افغانستان اسلامی جمهوریتی جمهور رئیسی نینگ مملکتیمیز امنیتی و دفاعی کوچلرینی حمایت ایتیش ملی کونی مناسبتی بیلن پیامی

۰۹ حوت ۱۳۹۸

بسم الله الرحمن الرحیمتوقیزینچی حوت افغانستان امنیتی و دفاعی کوچلری نینگ حمایت ایتیش ملی کونینی قوراللی کوچلرنینگ برچه مسووللری، شهیدلر عایله‌لری و مملکت نینگ شرفلی و بویوک خلقیگه قوتلوغ بولسین دییمن. مملکت نینگ ملی منفعتی، ییر بوتونلیگی و ملی نوامیسنی سقلش یولیده شیرین جانلرینی فدا قیلیب شهید بولگن خوفسیزلیک و دفاعی کوچلر جایلرینی بهشت بَرین ده بولیشینی و تن جراحتی آلگن شخصلرنینگ برچه‌سینی تیزلیکده ساغه‌لیشینی الله تعالیدن ایسته‌یمن.
سیز باتور خوفسیزلیک و دفاعی کوچلر ملی اداره‌لرگه تعلقلی بولیب اساسی قانون نینگ پاسدارلری، ملی بیرلیک مستحکم لنیشی نینگ حمایتچیسی و ملی اقتدارنینگ حاکمی سنه‌له‌سیزلر. سیزلرنینگ اوروش برابریده قطعی توریشینگیز، دشمن کوزله‌گن مقصدیگه ایریشه‌ آلمسلیگیگه سبب بولدی.سیزلرنینگ کیچه و کوندوز تینیم سیز سعی وحرکتینگیز دفاعی حالتدن هجومی حالتگه اوتیشینگیز بیلن آق مملکت بویلب اون ته اولسواللیک جنگریلر تصرفیدن چیقدی، سیز افغانستان اسلامی جمهوریتی دولتی نینگ حاکمیتینی بو ییرده برقرار ایتدینگیز.اوروش میدانیده ترورچی گروه‌لر اوستیدن غلبه قازانیشینگیز و حاضرگی کونده هر بیر جهتدن قابلیتگه ایریشگنینگیز برچه‌سی تورلی قتلم آدملرنینگ قولب – قووتله‌شی نینگ نتیجه‌سی دیب بیله‌من. آدملر سیزلرنی قوللب – قووتلش اوچون مملکت بویلب بیر توختمگه کیلگنلر. یورتیمیزنینگ خوفسیزلیک و دفاعی کوچلری پارلمانی همده جمهورلیک ریاستی سیلاولری نینگ امنیتینی تامینلش بیلن ینه بیر گل طرف‌سیز، مسلکی، ملی و بوتون افغانستان خلقیگه قره‌شلی ایکنلیکلرینی اثباتله‌دیلر. سیزلر بو سعی وحرکتینگیز بیلن مردم سالارلیک جامعه‌ده دموکراسی مهم بیر اصل ایکنینی نهادینه قیلیش شرایطینی یره‌تیب تمثیل قیلدینگیز.مین، افغانستان قوراللی کوچلر اعلی باش قوماندانی اوله‌راق برچه‌لرینگیز مینینگ، ملت نینگ و دنیا همجمعیت دولتلری نینگ کوچلی حمایتیده بولگنینگیزنی ایشانچ بیلن ایته‌من. سیزلر زمانوی حربی اوسکونه‌لر بیلن جهازله‌نیشینگیز اوچون آلدیندن کوره کوپراق سعی وحرکت ایته‌من. کمینه مملکت نینگ بیرینچی خذمتچیسی اوله‌راق موضعگیرلیکلریم، خوفسیزلیک و دفاعی اداره‌لر رهبرلیگی نینگ سعی و حرکتی و سیزلرنینگ باتورلیک همده فداییلیگینگیز نتیجه‌سی بوگون زوروانلیکنی کمه‌یتیریش نینگ گواهی بولیشیمیزگه سبب بولدی.
اوشنده‌ی که اوروش میدانیده دشمن مقابلیده تیک توریب قورقمسدن خلق و یورتنی دفاع ایته‌سیز و زوروانلیک نینگ کوزگه کورینرلی درجه‌ده کمه‌یتیریش هفته‌سیده افغانستان اسلامی جمهوریتی تعهدینی صلابت بیلن کورستگنینگیز کبی خلقیمیز و جامعه‌میز نینگ بیرینچی ایسته‌گی و الله نینگ بویروغی بولمیش دایمی بیر تینچلیککه ایریشیش اوچون کوزله‌گن مقصدگه ییتیشیشینگیزگه ایشانه من. افغانستان باتور کوچلری و قورقمس قهرمانلریمیز دایم یشه‌سین!


اولَش