افغانستان اسلامی جمهوریتی جمهور رئیسی محمداشرف غنی‌نینگ مزارشریفده اهالی ییغینیده سوزله‌گن نطقی نینگ تولیق متنی

۱۵ میزان ۱۳۹۷

بسم الله الرحمن الرحیم

حرمتلی اولوغلر، قدرلی آپه لر،  عزیز ایناغه لر، باستانی بلخ ولایتی‌نینگ عزیز اهالیلری، السلام علیکم و رحمت الله و برکاته!

حرمتلی بیرینچی  عیال بی‌بی گل  و مین، بوگون مزارشریف شهریده و اوشبو مجلسده سیز بیلن بولگنیمیزدن کوپ خرسندمیز. بو ولایت و بو شهر نی ایسکی و افتخار دن توله تاریخی و کتته ظرفیتی بار. بو تاریخی میراثنی قدر قیلیش و بو ظرفیتنی امکانات گه اوگیریش سیزنینگ یاردمینگیز بیلن ممکن و بو ایش بیزنینگ وظیفه و مسئولیتیمیز دیر.

جناب والی صاحب، حرمتلی بویوکلر، قدرلی آپه- سینگیللر، عزیز برادرلر، باستانی بلخ ولایتی‌نینگ عزیز یشاووچیلری، آپه-سینگیللر و آغه- اینی‌لر! مین بیرینچی خانم بیلن بلخ‌ده بولگنیمگه فخر قیله‌من، بلخ ملی بیرلیک بیلگیسی و افغانستان‌نینگ اویی دیر. بلخ، قیسی افغان، قیسی ولایت دن بو ییرگه سفر قیلگنینی تفکیک قیلمه‌یدی و بلخ‌نینگ ایته‌گی کینگ دیر. بلخ‌نینگ عیاللری رابعه بلخی یولینی دوام ایته‌دیلر و عالملری مولانا و باشقه یوزلرچه اولیا یولیدن یورییدلر. بلخ‌نینگ یاشلری مفکوره گه ایگه لر و تجار و صنعت کارلری‌نینگ مشخص پلانلری بار و بوگون مینینگ بیلیمنی باغله‌دینگلر و بوندن سونگ مینینگ اراده‌م اوچ برابرگه آشدی.

مینینگ سوزلریم نیچه بولیمده بوله‌دی، بیرینچی سی تشکر دیر. بلخ‌نینگ برچه قتلملری، بلخ ولایتی کینگشی اعضالری، عزیز عالملری، یاشلری، خاتین- قیزلری، صنعتچیلری، مدنی جماعه اعضالری بو ایککی کونده بیر دوست و بیر خادم حیثیده بیرینچی عیال و مینی کوتیب آلگنلرینگیز اوچون چین یوره‌ک دن تشکرلیک بیلدیره‌من.

ایککینچی، هر بیر بلخ لیکدن بلخ‌نینگ ثبات و خوفسیزلیگی اوچون تشکرلیک قیله‌من، بلخ‌ده خلق‌نینگ فعال نقشی بولمه‌گنده، ثبات، رفاه و امنیت بولمسدی، هر بیر بلخ لیکدن ینه چین یوره‌کدن تشکرلیک قیله‌من.

اوچینچی، بلخ لیک آپه- سینگیللردن خاص بیر تشکرلیک قیله‌من. تورلی ساحه لرده، توغروقخانه‌نینگ توناوون آچیلگنی بیلن برچه لرینگیز و جناب داکتر صاحب فیروزنی تبریکله‌یمن، بلخ‌ده لایق داکتر و نرسلر همده متعهد قابله لرنی کوردیم. بوگون بلخ خاتین- قیزلری حیات‌نینگ برچه بولیملریده فعال حضورلری بولگنی افغانستان‌نینگ برچه خلقیگه فخر بغیشله‌یدی و اینیقسه بوگون بلخ ده تاجر و صنعتگر خاتین- قیزلرنی کوردیم و مشخص نظرلرینی بیرینچی عیال و مین ایشیتدیم.

جناب والی صاحب گه خاص بیر تشکرلیک قیله‌من، خاص نماینده‌م ایدینگیز، نماینده‌م سیز و نماینده‌م بوله‌سیز! جناب والی صاحب‌نینگ سالم مدیریتی دن، کیله‌جکنی کوزله‌یاتگن و اونگه ایشانچ فضاسینی یره‌تگنی اوچون منتدارچیلیک بیلدیره‌من و بیر نیچه اوباش تامانیدن مزارشریف امنیتی وضعیتی یامانلشتیریلگنینی مینگه ییتکزیب و خاص قطعه پیشنهادینی قیلدینگیز، اونلرچه خاص قطعه نی خدمتینگیزگه بیره‌من. تدبیرینگیز اوچون تشکرلیک قیله‌من، ولایتی کینگش و خاص شکلده حدید صاحب گه تشکرلیک بیلدیره‌من. مردم سالارلیک سالم انتقادگه استوار بولیشی کیره‌ک و انتقادنی ایشیتیشگه حوصله سی بولمه‌گن جمهور رئیس گه افغانستان ده اورین یوق. مولانا شهری ده بیزنینگ ایشیمیز ایریلیش ایمس باغله‌نیش دیر و اگر فغانلری بولگنده فغانلرینی آرام قیلیشیمیز لازم، بلخ‌نینگ ولایتی کینگشی اعضالری و برچه قتلملری گه تشکرلیک بیلدیره‌من.

ایککینچی بولیم، بوگون باستانی بلخ‌نینگ افغانستان و دنیاگه نیچه پیامی بار و مین ایشیتگن ییتتی پیامنی یورتداشلر و مملکت یشاووچیلریگه ییتکزه‌من.

بلخ‌نینگ بیرینچی پیامی امید دیر، کیله‌جککه ایشانچ دیر، افغانستان امیدسیز بولمسه، بلخ امیدسیز ایمس، مین امید دن توله بیر فضانی کوره‌من. صحبت ایتگن بلخ لیک هر بیر یاش ییگیت، بلخ لیک هر بیر سرمایه دار، عیال و عالم کیله‌جککه امید دن صحبت ایته‌دیلر و بو امید بیزنینگ قیرق ییللیک میراثی بحرانیمیزنی رفع ایته‌دیگن اینگ کتته دارو دیر. بلخ، قیرق ییللیک بحرانگه بیز نقطه قوییشیمیزگه امید قیله‌دی و بلخ اوزی‌نینگ ثباتی بیلن امید نیگیزلرینی کینگه‌یتیریش گه اورنک بوله‌دی.

بلخ‌نینگ ایککینچی پیامی تحول دیر، بلخ اصلاحات ایسته‌یدی، بلخ مردم سالارلیک ایسته‌یدی، بلخ عیال سالارلیک ایسته‌یدی، ییگیت سالارلیک ایسته‌یدی و بلخ  برچه برابر افغان آغه- اینیلر، آپه- سینگیللرنینگ ملی مشارکتینی ایسته‌یدی و بونی بیز جان و دل بیلن قبول و عملی قیله‌میز.

اوچینچی، بلخ رشد ایته‌دی و رشد ایتیشگه تیار دیر. بلخ بوگون مینگه افغانستان‌نینگ اورته‌آسیا، چین، قزاقستان، روسیه و اروپا گه بولگن آچیق ایشیگی دیر. بلخ بوگون اوزی و حیرتان نی کیچیک محلی مقیاس ده کورمه‌سین. بلخ ان‌شاألله و تعالی اینگ کتته صادرات همده خلق‌ارا تجارت مرکزلریدن بیری گه ایلنه‌دی. شو جهتدن حیرتان و نایب آباد همده مزارشریف شهری مهم دیر و خلق‌ارا مشورتی شرکت لردن بیری خدمتلرینگیزگه قوییله‌دی و مزارشریف، بلخ و حیرتان کیله‌جگینی آچیق کوریشیمیز لازم و دروازه حدی دن قلب و بیرلیک لرینگیزگه تعلقلی دیر. بیر بوش اریغچه ایسته‌گنینگیزده، اونگه کوتاه‌بینلیک بوله‌دی، اون لَینلیک بیر شاه یول ایسته‌گنینگیزده حیرتان و بلخ تیار دیر و مین اون لَینلیک بیر شاه یول نی ایسته‌یمن، بیر کیچیک کوچه نی ایمس.

تورتینچی، بلخ باغلش نقطه سی دیر و باغله‌نیشنی ایسته‌یدی. ۱۱۷ ییلدن سونگ اوزبیکستان بیلن برادرانه مناسبتلریمیز قیته تیکلندی و بیر کونده ۱۹ بیتیم امضالندی و اینگ کوپ فایده نی بلخ قازاندی، بونی بلخ و بلخلیکلرگه تبریک اَیته‌من.

بوگون بلخ بیر تاماندن افغانستان ولایتلری‌نینگ بیر- بیری بیلن باغلش نقطه سی دیر و بلخ‌ده بولگن سرمایه، بوتون افغانستان دن ایمس می؟ و بلخلیکلر افغانستان‌نینگ باشقه نقطه لریده سرمایه یاتقزمه‌یمی؟ بیزنینگ قره‌شیمیز آچیق بیر قره‌ش بولیب افغانستان قشرلری، قوملری، عیال و ایرکگی، باله سی و یاش ییگیتی و قرری و معلوللری، امنیتی و دفاعی کوچلریمیز شهیدلری برچه میز بیر- بیرگه باغلنیشیمیز کیره‌ک.

شو جهتدن بلخ، امنیتی و دفاعی کوچلریگه فخرلنه‌دی، جناب لوی درستیز صاحب، جناب معین صاحب ارشد، جناب جنرال صاحب عباد خان مزارشریف شهری وضعیتی اوزگریشی گه قیلگن عاجل توجه نگیز اوچون مزارشریف و بلخ خلقی نماینده لیگیده سیز افغانستان قهرمانلری دن تشکرلیک بیلدیره‌من و بلخ‌نینگ تورت تومنی خوفسیزلیگی افغانستان ملی امنیتی‌نینگ بیرینچی ایشلریدن دیر.

بلخ افغانستان‌نینگ ملی بیرلیگی مرکزی دیر و بلخ‌نینگ کیله‌جگی افغانستان‌نینگ ملی بیرلیگیده دیر. بلخ تفرقه گه اجازه بیرمه‌یدی، بلخ کوتاه‌نظرلیککه اجازه بیرمه‌یدی، بلخ تعصب و امتیاز پذیرلیککه اجازه بیرمه‌یدی. بلخ بوتون افغانستان نی تمثیل قیلیشنی ایسته‌یدی و مین جناب والی صاحب‌نینگ بو دیدگاه و مدیریت شیوه سیگه فخرلنه‌من.

ملی بیرلیک یلغوز گپده ایمس، بیزنینگ ملی بیرلیگیمیز، ارتباطیمیزده دیر. بوگون تطبیق ایتیلگن موفق پالیسی برکتیدن اورته آسیاگه باغلندیک، غضنفر صاحب اَیتگنلری دیک قوروغچیلیک تاثیرینی خلق حس قیلمه‌دی، جناب غضنفر صاحب و سیزلرگه تشکرلیک قیله‌من.

نیچه ییل آلدین ۲۰۰۹- ییلده قوروغچیلیک کیلدی، تاثیری قنده‌ی‌لیگینی کوردینگیزمی؟ اما بوگون بوغدای آز یا کوپ بولگنینی هیچ بیر شخص حس قیلمه‌دی، بو باغله‌نیش نقطه سی دیر و بو ییرده افغانستان‌نینگ اقتصادی وحدتی، فکری وحدتیچه لیک مهم دیر، اما برچه سی‌نینگ پایه سی بیزنینگ فکری وحدتیمیز دیر، افغانلر متحد بولگن زمانی ییر یوزیده بیزنی شکست بیره‌دیگن قوتنی مین کورمه‌دیم.

تاریخده بیزگه ییتگن صدمه اوزیمیزنینگ کوتاه‌بینلیک و کیچیک رقابت لریمیزدن دیر، افغانستان‌نینگ سیاسی قشریده هیچ بیرکتته اختلاف یوق دیر، خدا اوچون بیر نیچه چوکی اوستیده افغانستان نی خراب قیلمنگ، کیره‌ک بولگنده مین سیزلرگه نیچه ته چوکی آله‌من.

بلخ‌نینگ مین بوتون افغانستان گه ییتکزه‌دیگن باشقه بیر پیامی مذهبی وفاقی دیر، بلخ ده سنی و شیعه مذهبلری آره‌سیده‌گی آپه- سینگیللی لیک و آغه- اینی لیک اورنگی مثل‌سیز دیر، بو وفاق اوستیده مین فخرلنه‌من و حقیقتده هم امید اورنی دیر، چون حاضر کابل‌ده افغانستان دشمنلری اوروش و سیاست میدانیده بیزنی شکست بیره‌آلمه‌گنی اوچون هجوملرنی یولگه تشله‌یدیلر، مذهبی تفرقه نی ایجاد ایته‌دیلر و کوزلری کور بوله‌دی و افغانستان خلقی واحد و متحد بوله‌دیلر.

جناب والی صاحب سیلاو خصوصیده بیرگن اطمینانینگیزدن تشکرلیک بیلدیره‌من، مردم سالارلیککه ایشانیش دیر. سیلاوسیز مردم سالار تیزیم مستحکم بولالمه‌یدی. سیزلرنینگ خادملرینگیز اساسی قانون‌نینگ بیر بولیمینی محکم توتیب بیش ییل جمهور رئیسلیک دوری عوضیده باشقه بیر بولیمینی سیلاو اساسی قانون اَیتگن کونده بولیشینی محکم توتگن، بو گپ سیزلرگه ثابت بولگنیگه امید قیله‌من.

اولوسی جرگه و ولایتی کینگش همده جمهور رئیسلیک سیلاولری‌نینگ موفقیتی، قانونیت ضامنی دیر، ملی وثیقه میز واقعا عملگه اوزگریشیگه ضامن بوله‌دی، نه یلغوز بیر نظرگه قالمه‌یدی، چوکی نی محکم توتیش عُرفیگه نقطه قوییشیمیز کیره‌ک. برچه میز خادم میز و مین هم‌کسبلریم معلم لر تشریف بویورگنلری اوچون فخرلنه‌من و معلملر کونینی ینه سیزلرگه تبریک اَیته‌من، مالیه وزیرلیگی دن کیتگندن سونگ معلملیک قیلگنیم دیک جمهورلیک ریاستی دن سونگ هم وطن اولادی خدمتی ده بوله‌من.

اوچینچی مسئله، بیر بولیم قیینچیلیکلر دیر. اول جناب حدید صاحب، لوی درستیز صاحب کیتیب تیکشیردیلر، منطقه؛ قماقخانه و معتادلر اختیاریده قوییله‌دی. اگر سرعت عمل ایسته‌سنگیز، سرعت عمل نی کوریشینگیز ممکن، بخیر بولینگ!

ایککینچی، حلقوی یولینگیزنی ارگ محاصره ایتگن ایمس، بو مسأله دوشنبه کونی یولگه تشلنه‌دیگن ملی تدارکات کمیسیونی‌نینگ کیله سی جلسه سیده آلینه‌دی و تصمیم مینینگ میزیم اوستیده کیلگن زمانی، قاطع بوله‌من، ان‌شاءالله.

اوچینچی مسئله، شاشیلینچ انسانی یاردملر دیر، زراعت وزیری، جناب فهیم صاحب و برچه رسمیلرگه مینینگ واضح هدایتیم جناب فهیم صاحب و درانی صاحب، جناب والی صاحب‌نینگ نظرلری آستیده بو ییرده هر تامانلمه بیر تیکشیروونی عملی قیلیشلری کیره‌ک، بلخ ده هر قنچه یاردم کیره‌ک بولسه بلخ اختیاریده قوییش هدایتینی بیره‌من. چون بو قیینچیلیک قالمه‌دی، هوا میدانی موضوعینی بیگ صاحب تعقیب قیلیشی و مشخص ایتیشی لازم، ایککیسی‌نینگ اورته سیده بیر واضح فیصله بدیل بولیشیگه تعهد بیره‌من.

مردم حققی، دولت مردم‌ حققینی تلف قیلیب و توغری تصمیم آلمه‌گنده قبول قیلینرلی ایمس، تصمیم واضح شکلده آلینیشی کیره‌ک و حق حقدارگه ییتیشیشی لازم، بو بولیمده خواطرینگیز بولمه‌سین.

برق موضوعینی بیر هیئت تیکشیریشینی اَیتدیم، ادعانگیز عادلانه بولگنده باشقه شهرلر بیر تورلی برق و مزارشریف و بلخ باشقه تورلی برق آلگنده مین اوستیده تصمیم آله‌من، بعضی چیگره منطقه لردن بولک برقی قراردادی، خاص دیر.

سیزگه مینینگ خوش خبریم ۱۸آی ایچیده ان‌شاالله و تعالی افغانستان برق شبکه سینی بیر واحد شبکه گه ایلنتیره‌میز. مین جمهور رئیس بولگن زمانیم ۹ تورلی شبکه ایدی، ۹ تورلی ارال ایدی، بیز واحد بیر برق شبکه سی‌نینگ اخیرگی باسقیچیده میز، اینگ قیمت برق بادغیس ده ایدی، سیزنینگ۶ افغانی اوستیده شکایتینگیز بار، اولر ۵۴ افغانی بیرردی، غزنی ۳۵ افغانی بیرردی، داکتر صاحب طالب دن سوره‌نگلر، شبکه توزیلماقده، بولرنینگ برچه نرسه لرینی مین تیکشیریشیم کیره‌ک. چون دولتی شرکت اوستیده غایبانه امر صادر ایتگنیمیزده، ایرته شرکت دولتی ایمس دییدیلر، اما واضح تیکشیریش بولیشی سیزنینگ حققینگیز دیر، بیر آچیق تیکشیریش ان‌شالله و تعالی عملی بوله‌دی.

معلوم که انکشافی پروژه لر ایشیمیزنینگ اوستیده توره‌دی و آلغه باره‌دی. جناب میرزایی صاحب گه چین کونگیل دن تشکرلیک بیلدیره‌من و جناب میرزایی صاحب کلیدی نقطه‌نگیز مطلق اورینلی دیر، ۲۵۰۰ دن کوپراق یاش مهم پُستلرده مقرر ایتیلگنی یخشی دیر، اما ییترلی ایمس، خاتینلرهم اینگ کلیدی پُستلرده مقرر ایتیلدی، یخشی اما ییترلی ایمس. سیز مملکت‌نینگ ایککی قاطع اکثریتی‌سیز، کوپراق توجه قیلیش لازم و کوپراق توجه بولیشیگه سیزگه تعهدیم بیره‌من و نقطه لرنی ذکر قیلگنینگیز اوچون ممنون من.

بلخ‌نینگ امنیتی بولیمی، مین مزارشریف خوفسیزلیگینی خطرگه تشلشنی ایسته‌یدیگن هر بیر اوغری گه واضح شکلده ایته‌من، اورنینگیز تاغده دیر قاچینگلر، اوزلرینگنی دریاگه تشله‌نگلر، مزار اورینلرینگیز ایمس، سیزلر بیلن جدی عمل بوله‌دی.

و جناب والی صاحب سیزگه بلخ قطعه سی تقویت بولیشی هدایتینی بیرگنمن، اختیارلرینگیزده دیر، هر بیر اوغری و رزیل نی آغیر جزالنتیرینگ، هدایت و صلاحیتینگیز بار، همده تورت تومن خوفسیزلیگی، افغانستان یاولری اوروشنی نیگه شمال گه انتقال بیردیلر؟ لوی درستیز صاحب سیزلرگه ایته‌دیلر، بونینگ کتته دلیللریدن بیری بیزنینگ کتته پروژه لریمیز و بیزنی اورته آسیاگه باغلنیشیمیز دیر.

آغه- اینیلر! بو خطرلر اتفاقی ایجاد ایتیلمه‌گن، بو خطرلر عمدی دیر، تورخم و سپین بولدک نی باغله‌گن کونلری کابلگه لرزه توشردی، بیز لرزه خلقی ایمس میز، بیز افغانستان‌نینگ شمالی خوفسیزلیگی بوزیلیشیگه اجازه بیرمه‌یمیز. کیله‌سی تورت آیده مینینگ کوپراق توجه‌م افغانستان شمالی و شمال شرقی خوفسیزلیگی اوستیده بوله‌دی. افغانستان‌نینگ تورلی نقطه لریده قوا تقسیمی خطر تهدیدلری توری فرق قیله‌دیگن بیر زمانده توزیلگندی، بوگون تهدیدلر توری فرق قیله‌دی، خصوصاً بلخ نی متاثر قیله‌دیگن فاریاب، جوزجان، سرپل مثلثی و باشقه بیر مثلث هم بغلان و بیرازگینه سمنگان و قندوز جدی توجه آستیده دیر.

نتیجه ده ان‌شاالله و تعالی اقداملرگه شاهد بوله‌سیز و بو جهتدن، سیزگه یوبارگن جنرال هلمندنی بنیادی شکلده اوزگرتیردی، هلمند وضعیتی افغانستان شمالی دن اون برابر قیین و لوی صاحب همده کامل بلدیتی بولگن معین صاحب ارشد و عبادخان گه پیشنهادنی تنله‌گنلری اوچون تشکرلیک بیلدیره‌من. افغانستان‌نینگ امنیتی و دفاعی کوچلری بیرلیکده ایشله‌یدیلر، پولیس‌نینگ قیینچیلیکلری بار، اوزگریش کیریتیله‌دی، بلخ‌ده پولیس اساسی صورتده مسلکی، مجهز و خاصتاً شهری پولیس شرایطی کوپ بولیشی ، حوزه لر سانی کوپه‌ییب پولیسگه اساسی توجه بولیشی کیره‌ک.

بیزنینگ عمده هدفیمیز نیمه دیر؟ اردو متحرک بولیشی کیره‌ک، اردو زمینگیر بولیب کیچیک پوسته لرنی قوریب تورگن زمانی، اردونینگ قوتینی قولدن بیره‌میز، کوماندو اوستیده پهره قیلمنگلر. خداوندنینگ فضلی و امنیتی و دفاعی کوچلریمیز، کوماندو و هوا کوچلریمیز افغانستان‌نینگ ملی حاکمیتینی تامین قیلیشلریدن سیزلرگه اطمینان بیره‌من. مین جمهور رئیس بولگنیم‌نینگ بیرینچی آییده کنرنینگ دانگامی ده بیر تیپپه اوستیده هجوم ایتیلدی، امنیتی و دفاعی کوچلریمیزنینگ برچه رهبرلری بیر تیپپه نی جبران قیلیشلری اوچ هفته وقت آلدی. بولر بوگون افغانستان‌نینگ هر بیر نقطه سیده ۱۲ دن ۲۴ ساعت گچه امنیتنی تامین قیلیشگه کوچلری ییته‌دی. افغانستان یاولری بونی بیلیشلری کیره‌ک، حاضرگی افغانستان ایسکی افغانستان ایمس و بیزنینگ امنیتی و دفاعی کوچلریمیز هیچ بیر تشقی مزدور عسکرگه محتاج ایمس. افغانستان امنیتی، خصوصی لشتیریلمه‌یدی، بیزنینگ امنیتی و دفاعی کوچلریمیز اساسی قانونیمیزگه کوره بو توپراق‌نینگ قوریقچیلری دیرلر. بولر قه‌ییرده باش بیرمه‌ی، سنگر بیرگنلر؟ بولر قه‌ییرگه کیتمه‌دیلر؟ افغانستان لوی درستیزی، امنیتی ارشد معینی، استخبارات معاونی افغانستان‌نینگ قیسی بیر منطقه سیده بیر کونده ییتالمه‌یدلر؟ و اینگ کوپ اوزگریش بیزنینگ امنیتی و دفاعی کوچلریمیزگه کیریتیلگن. بوگون هر بیری دن سوره‌نگلر، ۱۵ ییل ۱۶ ییل بعضیلری ۲۰ و ۲۵ ییل ترفیع ایتمهگن شخصلر بوگون اوزلری‌نینگ لیاقتلری اساسیده ترفیع ایته‌دیلر و افغانستان‌نینگ برچه قوملری ملی اردو، ملی پولیس و ملی امنیتیمیزده شرف و افتخار بیلن حضورلری بار دیر؛ امنیتیمیز، تورت ییللیک پلانیمیز دیر، بیز بیرینچی ییل سونگیده میز.

ان‌شاالله و تعالی امنیتیمیز یخشی بوله‌دی، اما آچیق اَیتیش کیره‌ک که بو کتته شهر لهراسپ، گشتاسپ و اسفندیار پایگاهی ایدی، رستم بوتون کوچی بیلن سیمرغ گه مراجعه ایتمسدن اسفندیارنی اورالمه‌دی، رستم اوروش میدانیده یلغوز افغانستان شمالی دن بولگن ایککی نفر، سهراب‌نینگ اوز بچه سی، تهمینه قیزی و اسفندیار بلخی، بو قهرمانلر بیزنینگ قانیمیزده دیر و بو قهرمانلیک دوام ایته‌دی. هیچ بیر شخص نی بیز نیمه دن توزیلگنیمیزگه شبهه سی بولمه‌سی کیره‌ک، بیزنینگ قانیمیز و استخوانیمیز اوتگن نسللریمیزنینگ قانی دن دیر و بونگه وضاحتیمیز بولیشی کیره‌ک. اما واقعاً مین ایسته‌گن اخیرگی گپیم بوگون بلخلیک سرمایه دارلر بیلن بولگن اساسی بحثیمیز ایش امکانیتینی یره‌تیش اوچون بیر ینگی پیشنهاد و ینگی یول- یوریغ یره‌تیش دیر، اقتصادی سرعت اوچون دیر، سرمایه گذارلیک اوچون دیر، مین کیله‌سی تورت دن آلتی هفته گچه برچه لرینگیز ینگی بیر طرح بیلن کیلیشلرینگیزنی ایسته‌یمن، سرمایه لرینگیزنی متمرکز ایتیشلرینگیز کیره‌ک، ییر قیینچیلیگینی دولت بنیادی شکلده حل ایته‌دی، صنعتی پارکلرینگیزنی مین شو ییردن اعلان ایته‌من، اوزلرینگیز پیشنهاد ایتینگلر، اوزلرینگیز تمویل ایتینگلر. دولت مامورلری‌نینگ کاغذ پرانلیگی مینگه قبول قیلینرلی ایمس. شارواللیک قانونی، خصوصی سرمایه گذارلیک قانونی دیر، برچه‌نینگ مشارکتی فراهم ایتیلگن، بیر کتته تحرک زمینه سی یره‌تیلگن، کیلینگلر بیر تعهد قیله‌یلیک.

بلخ نی ۹ فایز رشد بیریش، بیر هدف قویینگلر که حیرتان دن صادر بوله‌دیگن ییللیک عاید بیر میلیارد دالردن کوپ راق بولیشی کیره‌ک و بلخ رشدی نی ۹ فایزگه ییتکزیشی لازم دیر. بو دیدگاه ده برچه بلخ لیکلر بیر ییرده بوله‌دیلر. دوامدار رشد بولمسدن قیینچیلیک حل بولمه‌یدی. قشاقلیک معماسینی صدقه بیلن حل ایتالمه‌یمیز، قشاقلیک قیینچیلیگینی ایش تاپیش بیلن حل ایته‌میز و بلخ لیک حرمتلی عیاللردن اول تشکرلیک قیله‌من و تشبث لرینگیز تقویه بولیشیگه تعهد بیره‌من. متشبث بولگن هر بیر عیال یلغوز بیر شخصنی ایمس، بیرعایله نی ایاق اوستیده توردیره‌دی. اونوتمنگلر سیز سعودی عربستان‌نینگ اوشه زمانده‌گی اینگ کتته تاجری و دنیانینگ اینگ سرمایه داری بی بی خدیجه‌نینگ قیزلری سیزلر، و ان‌شالله و تعالی رابعه بلخی‌نینگ بیلیمی، گوهرشاد و تاریخمیزنینگ یوزلرچه عیالی شجاعتی بیلن بیز برچه افغانستان مصئونیتی گه سبب بوله‌دیگن ایشلرنی بجره‌میز.

سیز تشقی یاردملرگه اشاره قیلدینگیز، مین بلخ نی تشقی یاردملرنی کوتیب توره‌دیگن ولایت ایمس، افغانستان‌نینگ آرتده قالگن ولایتلری گه کمک قیله‌دیگن مرکزگه ایله‌نیشینی ایسته‌یمن، اخیرده ینه هم تشکرلیک قیله‌من.

یشه‌سین افغانستان

تل دې وی افغانستان

زنده باد افغانستان

پاینده باد بلخ باستان


اولَش