خلقی بوندن اوتتیز ییل دن کوپراق زمان آلدین اوزلری نینگ قهرمانلیک و فداکارلیکلری و الله نینگ حکمی  بولگن مقدس جهاد فریضه سینی ادا قیلیش بیلن دورنینگ اینگ کتته باسقینچی قشونیگه قرشی توریب اسلامی یورتلریدن دفاع ایتدیلر. افغانستان خلقی نینگ حقلی جهادی یوزمینگلرچه شهید و معلول بیریش بیلن باسقینچی کوچلرنی شرمنده قیلیب اوز یورتلریدن چیقردیلر. ایندی بیز اوتمیش ده‌گی دیک بو ییریک حماسه نینگ عظمتلی ییللیگینی نشانلشیمیز لازم دیر.

بو کوننی شکوهلی نشانلش اوچون جمهورلیک ریاستی عالی مقامی نینگ نظامی بویوک مصلحتچیسی ستر جنرال تاج محمد جاهد ریاستی آستیده قوییده‌گی نهادلردن تشکیل ایتیلگن بیر کمیسیون نی منظور قیله‌من.

مذکور کمیسیون قوییده‌گی ایشلرنی قیلیشگه موظف دیر:

لویه جرگه تالاریده بیر شکوهلی مراسمنی یولگه قویه‌دی.

جهاد افتخاری و ییگیرمه آلتینچی دلو ارزشلرینی مملکت رسانه لری آرقه‌لی و یوللرده پیاملرنی یاپیشتیریش بیلن انعکاس ایتدیره‌دی.

مجاهدلرنی دعوت ایتیش ضمنیده شهید و معلوللر فرزندلریگه مراسم بولیب اوتیشی اوچون سهم بیره‌دی.

محلی ارگانلر مستقل اداره سی و مملکت ولایتلری نینگ حاکملری گه بوگوننی مجاهدلر، شهید و معلوللر فرزندلری بیلن نشانلشلری بویروغی بیریله‌دی.

کمیسیون عضولری:

ملی خوفسیزلیک مصلحتچیسی نینگ سیاسی و مردمی اورین باسری

ملی مدافعه وزیرلیگی نینگ اورین باسری

ایچکی ایشلر وزیرلیگی نینگ معینی

ملی امنیت عمومی ریاستی نینگ معاونی

اخبارات و مدنیت وزیرلیگی نینگ معینی

دولت نینگ شهید و معلوللر ایشلری بوییچه وزیرلیگی نینگ اورین باسری

امور اداره سی عمومی ریاستی نینگ معاونی

جمهورلیک ریاستی ملی انکشاف عملیاتی و حمایوی اداره سی نینگ اورین باسری

کابل بلدیه سی اورین باسری

جمهورلیک ریاستی نینگ مردمی ایشلر بوییچه بویوک مصلحتچیسی

جمهورلیک ریاستی نینگ مدنی ایشلر بوییچه بویوک مصلحتچیسی

مذکور کمیسیون ایشلرنی بجرگندن سونگ اوز گزارشینی جمهورلیک ریاستی گه بیریشگه مکلف دیر.