جمهور رئیس محمد اشرف غنی‌نینگ آتامراد- آقینه تېمیر یۉلی آچیلیشیدن سۉنگ قیلگن بیاناتی‌نینگ متنی

۰۸ قوس ۱۳۹۵

بسم الله الرحمن الرحیم

تورکمنستان کابینه سی‌نینگ حرمتلی اعضالری، افغانستان کابینه سی‌نینگ حرمتلی اعضالری، وکیللر، حرمتلی سناتور صاحبلر، دین عالملری، ایلچیلر، دوست مملکتلرنینگ حرمتلی نماینده لری، مدنی جماعه اعضالری، آپه- سینگیللر و آغه- اینی‌لر! السلام علیکم و رحمت الله و برکاته!

خوش کیلدینگیز! ښه راغلاست، خوش آمدید! بوگون بیزگه ساوغه بیلن کیلگن مهمان بار، او قنچه لیک کوپ ایشله‌تیلسه، کوچلی راق بوله‌دی؛ توگللنمه‌یاتگن بیر ساوغه.

بو ساوغه نیمه؟ بیرینچی سی، تورکمنستان و افغانستان آره‌سیده‌گی دایمی و دواملی دوستلیک!

یشه‌سین تورکمنستان و افغانستان دوستلیگی!

 ایککینچی سی، افغانستان کیله‌جگی اوچون اعتبارلی ساوغه. تورکمنستان جمهور رئیسی اوتگن ایککی ییل ایچیده برقرار و آباد افغانستانگه یوز میلونلب و میلیاردلب دالر سرمایه یاتقیزیش قرارینی قبول قیلدی، سیز تورکمنستان‌نینگ جلالتمآب جمهور رئیسی و خلقیگه افغانستان ملتیگه قیلگن کتته اعتبارلرینگیز اوچون تشکرلیک بیلدیره‌من!

اوچینچیسی، بوگونگی ساوغه نگیز آقینه نی آسیا خلق‌ارا تیمیر یولی بیلن باغله‌گنینگیز دیر، تورکمنستان و افغانستان ارتباطی خصوصیده بیر اونیملی آدیم و برچه آسیا قطعه سی‌نینگ اقتصاد یولی گه بیر کتته آدیم دیر.

سیزنینگ تورکمنستان نی آسیا قطعه سی‌نینگ بویوک تورت یولیگه اوزگرتیریش اوچون قیلگن رهبرلیک و زعامتینگیزدن و برچه قوشنیلرینگیزگه یخشی بیر قوشنی بولگنینگیزدن تشکرلیک بیلدیره‌من! (تورکمنستان جمهور رئیسیگه خطاب)

بو تیمیر یولی هر قنچه کوپ استفاده ایتیلگنده، کتته نفت تأسیساتی هر قنچه کوپ قولله‌نیلگنده، قلبلریمیز همده اقتصادی حیاتیمیز شونچه لیک بیر- بیری بیلن باغلنه‌دی و شو جهتدن هر بیر افغان ایرکک و عیال نماینده لیگیده اولیه مواد دن باشلب تا قیر و گاز و نفت قیمتی گچه ارزان توشه‌دی، مین، سیز و تورکمنستان خلقیگه تشکرلیک اظهار ایته‌من.

تورکمنستان، سیز جلالتمآب ‌جمهور رئیس نینگ زعامتی آستیده منطقه وصلی و برچه گه همکارلیک نقطه سی گه اوگیریله‌دی؛ ایران، قزاقستان، اوزبیکستان و آذربایجان و برچه سی بیلن تیمیر یولی ایجاد ایتیلگن. همده تورکمن‌باشی بندریده قوریلگن کوپ کتته تأسیسات نی سیزگه تبریک اَیته‌من. [تورکمنستان جمهور رئیسیگه خطاب] افغان تاجرلری، سرمایه دارلری و دولتی، تورکمن باشی‌نینگ موفقیتینی ایسته‌یدی، بیز همه میز تورکمن باشینی اوزیمیزنینگ ارتباط یولیمیز و اروپا و اروپا- آسیا نینگ عمده یوللریدن بیری بیله‌میز.

عین حالده مین بوگون بیزنینگ ملی قهرمانیمیزنینگ آرزولریدن بیری عملی بوله‌یاتگنی اوچون فخرلنه‌من. امان‌الله خان نینگ نظری گه کوره افغانستان تیمیر یولی بیلن منطقه‌نینگ وصل نقطه سی بولیشی کیره‌ک ایدی. آقینه، بیرینچی آدیم؛ حیرتان باغلندی، ایران دن هراتگه کیله‌دیگن تیمیر یولی ایشی تیزلیک بیلن دوام ایتماقده. بیزنینگ مقصدیمیز ان‌شاالله و تعالی بوتون افغانستاننی کیله‌سی ییللرده تیمیر یولی شبکه سی‌نینگ باغلش نقطه سیگه ایلنتیریش دیر. کیله‌جک آدیم شیرخان‌بندر – مزارشریف (تیمیر یولی) دیر و اوندن سونگ مزارشریف – هرات اوستیده اساسی مطالعه لریمیزنی ایجاد ایته‌میز. بیزنینگ مقصدیمیز چین و ایران نی بیر- بیری باغلش دیر.

شونینگدیک قول اوستیده بولگن باشقه کتته پروژه لر بار، ان‌شاالله و تعالی منزوی افغانستان نی تورکمنستان کبی بیر آسیا تورت یولیگه ایلنتیره‌میز.

تورکمنستان و افغانستان اقتصادی سیاستی هر بیر قوشنی نی اوزی نینگ رفاهی شریکی بیلیش دیر. منطقوی و ملی منفعتلریمیزنی آیاق آستی قیلمه‌گونچه هیچ بیر قوشنیمیز بیلن قرشیلیگیمیز یوق. شو جهتدن بیز اَیریلیشنی ایمس، باغله‌نیشنی ایسته‌یمیز! اَیریلیک نی ایمس، هماهنگلیکنی خواهله‌یمیز! افراطیت و اولیمنی ایمس، بیرگه ترقی ایتیشنی ایسته‌یمیز! همکارلیگیمیز قنچه لیک کوپ بولسه، اوز ارا رفاه آشیب باره‌دی.

مین بو خصوصده یاردم و همکارلیک قیلگن برچه وطنداشلریمگه تشکرلیک بیلدیریشنی ایسته‌یمن. بو بولیمده دایم کتته کمک قیلگن پارلمان نینگ حرمتلی اعضالری، کابینه نینگ حرمتلی اعضالری، جناب لوی درستيز صاحب، معین ارشد و برچه امنیتی و دفاعی کوچلریگه تشکرلیک بیلدیره‌من.

بیزنینگ امنیتی و دفاعی کوچلریمیز بو توپراق نینگ صدیق فرزندلری بولگنلرینی ثابت قیلدیلر و هر کون اوز قانلری نینگ قیمتیده بو توپراق نی قوریدیلر. مین عالملرگه، آقسقاللرگه، برچه شخصیتلریمیزگه و خاص شکلده تورکمنستانلیک همکارلرگه منتدارچیلیک بیلدیره‌من.

تورکمنستان نینگ جلالتمآب جمهور رئیسی، کابینه نگیزنینگ برچه اعضالری دایم افغان لرنی اوزلری‌نینگ آپه- سینگلی و آغه- اینیسی کبی کوردی. بیزنینگ بحث ایتیله‌دیگن هر بیر موضوعیمیزنی خاص شکلده تیکشیروو آستیده آلدیلر و اونگه عمل قیلدیلر و اینیقسه تیمیر یول قوریش بولیمی ساحه سیده چین دن هم قهرمانلیک قیلدیلر. بیز اولرنینگ قهرمانلیکلری اوچون منتدارچیلیک اظهار ایته‌میز و سیزلرهم بونی تقدیر قیلیشلرینگیزگه امید قیله‌من.

 بوگون بیز تاریخی اهمیتلی گونینگ شاهدی بولدیق، تاریخیمیز همیشه لیک بولسون یاشه سین ترکمنستان – افغانستان دوستی لیغی. [تورکمنچه]

پاینده‌باد دوستی ترکمنستان و افغانستان! تل دې وي د افغانستان او ترکمنستان ملګرتیا!

 


اولَش