جمهور رئیس نینگ، مصلحتی لویه جرگه ییغینیده قیلگن صحبتی نینگ تولیق متنی
بسم‌الله الرحمن الرحیم
مصلحتی لویه جرگه نینگ اولکه سیور و قدرلی اعضالری، بیرینچیدن هر بیرینگیزگه اسلام دینی نینگ مبارک تحفه‌سینی تقدیم ایته‌من.
السلام علیکم و رحمت‌الله وبرکاته!
بویوک استاد، جهادنینگ اتاقلی رهبری، خلقنی بیرلشتیریش خذمتچیسی جناب پروفیسور عبدالرب رسول سیاف، لویه جرگه‌نینگ تنلنگن حرمتلی اورین باسرلری جناب حدید، جناب نورزی، جناب سرابی، جناب انجنیرصافی، جناب آخندزاده، مصلحتی لویه جرگه نینگ تنلنگن حرمتلی کاتبلری جناب عرفان، جناب حیدری، جناب طیب، جناب کریمی، جناب اکبری و جناب رحیمی.
رحمت سیزلرگه.
بوگون افغانستان خلقی مین بیلن بیر فکرده ایکنلیککه ایشانچیم کامل، مصلحتی لویه جرگه‌نی موفقیت بیلن مدیریت قیلگن‌لیکلرینگیز اوچون اوز منتدارلیگیمنی بیلدیریشگه اجازه بیرگه‌ی سیز. مصلحتی لویه جرگه‌نینگ اورین باسرلری و اداری هیئتی، هر بیرینگیزنینگ کورستگن خذمتینگیز اوچون سیزلرگه کتّه رحمت. جناب داووزی باشچیلیک قیلگن لویه جرگه اوتکزیش کمیسیون، ملی کوچلر مرکزی قوماندانی رهبرلیک قیلگن امنیتی کمیسیون، ایچکی ایشلر وزیرلیگی نینگ امنیتی معینی، مملکت نینگ برچه باتور و قهرمان امنیتی کوچلری، مصلحتی لویه جرگه اوتکزیش دارالانشا رهبریتی و اورین باسرلری همده ایش کمیته سی اعضالری، جمهور رئیسلیک سرایی نینگ عملیاتی ایشلری بوییچه اداره خادملری، جناب امین و همکارلری، جمهور رئیسلیک سرایی ایشلری بوییچه اداره، ریاست دفتر، مالیه وزیرلیگی و برچه تیگیشلی وزیرلیکلر، استادلر، محصللر قوشیمچه پولی‌تخنیک بیلیم یورتی نینگ رهبریتی، جرگه اوتکزیلشیگه همکارلیک قیلگن وزیرلیکلر و دولت اداره‌لری نینگ خادملری، اوشبو تاریخی جرگه‌نی منتظم خبری قاپله‌گن برچه ییتکرمه‌لرنینگ خبرچیلری، بوتون کابل نینگ یشاووچیلری اینیقسه لویه جرگه اوتکزیش محلده جایلشگن اهالیگه قدردانلیک و تشکرلریمنی بیلدیره‌من.
بو تاریخی طنطنه‌لی لویه جرگه‌نی اوتکزیشگه همکارلیک قیلگن اینیقسه افغانستان مدافعه‌وی و امنیتی کوچلریگه چین یوره‌کدن اوز صمیمی تشکرلریمنی ایته‌من. بولر فخرگه سزاوار، مملکت نینگ بو صادق فرزندلرگه درودلر بولسین!
پایتخت کابللیکلردن سونگگی نیچه کون ایچیده جاده‌لر توسیلگنی همده بعضی بیر چیکلاولر یره‌تیلگنی اوچون ایش – کوچدن قالیب و تجارتلریگه خلل ییتگنی اوچون عذر سوره‌یمن. شو کبی مهمانلرگه میزبانلیک قیلیب، درس وصنفلرنی ترک قیلیشگه مجبور بولگن پولی‌تخنیک بیلیم یورتی نینگ محصللریگه هم موفقیتلر ایسته‌یمن.
غزنی ولایتی آب بند ولسواللیگی نینگ مصلحتی لویه جرگه اعضاسی حسین احمدفیضی نینگ مردمی کوچلر صفیده توریب پنج شنبه کونی شهید بولگن ایناغه‌سی شهید فضل احمد فیضی، لغمان ولایتی نینگ مصلحتی لویه جرگه اعضاسی تنلنگندن سونگ شهید ایتیلگن شیرزاد صافی و شفاخانه‌گه آلیب کیلگونچه یولده حیاتدن کوز یومگن غلام رضا‌خان نینگ ینگی دنیاگه کیلگن قیزی مریم عایله‌سیگه اوز قیغوداشلیگیمنی بیلدیره‌من.
مصلحتی لویه جرگه‌نینگ حرمتلی اعضالری!
مین سیزلرگه آق بیر چیک بیرگن من. چونکه افغانستان خلقی نینگ جمعی اراده‌سیگه چوقور حرمتیم بار. پیغمبر (ص) امتی نینگ مصلحتده خطا قیلمسیلیگیگه ایشانیشی توغری ایکن. بوگون سیزلر افغانستان ملتیگه بویوک بیر خزینه بیردینگیزلر. قطع‌نامه‌لرینگیزنی ایشیتدیم و اوقیدیم. حلیگچه آتی مصلحتی لویه جرگه قطع‌نامه‌سی ایدی. بوندن کیین اوشبو قطع‌نامه افغانستان اسلامی جمهورلیک دولتی‌نینگ تینچلیک و سیاست یول خریطه‌سی خذمتینی اوته‌یدی.
جناب استاد! ایندی توکل الله نینگ اوزیگه.
اوشبو قطع‌نامه عملی و کوزه‌تیلیشی کیره‌ک بولیشی اوچون برچه اداری تدبیر آلینگن، انشاالله و تعالی شفاف و تیزده بو حقده تدبیر آلینیشی نینگ گواهی بوله‌سیزلر. بو قطع‌نامه کوزه‌تیلیب عملی بولیشی حرمتلی لویه جرگه اشتراکچیلری نینگ اساسی ایسته‌گی و ایندی ایسه بو قطع‌نامه دولت سیاست تینچلیک دستوری نینگ کتّه بیر قسمی حسابنله‌دی. تینچلیک بوییچه ایش آلیب باره‌جک اداره‌لر سیزلر بیلن ایکّی قسم علاقه‌ده بولیب توره‌دیلر.
بیرینچی، تینچلیک مساله‌سی بوییچه فعالیت قیله دیگن اداره‌لر تیلفون آرقه‌لی پیام یوباریب هر بیرینگیز بیلن دایمی علاقه‌ده بولیب توره‌دیلر. بو توغریده‌گی مساله‌لرنی سیزلر بیلن بهم کوریشه‌دیلر. دیمک، جرگه بوندن کیین دیجیتال سیستم آرقه‌لی دوام ایته‌دی.
ایکینچی، آلدین گپلریمده اشاره قیلگن دیک قرشیمیزده‌گی اداری تدبیر بیلن تینچلیک اوچون اورته‌گه کیلگن مذکور مردمی و ایلدیزلی ترماقنی دایمی مستحکملب توریشگه سعی و حرکت ایته میز. سیزلر ملت نینگ اینگ سچه نمایندهلری سیزلر بو مبالغه ایمس.
جناب استاد! مین بو مملکتگه تیگیشلی ایکنلیگیمدن ممنون، شونینگ اوچون الله گه شکر قیله من. مین خلقدن نماینده‌لیک قیله‌من. سیزلر عزت و اعتبارلی نماینده‌لیک قیلگنینگیز کبی دولتینگیز هم بو توپراق نینگ حرمت و عزتینی دایم سقله‌یدی.
قدرلی مصلحتی لویه جرگه اعضالری!
سیزلر اولکه نینگ ییریک سیاسی و اجتماعی نمایندهلری سنه‌له‌سیزلر. مین و سیزلرنینگ ایشیمیز تمام بولمه‌یدی. تینچلیک مساله‌لرگه عاید موضوعلر باره‌سیده سیزلر بیلن تیز – تیز علاقه قوریب توره‌میز. برچه‌لرینگیز بیر – بیراولرینگیز بیلن علاقه‌ده بولیب توریشینگیزنی التماس قیله‌من. تینچلیک مساله‌سی توغریسیده‌گی پیامنی ییتکزیب بو توغریده دییرلی فعالیت قیلیش هر بیرینگیزنینگ بوینینگیزگه توشگن آغیر مسوولیت. بو خصوصده سیزلر بیلن دایمی علاقه قوریب توریش اوچون ولایتلرنینگ والیلرینی اساسی مسوولیتی بار دیب بیله‌من.
بیزلرده بیر متل بار: چی که ته وایی چی زه یم، او زه وایم چی زه ییم، نه به ته یی نه به زه یم، که زه وایم چی ته یی، او زه وایم چی ته یی، هم به ته یی هم به زه یم. بوگونکی مصلحتی لویه جرگه بوتون افغانستانلیکلر بیر فکرده بولیب، تینچلیککه ایریشیش اوچون کوچلی اراده‌گه ایگه‌لیکلرینی اثبات قیلدی.
خاتین – قیزلرنی مملکت نینگ اینگ اوزاق حدودلریدن کیلیشی فقط مملکت تقدیری اوچون فعال حصه قوشیشلرینی افاده ایته‌دی. بو خاتین قیزلر افغانستان نینگ تقدیریگه بی‌تفاوت قالمسلیک اوچون پایتخت کابل‌گه کیلگنلر. شونینگ اوچون بولرنی قتنشگن‌لیگیدن اوز منتدارلیگیمنی بیلدیره‌من. تینگری تعالی دن بولرنی دایم شونده‌ی مهم ییغینلرده قتنه‌شیب توریشلرینی التماس قیله‌من.
بو اولکن لویه جرگه‌دن خاتین – قیزلر ییریک روایتلرنی اورگندیلر، بو روایت و تجربه لر اولوسواللیک، شهر و قیشلاقلرده حیات کیچیره‌دیگنلرگه حکایه بولیشیگه امین من. حرمتلی خاتین – قیزلرنی تینچلیک لایحه‌سیگه اساسی رول اوینه آلیشیگه ایشانچیم کامل. دیمک، بونده‌ی مهم و تاریخی بیر ییغینده فعال قتنه‌شیش جمهور رئیس اوله‌راق بو قتلم حضوری کوپ بولیشی اوچون آلیب بارگن سعی و حرکتلریمیز نتیجه بیرگن دیسم مبالغه بولمه‌یدی. بولرنینگ مصلحت و مشوره‌لری اوچون ینه بییر بار منتدارمن. سیز خاتین قیزلر، یاش – ییگیتلر، آقسقاللر، قوم بویوکلری و نفوذلی شخصیتلر ۳۱ میلیون انساندن نماینده‌لیک ایته سیزلر. بو ییریک تاریخی لویه جرگه ده اشتراک قیلیب، مملکت آبادانلیگی و آسایشته‌لیگی اوچون عملده آدیم کوتریشینگیزدن درک بیره‌دی، ینه هم تشکرلریم سیزگه.
د ولس محوره نظام استحکام
د کابل د وقار ساتلو استحکام
مستحکم، برقرارلیگی تامین بولگن افغانستان برچه افغانلرنینگ ایسته‌گی، بو اوی برچه‌نینگ، اوی بیر اوی، بیزنینگ اوییمیز، بیزنینگ افغانستانیمیز!
قدرلی وطنداشلر!
بو اولکن لویه جرگه ده ملت خوشلیک و قیغوسینی بیر – بیراویگه ایته‌دی. بو اینگ بیر گوزه‌ل عنعنه و نتیجه‌ده برچه بیر سیس بولیب دایمی تینچلیک و یره‌ش ایسته‌دیلر.
حقیقتن بو اولکه نینگ ۳۱ میلیون انسانی فقط سیز ۳۲۰۰ کیشینی تاغیدن سیسی ینگره‌یدی، بوتون ملت نینگ آرزوسی بولمیش قید سیز تینچلیک و آسیایشته لیک دیر. طالب نینگ اسلام و افغانلیگیگه قسم بیریب، زوروانلیکدن قول کوتریب مملکت قوریلیشیگه حصه قویشیشگه اونده‌دیلر.
آلدینلر هم ایتگن من، ینه بیر بار افغانستاننی قیته قوریش اوچون طالبگه شراط یره‌ته‌میز دییه تاکید ایته‌من. حاضر باله‌لریمیزنی اوقیگن ترانه‌لریده عین ایستک ایلگری سوریلگن. بو صمیمی بیر تکلیف و بو تکلیف عملی بولیش اوچون وعده‌مگه صادق من. بعضاً بو اولکه نینگ نیمه‌سی یوقلیگی اوچون هم فکر قیلگن سیزمی. تاغیمیز بار، دشت و صحرا میز بار. اورمانیمیز بار. دریامیز بار. ییریمیز بار، ایلیمیز بار، اینگ یخشی موقعیتیمیز بار، یخشی آب و هوامیز بار. فخرگه سزاوار بویوک تاریخیمیز بار. ملی مستحکم هویتیمیز بار، تاغلر و صحرالری میزنینگ یوره‌گی کانگه تولیب تاشیب یاتگن بایلیگیمیز بار، بولرنینگ برچه‌سینی الله تعالی بیزلرگه هدیه قیلگن.
خدا خواهلسه انشاالله تینچلیک و آسایشته‌لیککه ایریشه‌میز. برقرارلیگیمیزنینگ اینگ بیرینچی یوتوغی ایسه خارج مملکتلرگه بولگن احتیاجیمیزگه یکون یسش دیر. تینچلیک نینگ بیرینچی هدیه‌سی ملتیمیزنی فقط تیلنچیلیکدن قولینی اوزیش دیر انشاالله. بو قوشمه افتخارگه شریک بولیب مملکتنی قوریش اوچون طالبلرنی بیز بیلن کیلیشیشگه چقیره‌من.
ای خاک، ای خانه هر افغان
ای زما وطنه د لعلونو خزانې زما
ستا عزت چې نه وی، زه به نوم او عزت څه کړمه
ته چې خوار و زار یې زه به خوب او راحت څه کړمه
ځار شمه، قربان شم ستا د غرونو د سیندونو نه
ستا هره دره کې دی د تورو نښانې زما
یا به دې زه سیال کړمه وطنه د جهان
یا به ستا په پښو کې تورې خاورې کړمه ځان
مین طالبلرگه بلند آواز بیلن ایته من اوروش قیلدیک، بعضاً پیروز بولدیلر بعضاً پیروز بولدیک. بعضاً شکست ایدیک و بعضاً ایسه شکست بیردیک. نهایتده بو مملکت نینگ اینگ قشاق و غریب مردمی هم اوروشدن عذاب کورگن، بولر فقط تینچلیک ایسته دی.
تینچلیک سیزلرنی آیاق آستی ایتیش معناسیده ایمس، تینچلیک افغانستان اسلامی جمهورلیک تیزیمینی آیاق آستی بولیشی هم ایمس. تینچلیک نینگ اصلی معناسی فقط قوشمه روشده سرمایه یاتقیزیب، افغانستان تیزیمی چتری آستیده آسایشته‌لیک و برقرارلیکده حیات کیچیریش دیر.
کیلینگ! رمضان مبارک آیی نینگ بویوک فضیلتی بیلن بیر ایش قیلگن بوله‌ی لیک. بو ایش بیلن هم بیزلر خوش بویله‌یلیک هم ملتیمیز. کیلینگ! شو مبارک آیده خلقی میزنینگ اوییدن قیغو و غمنی کوتره‌یلیک. بو مبارک آی مناسبتی بیلن سیزلرنینگ تکلیفینگیزگه ایجابی جواب بیریشگه تیار من.
رمضان مبارک آیی و اوتکزیلگن تاریخی لویه جرگه مناسبتی بیلن افغانستان اسلامی جمهور رئیسی صفتیده طالبلرنینگ مملکت تورمه‌لریده‌گی محبوسلریدن ۱۷۵ته سینی قماقدن آزاد بولیشنی اعلان قیله‌من. اوشبو محبوسلر تورمه‌دن آزاد قیلینیشی مناسبتی بیلن طالبلر افغانستان نینگ هر بیر ولایتیده افغانلر عزتیگه خاص ییغین آلیشی اوچون تیار میز. بو اسلامی و انسانی قدریتگه بیزلر حرمت ایته میز. بیزلر رمضان مبارک آیی مناسبتی بیلن هر قنده‌ی انسانی ایش اوچون تیار میز، کوره‌یلیک چی طالبلرنینگ جوابی بو خصوصده نیمه بوله‌دی؟ ینه هم تکرار ایته من، بو مبارک آی فضیلتی اوچون هر قنده‌ی انسانی و اسلامی قرارگه تیار میز، کوره‌یلیک چی طالبلرنینگ جوابی نیمه؟
بیزلر تینچلیک اوچون کوچلی سیس بیلن حرکت قیلیشنی افغان خلقی گه پیام بیره میز.
حکومت، ملی ارزشی و افغانی قدریتلرنی نظرده توتیب تینچلیک لایحه‌سی اوچون آواز چیقره‌دی. بیزنینگ تینچلیک اوچون سیس چیقریشیمیز اسلام بویوک پیامبری حضرت محمد (ص) سیرتیگه اساسلنگن. حدیبیه تینچلیک خبری ایسینگیزده بولسه کیره‌ک. تینچلیک سوره‌ش عاجزلیک بیلگیسی ایمس، تینچلیک سوره‌ش قوت، همتدن درک بیره‌دی. بو توغریده آلدین جناب استاد سیاف به تفصیل گپیردیلر. بیزلر آق چیک بیردیک، مولوی صاحب هبت الله! خلق‌قه آق چیک بیریش اوچون تیار می؟
افغانستان خلقی نینگ قدرلی نمایندهلری!
دین عالملری، ولسی جرگه نینگ حرمتلی اعضالری، سنا مجلسی نینگ قدرلی اعضالری، ولایت کینگشی نینگ حرمتلی اعضالری بو جرگه اوتکزیلیشی اوچون برچه‌دن کوره کوپراق سیزلر محنت قیلدینگیز. هر بیرینگیزگه ولایت کینگشی نینگ باشلیغلریگه ینه بیر بار منتدارلیک اظهار قیله‌من. افغانستان بویلب یاش رهبرلر ییغیلگن، افغانستان‌نینگ قابلیتلی و توشونچه‌لی عیاللری، عزت و حرمت اویی نینگ قدرلی مهمانلری بوندن کیین، بو جرگه‌نی ایندی لویه جرگه خیمه‌سی ایمس، لویه جرگه اویی دییشیمیزگه توغری کیله‌دی.
تینچلیک لایحه‌سی، آرتگه قیتیش و اورته‌دن کیتیش معناسیده ایمسلیگی اوچون ایشانچینگیز کامل بولسین. مملکت نینگ امنیتی و مدافعه وضعیتیدن خبردار من. لیکن، آلغه سیلجیشلردن گزارش بیریش اوچون حلی فرصت آز. امنیتی و مدافعه‌وی کوچلریمیز خداگه شکر تاغدیک آرقه میزده تورگن، هیچ نرسه‌نی قولدن بیرمه‌گنلر، بلکه کته – کته یوتوقلرگه ایگه بولگنلر. تینچلیک لایحه‌سی افغانستان‌ده دنیانینگ حضوریگه پایان بیریش معناسیده ایمس اصلا؛ لیکن، حربی حضوردن ترقیات و رواجله‌نیش باسقیچیگه اوتیش معناسیده.
تینچلیککه ایریشگندن سونگ افغانستاننی قنده‌ی قیلیب، برق و انرژی ییتکزیش بولیمیده جنوبی آسیا نینگ دهلیزیگه ایلنتیریش توغریسیده اویلش کیره‌ک. قنده‌ی قیلیب مرکزی آسیانی یوز ییلدن کیین جنوبی آسیاگه باغلشنی اویلش کیره‌ک. قنده‌ی قیلیب کانلریمیزنی چیقاریب بیرینچی مرته منطقه و دنیانینگ بازارلریگه ییتکزیشنی اویلش کیره‌ک. تینچلیک لایحه‌سی، ماشه ده قول توتیب توریش معناسیده ایمس هیچ گاه. تینچلیک نینگ اصلی معناسی مملکتده ایش سیزلیککه پایان بیریش و یاشلرنی ایش بیلن تامینلش دیر. حکومت نینگ پیامینی قوشنی مملکتلر اینیقسه کوپ جمعیتگه ایگه پاکستان، بیز برقرارلیک و آسایشته‌لیککه ایریشگن حالده، سیزلرنینگ اقتصادینگیزگه شرایط یره‌تیله‌دی بونگه امین من. بیزلر دنیا نینگ برچه دولتلری بیلن اینگ صمیمی اورتاق میز. بونده‌ی مبارک صمیمیت بیلن پاکستان نی هم قیته تیکله‌نیشینی ایتسه‌ی میز. ایکّی تامان نینگ منفعتی، ایکّی تاماننی بیر- بیراویگه حرمت قیلیشگه استوار دیر. مین اوشبو منبردن توریب پاکستان حکومتیدن برچه شک و تردیدلرنی خطاگه چیقریب، تهدید محور مناسبتلرنی صلح محور علاقه‌گه ایلنتیریب، حقیقی بیر همکار بولیب مملکتیمیزگه خذمت قیله‌یلیک دییمن. دنیادن فقط غرب دولتلری اوز قیینچیلیگینی اوزی ییچه‌آله‌دیگن اولکه‌لر ایمسلیگینی اثباتلشیمیز درکار. بو ییرده هم انسانی مدنیتلر بار. بیزنینگ بویوک اسلامی مدنیتیمیز هیچ بیر مدنیتدن کم ایمس البته. بیزلر مملکتده گی موجود غم و قیغو گلیمینی قنده‌ی هم بولمه‌سین ییغیشیمیز کیره‌ک. بو یولده بیزلرگه همکارلیک قیله‌دیگن قوشنی دولتلریمیز رولینی تاریخ صحیفه‌لریگه یازیب قالدیریشمیزگه توغری کیله‌دی انشاالله.
بو رویخط نینگ باشیده پاکستان نینگ آلتی کیلیشیگه امیدیم بار. افغانستان‌ده تینچلیک و برقرارلیک اورنه‌تیلیشی اوچون امریکا قوشمه ایالتلری نینگ آلیب بارگن سعی حرکتلریدن اوز منتدارلیگیمنی بیلدیره من. بیزنینگ امریکا بیلن بولگن علاقه میز دایمی بنیادی بیر علاقه سنه‌له‌دی. جمهور رئیس ترامپ نینگ جنوبی آسیا اوچون نظرده توتگن لایحه‌سی توغریسیده افغانستان حکومتی اساسی رولنی اوینه‌گن.
افغانستان نینگ اوزاق ییللیک دوست و اورتاغی هند دولتی هر دایم رسمی کابل نینگ یانیده بولیب، افغانستان دولتینی قوللب- قووتلب کیلگن، بو مملکتگه هم منتدارلیک بیلدیریشنی اورینلی دیب بیله‌من. هند، افغانستان حکومتیگه چوقور حرمت ایته‌دی. افغانستان مردمینی اساسی و حیاتی بولیمده دایم حمایت قیلیب کیلگن، چاپان حکومتیگه هم اوز تشکرلریمنی بیلدیره‌من. چاپان ایلچیسیگه بیزنی تورلی ساحه‌لرده حمایت قیلگنلیکلری اوچون ینه بیر بار رحمت. اوچ مهم کنفرانسگه میزبانلیک قیلگن جرمنی حکومتیگه هم منتدارلیک بیلدیره‌من. حکومتیمیزنی حربی، اقتصادی، سیاسی و باشقه بولیملریده اوزلوک سیز روشده قوللب- قووتلب کیلگن. شونینگدیک اروپا بیرلشمه‌سی هم ییریک کنفرانسلر جمله‌دن بروکسل ییغینی اوچون میزبانلیک قیلگن ایدی.
اروپا بیرلشمه‌سی حلیگچه افغانستان ترقیات لایحه‌لری اوچون کمیده اون بیش میلیارد اقش دالر یاردم کورستگن. شونینگدیک هالند، بریتانیا، سویدن، ناروی، دنمارک، فرانسه، اسپانیا و باشقه اروپایی مملکتلرنینگ افغانستان خلقیگه بی واسطه یاردم و همکارلیک قیلگنی اوچون منتدار میز. ییریک قوشنی دولتلریمیزدن بولمیش چین دولتی هم افغانستان تجارت یولی بیلن دنیا بازاریگه یول تاپیش اوچون زمینه یره‌تگنی اوچون تشکرلریمنی بیلدیره‌من. چین، افغانستان ایپک یولی نینگ چهارراهه لریدن بیریگه ایله‌نیشینی خوش قرشیله‌گن مهم دولتلردن حسابلنه‌دی. بیزلر تورت میلیارد انسان ایچیده قرار تاپگن میز. بیر آز حرکت ایتسک انشاالله بوتون آسایشته‌لیککه ایریشه میز. آسترالیا و کانادا دولتلریگه هم منتدارلیک ایته‌من. ناتو، افغانستان ملی کوچلرینی حربی ساحه‌ده جهازلب تورلی امکانیتلرنی بیریب کیلگن. بو تشکیلات چهار چوبه‌سیده بولگن ۴۶ مملکت افغان حربیلرینی بی ملال حمایت قیلیب کیلگن. تاجکستان و ترکمنستان دولتلری بیلن اینگ یخشی مناسبتده بولگنیمیزدن البته خبرینگیز بار. افغانستان غربی حدودیده جایلشگن ایران اسلامی جمهوریتی ایریم بولیملر جمله‌دن افغانستانلیکلر رهبرلیگیده تینچلیک لایحه‌سی اوتکزیلیشینی ایلگری سوریب کیلگنی اوچون قدردانلیک قیله‌من.
اسلام دنیاسی نینگ قبله‌سی بولمیش سعودیه عربستانی رسمی کابلنی ایریم بولیملرده حمایت قیلیب کیلگن اساسی مملکتلردن حسابلنه‌دی. بو مملکت افغانستان تینچلیک مساله‌سی گه عاید کعبه شریفده ییریک ییغینگه میزبانلیک قیلدی. شونینگدیک مدینه منوره امامی حرمین شریفین خادمی، افغانسان خلقی نینگ تینچلیک سوره‌ش ایسته‌گیگه لبیک دیب، یره‌ش لایحه‌سی اوچون عملده بیز بیلن ییلکمه – ییلکه یاردم بیریب کیلگنلر. عین حالده، بیرلشگن عرب امیرلیکلری هم افغانستان مساله‌سیگه عاید کنفرانسگه میزبانلیک قیلیب، تینچلیک لایحه‌سی اوچون منت سیز همکارلیک کورسه‌تیب کیلگن.
سوزلریم سونگگیده مصلحتی لویه جرگه نینگ اعضالریدن ینه بیر بار بیرلیک و بیردملیککه سبب بوله‌دیگن مهم مساله گه اعتبار بیرگنلری اوچون رحمت. سیز قدرلی لویه جرگه نینگ اشتراکچیلری ایسته‌گینگیزگه بناً آتیش – کیسین اعلان قیلیشگه تیارمن. شونینگدیک افغانستان مدافعه‌وی و ملی کوچلریدن آتیش – کیسین اعلان ایتیلگن حالده، بونی اینگ اصولی طرزده مراعات ایتیشلرینی سوره‌یمن. آتیش – کیسین بیر تامانلمه بولمه‌یدی. آتیش – کیسین اعلان قیلینیشی اوچون طالبلر تیارلیک کورستگن حالده، بیز تخنیکی ایشلرینی باشلشگه تیار میز.
زنده باد افغانسان
یشه سین افغانستان
ژوندی دی وی افغانستان
تل دی وی زمونژ دولی جرگه فرهنگ